ਬਾਹਰਲੇ ਇਲਾਕੇ ਤੋਂ ਆਏ ਝੋਨੇ ਦੇ ਟਰੱਕ ਘੇਰੇ

ਬਾਹਰਲੇ ਇਲਾਕੇ ਤੋਂ ਆਏ ਝੋਨੇ ਦੇ ਟਰੱਕ ਘੇਰੇ

ਪਿੰਡ ਬੜੀ ਵਿੱਚ ਚੱਕਾ ਜਾਮ ਮੌਕੇ ਨਾਅਰੇਬਾਜ਼ੀ ਕਰ ਰਹੇ ਕਿਸਾਨ। (ਇਨਸੈੱਟ) ਰੋਕੇ ਟਰੱਕਾਂ ਦੀ ਤਸਵੀਰ।

ਬੀਰਬਲ ਰਿਸ਼ੀ

ਸ਼ੇਰਪੁਰ, 26 ਅਕਤੂਬਰ

ਭਾਰਤੀ ਕਿਸਾਨ ਯੂਨੀਅਨ ਡਕੌਂਦਾ ਨੇ ਮਾਰਕੀਟ ਕਮੇਟੀ ਸ਼ੇਰਪੁਰ ਨਾਲ ਸਬੰਧਤ ਬੜੀ ਮੰਡੀ ਨੇੜੇ ਬਾਹਰਲੇ ਝੋਨੇ ਦੇ ਚਾਰ ਟਰੱਕ ਉਸ ਸਮੇਂ ਘੇਰ ਲਏ ਜਦੋਂ ਇਹ ਟਰੱਕ ਮੰਡੀ ਨੇੜਿਓਂ ਦੀ ਬੜੀ-ਬਧੇਸਾ ਸੜਕ ‘ਤੇ ਪੈਂਦੇ ਇੱਕ ਸ਼ੈਲਰ ਵਿੱਚ ਜਾ ਰਹੇ ਸਨ। ਕਿਸਾਨਾਂ ਨੇ ਟਰੱਕ ਘੇਰ ਕੇ ਸ਼ੇਰਪੁਰ-ਰਾਏਕੋਟ ਮੁੱਖ ਸੜਕ ’ਤੇ ਜਾਮ ਲਗਾ ਦਿੱਤਾ ਪਰ ਪੰਜ ਘੰਟੇ ਤੱਕ ਸਿਵਲ ਪ੍ਰਸ਼ਾਸਨ ਦੇ ਕਿਸੇ ਸਮਰੱਥ ਅਧਿਕਾਰੀ ਨੇ ਆ ਕੇ ਕਿਸਾਨਾਂ ਦੀ ਗੱਲ ਨਹੀਂ ਸੁਣੀ ਜਿਸ ਮਗਰੋਂ ਕਿਸਾਨਾਂ ਨੇ ਠੋਸ ਕਾਰਵਾਈ ਦੀ ਮੰਗ ਨੂੰ ਲੈ ਕੇ ਅਣਮਿੱਥੇ ਸਮੇਂ ਤੱਕ ਦਾ ਪੱਕਾ ਧਰਨਾ ਲਗਾ ਦਿੱਤਾ।

