ਸ਼ੇਰਵਾਨੀਕੋਟ ਤੋਂ ਕਾਬੂ ਨੌਜਵਾਨਾਂ ਦੀ ਪਛਾਣ ਭੇਤ ਬਣੀ

ਜੰਮੂ ਕਸ਼ਮੀਰ ਪੁਲੀਸ ਅਤੇ ਸੀ ਆਈ ਏ ਮਾਲੇਰਕੋਟਲਾ ਦੇ ਸਾਂਝੇ ਅਪਰੇਸ਼ਨ ਦੌਰਾਨ ਬੀਤੇ ਦਿਨੀਂ ਥਾਣਾ ਸੰਦੌੜ ਅਧੀਨ ਪਿੰਡ ਸ਼ੇਰਵਾਨੀਕੋਟ ਦੇ ਇਕ ਘਰ ’ਚੋਂ ਕਾਬੂ ਕੀਤੇ ਦੋ ਸ਼ੱਕੀ ਨੌਜਵਾਨਾਂ ਦੀ ਅਸਲ ਪਛਾਣ ਅੱਜ ਤੀਜੇ ਦਿਨ ਵੀ ਭੇਤ ਬਣੀ ਹੋਈ ਹੈ। ਸੂਤਰਾਂ...

Pattar Parerak

ਮਾਲੇਰਕੋਟਲਾ, 05:00 AM Mar 30, 2026 IST

ਜੰਮੂ ਕਸ਼ਮੀਰ ਪੁਲੀਸ ਅਤੇ ਸੀ ਆਈ ਏ ਮਾਲੇਰਕੋਟਲਾ ਦੇ ਸਾਂਝੇ ਅਪਰੇਸ਼ਨ ਦੌਰਾਨ ਬੀਤੇ ਦਿਨੀਂ ਥਾਣਾ ਸੰਦੌੜ ਅਧੀਨ ਪਿੰਡ ਸ਼ੇਰਵਾਨੀਕੋਟ ਦੇ ਇਕ ਘਰ ’ਚੋਂ ਕਾਬੂ ਕੀਤੇ ਦੋ ਸ਼ੱਕੀ ਨੌਜਵਾਨਾਂ ਦੀ ਅਸਲ ਪਛਾਣ ਅੱਜ ਤੀਜੇ ਦਿਨ ਵੀ ਭੇਤ ਬਣੀ ਹੋਈ ਹੈ। ਸੂਤਰਾਂ ਅਨੁਸਾਰ ਦੋਵਾਂ ਦੇ ਨਾਮ ਅੱਬੂ ਗਾਬਾ ਹੁਰੈਰਾ ਅਤੇ ਮੁਹੰਮਦ ਉਸਮਾਨ ਦੱਸੇ ਜਾ ਰਹੇ ਹਨ ਜੋ ਜੰਮੂ ਕਸ਼ਮੀਰ ਪੁਲੀਸ ਨੂੰ ਕਈ ਮਾਮਲਿਆਂ ਵਿੱਚ ਲੋੜੀਂਦੇ ਹਨ। ਦੂਜੇ ਪਾਸੇ ਇਨ੍ਹਾਂ ਨੌਜਵਾਨਾਂ ਸਬੰਧੀ ਕੋਈ ਵੀ ਅਧਿਕਾਰੀ ਕੁਝ ਵੀ ਦੱਸਣ ਲਈ ਤਿਆਰ ਨਹੀਂ ਹੈ। ਗ੍ਰਿਫ਼ਤਾਰ ਕੀਤੇ ਨੌਜਵਾਨਾਂ ਦੀ ਅੱਬੂ ਗਾਬਾ ਹੁਰੈਰਾ ਅਤੇ ਮੁਹੰਮਦ ਉਸਮਾਨ ਵਜੋਂ ਦੱਸੀ ਜਾਂਦੀ ਪਛਾਣ ਦੀ ਵੀ ਕਿਸੇ ਅਧਿਕਾਰੀ ਵੱਲੋਂ ਪੁਸ਼ਟੀ ਨਹੀਂ ਕੀਤੀ ਜਾ ਰਹੀ। ਸ਼ੇਰਵਾਨੀ ਕੋਟ ਦੇ ਜਿਹੜੇ ਕਮਰੇ ’ਚੋਂ ਇਨ੍ਹਾਂ ਦੋਵੇਂ ਨੌਜਵਾਨਾਂ ਨੂੰ ਇਕ ਹੋਰ ਅੰਗਹੀਣ ਨੌਜਵਾਨ ਸਮੇਤ ਕਾਬੂ ਕੀਤਾ ਗਿਆ ਹੈ ਉਹ ਕਮਰਾ ਮਾਲੇਰਕੋਟਲਾ ਰਹਿੰਦੇ ਮੁਹੰਮਦ ਰਫੀ ਦਾ ਦੱਸਿਆ ਜਾਂਦਾ ਹੈ।