ਬਾਗੀ ਕੌਂਸਲਰ ਪਿੰਕੀ ਨੇ ‘ਆਪ’ ਕੌਂਸਲਰ ਨੂੰ ਕਾਨੂੰਨੀ ਨੋਟਿਸ ਭੇਜਿਆ

ਕੌਂਸਲਰ ਪਰਮਿੰਦਰ ਸਿੰਘ ਪਿੰਕੀ ਵੱਲੋਂ ਐਡਵੋਕੇਟ ਸੁਮੀਰ ਕੁਮਾਰ ਫੱਤਾ ਰਾਹੀਂ ਕੌਂਸਲਰ ਹਰਮਨਦੀਪ ਕੌਰ ਨੂੰ ਭੇਜੇ ਕਾਨੂੰਨੀ ਨੋਟਿਸ ਵਿੱਚ ਕਿਹਾ ਹੈ,‘ਲੰਘੇ ਦਿਨ 5 ਜਨਵਰੀ ਨੂੰ ਵਿਕਾਸ ਕਾਰਜਾਂ ਸਬੰਧੀ ਨਗਰ ਕੌਂਸਲ ਦੀ ਮੀਟਿੰਗ ਦੌਰਾਨ ਤੁਸੀਂ ਤਿੰਨ ਹੋਰ ਕੌਂਸਲਰਾਂ ਸਮੇਤ ਏਜੰਡਾ ਪਾਸ ਕਰਨ ਵਿਚ ਰੁਕਾਵਟ ਪੈਦਾ ਕਰ ਰਹੇ ਸੀ। ਜਦੋਂ ਕੁਝ ਮਹਿਲਾ ਕੌਂਸਲਰਾਂ ਨੇ ਤੁਹਾਨੂੰ ਰੋਕਿਆ ਤਾਂ ਤੁਸੀਂ ਗੁੱਸੇ ਵਿੱਚ ਮੀਟਿੰਗ ਹਾਲ ਛੱਡ ਕੇ ਗਾਲ੍ਹਾਂ ਕੱਢੀਆਂ ਅਤੇ ਮੀਡੀਆ ਵਿਚ ਬਿਆਨ ਦਿੱਤਾ। ਪੋਸਟ ਪਾ ਕੇ ਉਨ੍ਹਾਂ ਨੂੰ ਸ਼ਰਾਬੀ ਅਤੇ ਦੋ ਕੌੜੀ ਦਾ ਬੰਦਾ ਆਖਿਆ ਜਿਸ ਨਾਲ ਉਨ੍ਹਾਂ ਨੂੰ ਠੇਸ ਪੁੱਜੀ ਹੈ।’ ਭੇਜੇ ਨੋਟਿਸ ਵਿੱਚ ਕਿਹਾ ਗਿਆ ਹੈ ਕਿ ਤੁਰੰਤ ਉਹ ਵੀਡੀਓ/ਇੰਟਰਵਿਊ ਹਰ ਪਲੇਟਫਾਰਮ ਤੋਂ ਹਟਾਇਆ ਜਾਵੇ, ਕਿਸੇ ਕਿਸਮ ਦੀ ਮਾਣਹਾਨੀ ਵਾਲੀ ਟਿੱਪਣੀ ਕਰਨ ਤੋਂ ਰੋਕਿਆ ਜਾਵੇ, 10 ਦਿਨਾਂ ਦੇ ਅੰਦਰ ਅੰਦਰ ਬਿਨਾਂ ਸ਼ਰਤ ਲਿਖਤੀ ਮਾਫ਼ੀ ਮੰਗੀ ਜਾਵੇ ਅਤੇ ਜਨਤਕ ਤੌਰ _ਤੇ ਸਪੱਸ਼ਟੀਕਰਨ ਜਾਰੀ ਕੀਤਾ ਜਾਵੇ ਕਿ ਬਿਆਨ ਗਲਤ ਅਤੇ ਬੇਬੁਨਿਆਦ ਹੈ। ਜੇਕਰ ਅਜਿਹਾ ਨਾ ਕੀਤਾ ਤਾਂ ਤੁਹਾਡੇ ਖਿਲਾਫ਼ ਅਦਾਲਤੀ ਕਾਰਵਾਈ ਸ਼ੁਰੂ ਕੀਤੀ ਜਾਵੇਗੀ।