ਮੁੱਖ ਮੰਤਰੀ ਦੀ ਭੂਮਿਕਾ ਨਿਭਾਉਣ ਵਾਲੇ ਦਾ ਸਨਮਾਨ
ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਮਿਲਣ ਦੀ ਇੱਛਾ ਹਾਲੇ ਅਧੂਰੀ: ਹਰਿਕਮਲਦੀਪ ਸਿੰਘ
Advertisement
ਸਵਿਧਾਨ ਦਿਵਸ ਮੌਕੇ ਪੰਜਾਬ ਵਿਧਾਨ ਸਭਾ ਦੇ ਕਰਵਾਏ ਮੌਕ ਸ਼ੈਸ਼ਨ ’ਚ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਭੂਮਿਕਾ ਅਦਾ ਕਰਕੇ ਸਰਕਾਰੀ ਐਮੀਨੈਂਸ ਸਕੂਲ ਘਨੌਰੀ ਕਲਾਂ ਪਰਤੇ ਵਿਦਿਆਰਥੀ ਹਰਿਕਮਲਦੀਪ ਸਿੰਘ ਦਾ ਅੱਜ ਸਕੂਲ ਪੁੱਜਣ ’ਤੇ ਸਕੂਲ ਸਟਾਫ਼ ਅਤੇ ਗ੍ਰਾਮ ਪੰਚਾਇਤ ਨੇ ਉਚੇਚਾ ਸਨਮਾਨ ਕੀਤਾ। ਬੀਤੀ ਦੇਰ ਰਾਤ ਉਸ ਦੇ ਜੱਦੀ ਪਿੰਡ ਈਨਾਬਾਜਵਾ ਵਿਚ ਲੋਕਾਂ ਨੇ ਉਸਦਾ ਭਰਵਾਂ ਸਵਾਗਤ ਕੀਤਾ ਸੀ। ਸਕੂਲ ਪ੍ਰਿੰਸੀਪਲ ਖੁਸਦੀਪ ਗੋਇਲ, ਸਰਪੰਚ ਅਮ੍ਰਿਤਪਾਲ ਘਨੌਰੀ, ਚੇਅਰਮੈਨ ਜਸਵੀਰ ਸਿੰਘ, ਮਨੋਜ ਕੁਮਾਰ, ਸੁਖਵਿੰਦਰ ਸਿੰਘ ਜਹਾਗੀਰ ਆਦਿ ਨੇ ਹਰਿਕਮਲਦੀਪ ਸਿੰਘ ਦਾ ਵਿਸ਼ੇਸ਼ ਸਨਮਾਨ ਕੀਤਾ। ਹਰਿਕਮਲਦੀਪ ਸਿੰਘ ਨੇ ਕਿਹਾ ਕਿ ਉਹ ਬਹੁਤ ਖੁਸ਼ ਹੈ ਪਰ ਉਸ ਦੀ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਮਿਲਣ ਦੀ ਇੱਛਾ ਹਾਲੇ ਅਧੂਰੀ ਹੈ।
Advertisement
Advertisement
