ਲਹਿਰਾਗਾਗਾ ਵਾਸੀਆਂ ਲਈ ਸੰਤਾਪ ਬਣਿਆ ਜ਼ਮੀਨਦੋਜ਼ ਪੁਲ

ਲਹਿਰਾਗਾਗਾ ਵਾਸੀਆਂ ਲਈ ਸੰਤਾਪ ਬਣਿਆ ਜ਼ਮੀਨਦੋਜ਼ ਪੁਲ

ਜ਼ਮੀਨਦੋਜ ਪੁਲ ਵਿੱਚ ਭਰੇ ਪਾਣੀ ’ਚ ਫਸੀ ਹੋਈ ਕਾਰ ਨੂੰ ਕੱਢਦੇ ਹੋਏ ਰਾਹਗੀਰ।

ਰਮੇਸ਼ ਭਾਰਦਵਾਜ
ਲਹਿਰਾਗਾਗਾ, 25 ਅਕਤੂਬਰ

ਇਥੇ ਲੁਧਿਆਣਾ ਹਿਸਾਰ ਰੇਲਵੇ ਲਾਈਨ ਹੇਠਾਂ ਰੇਲ ਵਿਭਾਗ ਵੱਲੋਂ ਵਾਹਨਾਂ ਦੇ ਲੰਘਣ ਲਈ ਬਣਾਏ ਜ਼ਮੀਨਦੋਜ਼ ਪੁਲ ’ਚ ਪਾਣੀ ਦੇ ਨਿਕਾਸ ਦਾ ਯੋਗ ਪ੍ਰਬੰਧ ਨਾ ਹੋਣ ਕਰਕੇ ਲੋਕਾਂ ਲਈ ਸੰਤਾਪ ਬਣ ਗਿਆ ਹੈ। ਰਾਤ ਹੋਈ ਜ਼ਬਰਦਸਤ ਬਾਰਸ਼ ਕਰਕੇ ਕੱਲ੍ਹ ਹੋਈ ਭਾਰੀ ਬਾਰਸ਼ ਨਾਲ ਪੁਲ ਵਿੱਚ ਕਈ ਕਈ ਫੁੱਟ ਪਾਣੀ ਜਮ੍ਹਾਂ ਹੋ ਗਿਆ ਸੀ ਅਤੇ ਅੱਜ ਨਗਰ ਕੌਂਸਲ ਨੇ ਪੁਲ ਦੇ ਦੋਹੀਂ ਪਾਸੇ ਦੀ ਆਵਾਜਾਈ ਬੰਦ ਕਰ ਰੱਖੀ ਹੈ। ਸ਼ਹਿਰ ਨੂੰ ਆਉਣ ਲਈ ਇਹੀ ਮੁੱਖ ਰਸਤਾ ਹੈ ਜਿਸ ਕਰਕੇ ਵਸਨੀਕਾਂ ਸਮੱਸਿਆ ਲਗਾਤਾਰ ਆ ਰਹੀ ਹੈ। ਆਵਾਜਾਈ ਰੋਕਣ ਕਰਕੇ ਇੱਧਰ ਖੜ੍ਹਦੀਆਂ ਬੱਸਾਂ ਦੀ ਸਵਾਰੀਆਂ ਨੂੰ ਪੈਦਲ ਰੇਲ ਲਾਈਨਾਂ ਤੋਂ ਲੰਘਣ ਲਈ ਮਜਬੂਰ ਹੋਣਾ ਪਿਆ। ਨਗਰ ਕੌਂਸਲ ਦੇ ਸੀਨੀਅਰ ਅਧਿਕਾਰੀ ਜਸਵੀਰ ਸਿੰਘ ਨੇ ਦੱਸਿਆ ਕਿ ਰਾਤ ਕਰਕੇ ਪਾਣੀ ਓਵਰਫਲੋ ਹੋ ਕੇ ਜ਼ਮੀਨਦੋਜ਼ ਪੁਲ ’ਚ ਖੜ੍ਹ ਗਿਆ ਹੈ ਜਿਸ ਨੂੰ ਨਗਰ ਕੌਂਸਲ ਦੇ 15-16 ਸਫਾਈ ਕਰਮਚਾਰੀ ਟਰੈਕਟਰ ਅਤੇ ਪਾਈਪ ਲਾ ਕੇ ਬੋਰਾਂ ਰਾਹੀਂ ਪਾਣੀ ਕੱਢ ਕੇ ਗੰਦੇ ਪਾਣੀ ਦੇ ਨਿਕਾਸੀ ਨਾਲੇ ’ਚ ਪਾਇਆ ਜਾ ਰਿਹਾ ਹੈ। ਉਨ੍ਹਾਂ ਇਸ ਸਮੱਸਿਆ ਦੇ ਸਥਾਈ ਹੱਲ ਲਈ ਐਸਡੀਐਮ ਨਵਨੀਤ ਕੌਰ ਸੇਖੋਂ ਨੇ ਕੌਂਸਲ ਦੇ ਇੰਜਨੀਅਰਾਂ ਨੂੰ ਨਾਲ ਲੈਕੇ ਪ੍ਰੋਜੈਕਟ ਦਾ ਐਸਟੀਮੇਟ ਤਿਆਰ ਕਰਨ ਦੀ ਹਦਾਇਤ ਕੀਤੀ। ਗੌਰਤਲਬ ਹੈ ਕਿ ਜ਼ਮੀਨਦੋਜ਼ ਪੁਲ ਬਣਾਉਣ ਸਮੇਂ ਰੇਲਵੇ ਵੱਲੋਂ ਪਾਣੀ ਦੇ ਨਿਕਾਸ ਲਈ ਦੋ ਖੂਹ ਬਣਾਏ ਸਨ ਪਰ ਉਹ ਪਾਣੀ ਨਹੀਂ ਖਿੱਚਦੇ। ਇਸ ਲਈ ਜ਼ਮੀਨ ’ਚ ਪਾਣੀ ਰਿਚਾਰਜ ਕਰਨ ਲਈ ਵੱਡੇ ਬੋਰਾਂ ਦੀ ਲੋੜ ਹੈ। ਨਗਰ ਸੁਧਾਰ ਸਭਾ ਦੇ ਬੁਲਾਰੇ ਨੇ ਦੱਸਿਆ ਕਿ ਸ਼ਹਿਰ ’ਚ ਸੀਵਰੇਜ ’ਤੇ ਚਾਹੇ ਲੱਖਾਂ ਰੁਪਏ ਖਰਚੇ ਹਨ ਪਰ ਸੀਵਰੇਜ ਦੇ ਪਾਈਪ ਬਾਰਸ਼ ਦੇ ਪਾਣੀ ਦਾ ਭਾਰ ਝੱਲਣ ਦੇ ਸਮੱਰਥ ਨਹੀਂ ਹਨ। ਲੋਕਾਂ ਦਾ ਕਹਿਣਾ ਹੈ ਕਿ ਹਰ ਵੇਲੇ ਬਾਰਸ਼ ਮੌਕੇ ਇਥੇ ਇਹੀ ਸਮੱਸਿਆ ਪੈਦਾ ਹੋ ਜਾਂਦੀ ਹੈ ਤੇ ਲੋਕਾਂ ਦਾ ਸੰਪਰਕ ਦੂਜੇ ਪਾਸੇ ਨਾਲੋਂ ਟੁੱਟ ਜਾਂਦਾ ਹੈ। ਇਲਾਕੇ ਦੇ ਲੋਕਾਂ ਨੇ ਪ੍ਰਸ਼ਾਸਨ ਤੋਂ ਇਸ ਸਮੱਸਿਆ ਦਾ ਛੇਤੀ ਹੱਲ ਕਰਨ ਦੀ ਮੰਗ ਕੀਤੀ ਹੈ।

