Sangrur news: ਕਨੋਈ ਮਾਮਲਾ: ਪੁਲੀਸ ਜਬਰ ਖ਼ਿਲਾਫ਼ ਮੁਜ਼ਾਹਰੇ ਦਾ ਐਲਾਨ

ਬੁਲਾਰਿਆਂ ਨੇ ਦੋਸ਼ ਲਾਇਆ ਕਿ ਪੀੜਤ ਪਰਿਵਾਰ ਦੀ ਗ੍ਰਿਫ਼ਤਾਰੀ ਅਤੇ ਫਿਰ ਬਿਨਾਂ ਪਰਿਵਾਰ ਦੀ ਸਹਿਮਤੀ ਤੋਂ ਪੋਸਟਮਾਰਟਮ ਅਤੇ ਮ੍ਰਿਤਕ ਨੌਜਵਾਨ ਦਾ ਪਿੰਡ ਤੋਂ ਬਾਹਰ ਸੰਗਰੂਰ ਵਿੱਚ ਸਸਕਾਰ ਕਰਨਾ ਮਨੁੱਖੀ ਹੱਕਾਂ ਦੀ ਘੋਰ ਉਲੰਘਣਾ ਅਤੇ ਭਗਵੰਤ ਮਾਨ ਸਰਕਾਰ ਦਾ ਸਪੱਸ਼ਟ ਤੌਰ 'ਤੇ ਪੁਲੀਸ ਰਾਜ ਵਿੱਚ ਬਦਲ ਜਾਣ ਦਾ ਸਬੂਤ ਹੈ। ਇਹ ਸਸਕਾਰ ਲਾਵਾਰਸਾਂ ਦੀ ਤਰ੍ਹਾਂ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਜਥੇਬੰਦੀਆ ਨੇ ਇਸ ਪੂਰੇ ਪੁਲੀਸ ਜਬਰ, ਧੱਕੇਸ਼ਾਹੀ ਅਤੇ ਗ਼ੈਰ ਮਨੁੱਖੀ ਵਰਤਾਰੇ ਖਿਲਾਫ਼ 7 ਅਕਤੂਬਰ ਨੂੰ ਵੱਡਾ ਰੋਸ ਮੁਜਾਹਰਾ ਕੀਤੇ ਜਾਣ ਦਾ ਫੈਸਲਾ ਕੀਤਾ ਗਿਆ।ਮੁੱਖ ਮੰਤਰੀ ਦਾ ਜ਼ਿਲ੍ਹਾ ਹੋਣ ਕਾਰਨ ਇੱਥੇ ਪੂਰੀ ਤਰ੍ਹਾਂ ਪੁਲੀਸ ਰਾਜ ਚਲਾਇਆ ਜਾ ਰਿਹਾ ਹੈ।

ਮੀਟਿੰਗ ’ਚ ਇਨਕਲਾਬੀ ਵਿਰਾਸਤ ਮੰਚ ਦੇ ਨਿਰਭੈ ਸਿੰਘ, ਤਰਕਸ਼ੀਲ ਸੁਸਾਇਟੀ ਪੰਜਾਬ ਦੇ ਸੂਬਾ ਆਗੂ ਜੁਝਾਰ ਲੋਂਗੋਵਾਲ, ਖੇਤ ਮਜਦੂਰ ਮੰਚ ਦੇ ਨਿਰੰਜਣ ਚਨਾਗਰਾ, ਡੀ ਟੀ ਐੱਫ ਦੇ ਦਾਤਾ ਨਮੋਲ, ਕਿਰਤੀ ਕਿਸਾਨ ਯੂਨੀਅਨ ਦੇ ਮਲਕੀਤ ਸਿੰਘ, ਏਟਕ ਯੂ ਦੇ ਸੁਖਦੇਵ ਸ਼ਰਮਾ, ਪੀ ਐੱਸ ਯੂ ਰੰਧਾਵਾ ਦੇ ਰਮਨ ਕਾਲਾਝਾੜ, ਅਮਨਦੀਪ ਸਿੰਘ, ਅਮ੍ਰਿਤ ਸਿੰਘ,ਪੀ ਐਸ ਯੂ ਦੇ ਰਾਮਵੀਰ ਸਿੰਘ, ਆਈ ਡੀ ਪੀ ਦੇ ਫ਼ਲਜੀਤ ਸਿੰਘ, ਜਮਹੂਰੀ ਅਧਿਕਾਰ ਸਭਾ ਦੇ ਬਸੇਸਰ ਰਾਮ ਆਦਿ ਹਾਜ਼ਰ ਸਨ।