ਮੁੰਬਈ, 2 ਅਗਸਤ
ਅਦਾਕਾਰ ਆਫਤਾਬ ਸ਼ਿਵਦਸਾਨੀ ਅਤੇ ਉਨ੍ਹਾਂ ਦੀ ਪਤਨੀ ਨਿਨ ਦੁਸਾਂਝ ਦੇ ਘਰ ਬੇਟੀ ਨੇ ਜਨਮ ਲਿਆ ਹੈ। ਆਫਤਾਬ ਅਤੇ ਨਿਨ ਦਾ ਵਿਆਹ 2014 ਵਿੱਚ ਹੋਇਆ ਸੀ। ਅਭਿਨੇਤਾ ਨੇ ਸ਼ਨਿਚਰਵਾਰ ਰਾਤ ਨੂੰ ਟਵਿੱਟਰ ’ਤੇ ਬੇਟੀ ਦੇ ਜਨਮ ਦੀ ਜਾਣਕਾਰੀ ਦਿੱਤੀ। ਉਸ ਨੇ ਲਿਖਿਆ, “ਧਰਤੀ ਉੱਤੇ ਇੱਕ ਛੋਟੀ ਜਿਹੀ ਪਰੀ ਨੂੰ ਭੇਜਿਆ ਹੈ। ਰੱਬ ਦੀ ਮਿਹਰ ਨਾਲ ਨਿਨ ਦੁਸਾਂਝ ਤੇ ਮੈਨੂੰ ਇੱਕ ਬੇਟੀ ਹੋਈ ਹੈ। ਇਹ ਦੱਸਦਿਆਂ ਮੈਨੂੰ ਖੁਸ਼ੀ ਹੋ ਰਹੀ ਹੈ। ਅਸੀਂ ਖੁਸ਼ਨਸੀਬ ਮਾਪੇ ਹਾਂ ਅਤੇ ਹੁਣ ਸਾਡਾ ਤਿੰਨ ਜਣਿਆਂ ਦਾ ਪਰਿਵਾਰ ਹੈ।’ ਜ਼ਿਕਰਯੋਗ ਹੈ ਕਿ ਪਿਛਲੇ ਮਹੀਨੇ ਆਫਤਾਬ ਤੇ ਨਿਨ ਨੇ ਪ੍ਰੋਡਕਸ਼ਨ ਕੰਪਨੀ ‘ਮਾਊਂਟ ਜ਼ੈਨ ਮੀਡੀਆ’ ਸ਼ੁਰੂ ਕੀਤੀ ਸੀ ਤੇ ਇਸ ਕੰਪਨੀ ਦੀ ਪਹਿਲੀ ਫਿਲਮ ‘ਧੁੰਦ’ ਅਕਤੂਬਰ ’ਚ ਰਿਲੀਜ਼ ਹੋਵੇਗੀ।
-ਪੀਟੀਆਈ