ਮੁੰਬਈ: ਮਿਲਾਨ ਫੈਸ਼ਨ ਵੀਕ ’ਚ ਆਪਣੀਆਂ ਅਦਾਵਾਂ ਨਾਲ ਸਭ ਨੂੰ ਪ੍ਰਭਾਵਿਤ ਕਰਨ ਮਗਰੋਂ ਬੌਲੀਵੁੱਡ ਅਦਾਕਾਰਾ ਆਲੀਆ ਭੱਟ ਅੱਜ ਮੁੰਬਈ ਪਰਤ ਆਈ ਹੈ। ਉਹ ਕਾਲੇ ਟੌਪ ਅਤੇ ਸਫ਼ੈਦ ਪਜਾਮੇ ’ਚ ਖੂਬ ਫਬ ਰਹੀ ਸੀ। ਉਹ ‘‘ਰੌਕੀ ਔਰ ਰਾਨੀ ਕੀ ਪ੍ਰੇਮ ਕਹਾਨੀ’’ ਦੀ ਅਦਾਕਾਰਾ ‘‘ਗੁਚੀ ਸਪਰਿੰਗ/ਸਮਰ 2024 ਸ਼ੋਅ 2024 ਲਈ ਮਿਲਾਨ, ਇਟਲੀ ਵਿੱਚ ਸੀ। ਇਸ ਸਮਾਗਮ ਵਿਚ ਭਾਰਤ ਤੋਂ ਗੁਚੀ ਦੀ ਆਲਮੀ ਅੰਬੈਸਡਰ ਆਲੀਆ ਭੱਟ ਸਮੇਤ ਹੌਲੀਵੁੱਡ ਤੋਂ ਅਦਾਕਾਰਾ ਜੂਲੀਆ ਰੌਬਰਟਸ ਅਤੇ ਰਿਆਨ ਗੌਸਲਿੰਗ ਵੀ ਸ਼ਾਮਲ ਹੋਏ। ਹਾਲ ਹੀ ’ਚ ਆਲੀਆ ਨੇ ਉਕਤ ਸਮਾਗਮ ’ਚ ਖਿੱਚੀਆਂ ਆਪਣੀਆਂ ਤਸਵੀਰਾਂ ਇੰਸਟਾਗ੍ਰਾਮ ’ਤੇ ਸਾਂਝੀਆਂ ਕੀਤੀਆਂ ਸਨ। ਤਸਵੀਰਾਂ ਨਾਲ ਉਸ ਨੇ ਲਿਖਿਆ ਸੀ, ‘‘ਆਪਣਾ ਅੰਦਾਜ਼ ਪਰ ਗੁਚੀ ਦਾ ਸ਼ਿੰਗਾਰ।’’ ਪ੍ਰੋਗਰਾਮ ਦੌਰਾਨ ਸਾਬਾਤੋ ਡੀ ਸਾਰਨੋ ਨੇ ਇਟਾਲੀਅਨ ਲਗਜ਼ਰੀ ਫੈਸ਼ਨ ਕਾਰੋਬਾਰ ਦੇ ਕ੍ਰੀਏਟਿਵ ਡਾਇਰੈਕਟਰ ਨੇ ਆਪਣੀ ਪਹਿਲੀ ਕੁਲੈਕਸ਼ਨ ਦੀ ਸ਼ੁਰੂਆਤ ਕੀਤੀ। ਗੁਚੀ ਦੇ ਅਧਿਕਾਰਤ ਪੇਜ ’ਤੇ ਡਿਜ਼ਾਈਨਰ ਦੀਆਂ ਵੀਡੀਓਜ਼ ਸਾਂਝੀਆਂ ਕੀਤੀਆਂ ਗਈਆਂ ਹਨ। ਪੋਸਟ ’ਚ ਲਿਖਿਆ ਹੋਇਆ ਹੈ, ‘ਮਿਲਾਨ ’ਚ ਕ੍ਰੀਏਟਿਵ ਡਾਇਰੈਕਟਰ ਸਾਬਾਤੋ ਡੀ ਸਾਰਨੋ 22 ਸਤੰਬਰ ਨੂੰ ਆਪਣੇ ਪਹਿਲੇ ਸੰਗ੍ਰਹਿ ਦੀ ਘੁੰਡ ਚੁਕਾਈ ਕਰਦੇ ਹੋਏ।’’ ਵੀਡੀਓ ’ਚ ਆਲੀਆ ਭੱਟ ਪਹਿਲੀ ਕਤਾਰ ’ਚ ਬੈਡ ਬੰਨੀ, ਕੈਂਡਲ ਜੈਨਰ ਅਤੇ ਅੰਨਾ ਵਿੰਟੂਅਰ ਨਾਲ ਬੈਠੇ ਹੋਈ ਦਿਖਾਈ ਦੇ ਰਹੀ ਹੈ। -ਏਐੱਨਆਈ