ਪਿੰਡ ਬੜੀ ਦੇ ਸਾਬਕਾ ਸਰਪੰਚ ਨੇ ਦੱਸਿਆ ਕਿ ਸਵੇਰੇ ਤਕਰੀਬਨ ਸਾਢੇ ਕੁ ਗਿਆਰਾ ਵਜੇ ਬਾਹਰਲਾ ਇੱਕ ਟਰੱਕ ਮੰਡੀ ਨੇੜਿਓਂ ਲੰਘਦਾ ਵੇਖਿਆ ਤਾਂ ਸ਼ੱਕ ਹੋਣ ’ਤੇ ਰੋਕਿਆ ਗਿਆ। ਟਰੱਕ ਬਟਾਲੇ ਵੱਲ ਦਾ ਦੱਸਿਆ ਗਿਆ ਜਿਸ ਨੂੰ ਪਿੰਡ ਦੇ ਇਕੱਠੇ ਹੋਏ ਕਿਸਾਨਾਂ ਨੇ ਇਕਾਈ ਪ੍ਰਧਾਨ ਆਤਮਾ ਸਿੰਘ ਦੀ ਅਗਵਾਈ ਹੇਠ ਘੇਰ ਲਿਆ ਅਤੇ ਇਸ ਮਗਰੋਂ ਤਿੰਨ ਹੋਰ ਟਰੱਕ ਆ ਗਏ ਜਿਹੜੇ ਕਿਸਾਨਾਂ ਦੇ ਘਿਰਾਓ ਵਿੱਚ ਘਿਰ ਗਏ। ਕਿਸਾਨਾਂ ਦੀ ਹੈਰਾਨੀ ਦੀ ਉਦੋਂ ਹੱਦ ਨਾ ਰਹੀ ਜਦੋਂ ਇੰਨ੍ਹਾਂ ਟਰੱਕਾਂ ਦੀ ਨਮੀ 22 ਤੋਂ ਵੀ ਵੱਧ ਆ ਗਈ। ਮੌਕੇ ’ਤੇ ਪਹੁੰਚੇ ਬੀਕੇਯੂ ਡਕੌਂਦਾ ਦੇ ਬਲਾਕ ਆਗੂ ਬਲਵੰਤ ਸਿੰਘ ਛੰਨਾ, ਸੁਖਵਿੰਦਰ ਸਿੰਘ ਲੀਲਾ ਹੁਰਾਂ ਨੇ ਕਿਹਾ ਕਿ ਇੱਕ ਪਾਸੇ ਤਾਂ ਸ਼ੈਲਰ ਮਾਲਕ 18 ਨਮੀ ਵਾਲੇ ਟਰੱਕਾਂ ਨੂੰ ਸ਼ੈਲਰ ਦੇ ਗੇਟ ਅੱਗਿਓਂ ਮੋੜ ਦਿੰਦੇ ਹਨ ਪਰ ਦੂਜੇ ਪਾਸੇ 22 ਨਮੀ ਵਾਲੇ ਟਰੱਕ ਬਟਾਲੇ ਤੋਂ ਮੰਗਵਾ ਕੇ ਇਨ੍ਹਾਂ ਨੂੰ ਕੀ ਲਾਭ ਹੋ ਰਿਹਾ ਹੈ? ਉਨ੍ਹਾਂ ਦਾਲ ਵਿੱਚ ਕਾਲਾ ਹੋਣ ਦਾ ਸ਼ੱਕ ਜ਼ਾਹਿਰ ਕਰਦਿਆਂ ਦਾਅਵਾ ਕੀਤਾ ਕਿ ਜੇ ਪੂਰੇ ਮਾਮਲੇ ਦੀ ਡੂੰਘਾਈ ਨਾਲ ਉੱਚ ਪੱਧਰੀ ਜਾਂਚ ਹੋਵੇ ਤਾਂ ਵੱਡੇ ਸਕੈਂਡਲ ਸਾਹਮਣੇ ਆਉਣ ਦੀ ਸੰਭਾਵਨਾ ਨੂੰ ਰੱਦ ਨਹੀਂ ਕੀਤਾ ਜਾ ਸਕਦਾ। ਭਾਵੇਂ ਸ਼ੇਰਪੁਰ ’ਚ ਨਾਇਬ ਤਹਿਸੀਲਦਾਰ ਦੀ ਅਸਾਮੀ ਖਾਲੀ ਹੋਣ ਕਾਰਨ ਮੌਕੇ ’ਤੇ ਡਿਊਟੀ ਮੈਜਿਸਟ੍ਰੇਟ ਨਹੀਂ ਪੁੱਜਿਆ ਪਰ ਐਸਡੀਐਮ ਧੂਰੀ ਇਸਮਤ ਵਿਜੈ ਸਿੰਘ ਨੇ ਸੰਪਰਕ ਕਰਨ ’ਤੇ ਕਿਹਾ ਕਿ ਉਹ ਸੈਕਟਰੀ ਨਾਲ ਗੱਲ ਕਰ ਰਹੇ ਹਨ। ਸੈਕਟਰੀ ਮਾਰਕੀਟ ਕਮੇਟੀ ਸ਼ੇਰਪੁਰ ਡੀਨਪਾਲ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਸਬੰਧਤ ਸ਼ੈਲਰ ਦਾ ਸਬੰਧ ਮਾਰਕੀਟ ਕਮੇਟੀ ਸੰਦੌੜ ਨਾਲ ਹੈ ਜਦੋਂ ਕਿ ਸੰਦੌੜ ਕਮੇਟੀ ਦੇ ਸੈਕਟਰੀ ਅਸ਼ਵਨੀ ਮਹਿਤਾ ਨੇ ਕਿਹਾ ਕਿ ਇਹ ਸਾਰੀ ਕਾਰਵਾਈ ਸਬੰਧਤ ਖ਼ਰੀਦ ਏਜੰਸੀ ਦੇ ਅਧਿਕਾਰ ਖੇਤਰ ਵਿੱਚ ਹੈ। ਸ਼ਾਮ ਸਾਢੇ ਪੰਜ ਸੰਦੌੜ ਨਾਲ ਸਬੰਧਤ ਪੁੱਜੇ ਇੰਸਪੈਕਟਰ ਅਜੈ ਕੁਮਾਰ ਨੇ ਕਿਹਾ ਕਿ ਉਹ ਨਮੀ ਦੀ ਜਾਂਚ ਕਰ ਰਹੇ ਹਨ ਜੇਕਰ ਵੱਧ ਹੋਈ ਤਾਂ ਲਿਖ ਕੇ ਭੇਜਿਆ ਜਾਵੇਗਾ। ਕਿਸਾਨਾਂ ਆਗੂ ਬਲਵੰਤ ਸਿੰਘ ਛੰਨਾ ਨੇ ਕਿਹਾ ਕਿ ਧਰਨਾਕਾਰੀ ਸੜਕ ’ਤੇ ਹੀ ਪੱਕੇ ਡੇਰੇ ਲਗਾਕੇ ਬੈਠਣਗੇ।

