ਅੰਤਿਮ ਯਾਤਰਾ ਵੈਨ ਦੀ ਗੋਲਕ ਤੋੜ ਕੇ ਨਕਦੀ ਚੋਰੀ

ਕੁਝ ਨਸ਼ੇੜੀ ਵਿਅਕਤੀ ਰਾਤ ਦੇ ਸਮੇਂ ਸ਼ਮਸ਼ਾਨਘਾਟ ਵਿੱਚ ਖੜ੍ਹੀ ਅੰਤਿਮ ਸ਼ਵ-ਯਾਤਰਾ ਵੈਨ ਵਿੱਚ ਲੱਗੀ ਗੋਲਕ ਨੂੰ ਤੋੜ ਕੇ ਉਸ ਵਿਚਲੀ ਨਕਦੀ ਚੋਰੀ ਕਰ ਕੇ ਲੈ ਗਏ। ਇਸ ਤੋਂ ਅਗਲੇ ਦਿਨ ਨਸ਼ੇੜੀਆਂ ਨੇ ਸ਼ਮਸ਼ਾਨਘਾਟ ਦੇ ਬਰਾਂਡੇ ਵਿੱਚ ਪਏ ਗੱਲੇ ਨੂੰ ਤੋੜ...

Pattar Parerak

ਸਮਾਣਾ, 05:03 AM Jan 07, 2026 IST

ਕੁਝ ਨਸ਼ੇੜੀ ਵਿਅਕਤੀ ਰਾਤ ਦੇ ਸਮੇਂ ਸ਼ਮਸ਼ਾਨਘਾਟ ਵਿੱਚ ਖੜ੍ਹੀ ਅੰਤਿਮ ਸ਼ਵ-ਯਾਤਰਾ ਵੈਨ ਵਿੱਚ ਲੱਗੀ ਗੋਲਕ ਨੂੰ ਤੋੜ ਕੇ ਉਸ ਵਿਚਲੀ ਨਕਦੀ ਚੋਰੀ ਕਰ ਕੇ ਲੈ ਗਏ। ਇਸ ਤੋਂ ਅਗਲੇ ਦਿਨ ਨਸ਼ੇੜੀਆਂ ਨੇ ਸ਼ਮਸ਼ਾਨਘਾਟ ਦੇ ਬਰਾਂਡੇ ਵਿੱਚ ਪਏ ਗੱਲੇ ਨੂੰ ਤੋੜ ਕੇ ਉਸ ਵਿੱਚੋਂ ਨਕਦੀ ਚੋਰੀ ਕਰ ਲਈ। ਜ਼ਿਕਰਯੋਗ ਹੈ ਕਿ ਸ਼ਵ-ਯਾਤਰਾ ਦੌਰਾਨ ਮ੍ਰਿਤਕ ਵਿਅਕਤੀ ਦੇ ਪਰਿਵਾਰਕ ਮੈਂਬਰ ਵੈਨ ਵਿੱਚ ਸਵਾਰ ਹੁੰਦੇ ਸਮੇਂ ਗੋਲਕ ਵਿੱਚ ਕੁਝ ਨਕਦੀ ਪਾ ਦਿੰਦੇ ਹਨ। ਪ੍ਰਬੰਧਕਾਂ ਅਨੁਸਾਰ ਕੁਝ ਸਮਾਂ ਪਹਿਲਾਂ ਵੀ ਨਸ਼ੇੜੀ ਸ਼ਮਸ਼ਾਨਘਾਟ ਵਿੱਚੋਂ ਅੰਤਿਮ ਸੰਸਕਾਰ ਲਈ ਵਰਤੇ ਜਾਣ ਵਾਲੇ ਚਿਮਟੇ, ਤਸਲੇ ਅਤੇ ਲੋਹੇ ਦਾ ਹੋਰ ਸਾਮਾਨ ਚੋਰੀ ਕਰਕੇ ਲੈ ਗਏ ਸਨ।