ਸਭ ਤੋਂ ਵੱਧ ਪੜ੍ਹੀਆਂ ਖ਼ਬਰਾਂ

ਜ਼ਰੂਰ ਪੜ੍ਹੋ

ਗ਼ੈਰ-ਜ਼ਿੰਮੇਵਾਰਾਨਾ ਬਿਆਨ

ਗ਼ੈਰ-ਜ਼ਿੰਮੇਵਾਰਾਨਾ ਬਿਆਨ

ਮੁੱਖ ਮੰਤਰੀ ਦੇ ਉਮੀਦਵਾਰ

ਮੁੱਖ ਮੰਤਰੀ ਦੇ ਉਮੀਦਵਾਰ

ਨੈਤਿਕ ਪਤਨ

ਨੈਤਿਕ ਪਤਨ

ਸਿਆਸਤ ਦਾ ਅਪਰਾਧੀਕਰਨ

ਸਿਆਸਤ ਦਾ ਅਪਰਾਧੀਕਰਨ

ਪੰਜਾਬ ਵਿਚ ਦਲ-ਬਦਲੀ ਦੀ ਸਿਆਸਤ

ਪੰਜਾਬ ਵਿਚ ਦਲ-ਬਦਲੀ ਦੀ ਸਿਆਸਤ

ਬੈਂਕਿੰਗ, ਵਿਕਾਸ ਅਤੇ ਸਿਆਸਤ

ਬੈਂਕਿੰਗ, ਵਿਕਾਸ ਅਤੇ ਸਿਆਸਤ

ਸੁਪਰੀਮ ਕੋਰਟ ਦਾ ਫ਼ੈਸਲਾ

ਸੁਪਰੀਮ ਕੋਰਟ ਦਾ ਫ਼ੈਸਲਾ

ਮੁੱਖ ਖ਼ਬਰਾਂ

ਪੰਜਾਬ ਚੋਣਾਂ: ਹੁਣ 20 ਫਰਵਰੀ ਨੂੰ ਪੈਣਗੀਆਂ ਵੋਟਾਂ

ਪੰਜਾਬ ਚੋਣਾਂ: ਹੁਣ 20 ਫਰਵਰੀ ਨੂੰ ਪੈਣਗੀਆਂ ਵੋਟਾਂ

ਚੋਣ ਕਮਿਸ਼ਨ ਨੇ ਗੁਰੂ ਰਵਿਦਾਸ ਜੈਅੰਤੀ ਦੇ ਹਵਾਲੇ ਨਾਲ ਤਰੀਕ ਅੱਗੇ ਪਾਈ

ਆਪਣੇ ਨਾਰਾਜ਼ ਭਰਾ ਨੂੰ ਮਨਾ ਲਵਾਂਗਾ: ਚੰਨੀ

ਆਪਣੇ ਨਾਰਾਜ਼ ਭਰਾ ਨੂੰ ਮਨਾ ਲਵਾਂਗਾ: ਚੰਨੀ

ਫ਼ਿਰੋਜ਼ਪੁਰ ਦਿਹਾਤੀ ਤੋਂ ‘ਆਪ’ ਉਮੀਦਵਾਰ ਆਸ਼ੂ ਬੰਗੜ ਕਾਂਗਰਸ ’ਚ ਸ਼ਾਮਲ

ਬਿਹਾਰ ’ਚ ਦਾਨ ਨਾ ਦੇਣ ’ਤੇ ਸਿੱਖ ਸ਼ਰਧਾਲੂਆਂ ਉੱਤੇ ਪਥਰਾਅ

ਬਿਹਾਰ ’ਚ ਦਾਨ ਨਾ ਦੇਣ ’ਤੇ ਸਿੱਖ ਸ਼ਰਧਾਲੂਆਂ ਉੱਤੇ ਪਥਰਾਅ

ਛੇ ਸ਼ਰਧਾਲੂ ਜ਼ਖ਼ਮੀ; ਪਟਨਾ ਸਾਹਿਬ ਤੋਂ ਮੁਹਾਲੀ ਪਰਤ ਰਹੇ ਸਨ ਸ਼ਰਧਾਲੂ

ਸ਼ਹਿਰ

View All