ਸਭ ਤੋਂ ਵੱਧ ਪੜ੍ਹੀਆਂ ਖ਼ਬਰਾਂ

ਜ਼ਰੂਰ ਪੜ੍ਹੋ

ਅਫ਼ਗਾਨ ਤਾਲਿਬਾਨ ਨਾਲ ਕਿੰਜ ਨਜਿੱਠੀਏ ?

ਅਫ਼ਗਾਨ ਤਾਲਿਬਾਨ ਨਾਲ ਕਿੰਜ ਨਜਿੱਠੀਏ ?

ਆਪਣੇ ਘੇਰੇ ਵਾਲਿਆਂ ਦੀ ਹੋਂਦ ਦਾ ਸਵਾਲ

ਆਪਣੇ ਘੇਰੇ ਵਾਲਿਆਂ ਦੀ ਹੋਂਦ ਦਾ ਸਵਾਲ

ਜ਼ਮੀਨ ਆਧਾਰਿਤ ਫ਼ਸਲ ਖਰੀਦ ਬਾਰੇ ਸਵਾਲ

ਜ਼ਮੀਨ ਆਧਾਰਿਤ ਫ਼ਸਲ ਖਰੀਦ ਬਾਰੇ ਸਵਾਲ

ਤਬਾਹਕੁਨ ਨੋਟਬੰਦੀ ਅਤੇ ਸੱਤਾ ਦੀ ਸਿਆਸਤ

ਤਬਾਹਕੁਨ ਨੋਟਬੰਦੀ ਅਤੇ ਸੱਤਾ ਦੀ ਸਿਆਸਤ

ਕਿਸਾਨ ਸੰਘਰਸ਼ ਦੀਆਂ ਨਿਵੇਕਲੀਆਂ ਪੈੜਾਂ

ਕਿਸਾਨ ਸੰਘਰਸ਼ ਦੀਆਂ ਨਿਵੇਕਲੀਆਂ ਪੈੜਾਂ

ਸਿਆਸਤਦਾਨਾਂ ਦੀ ਸੁਹਿਰਦਤਾ ਦੇ ਮਸਲੇ

ਸਿਆਸਤਦਾਨਾਂ ਦੀ ਸੁਹਿਰਦਤਾ ਦੇ ਮਸਲੇ

ਭਾਰਤ ਨੂੰ ਨਵੇਂ ਅਫ਼ਗਾਨ ਸਫ਼ਰ ਦੀ ਤਲਾਸ਼

ਭਾਰਤ ਨੂੰ ਨਵੇਂ ਅਫ਼ਗਾਨ ਸਫ਼ਰ ਦੀ ਤਲਾਸ਼

ਸ਼ਹਿਰ

View All