ਜਸਵੰਤ ਜੱਸ
ਫ਼ਰੀਦਕੋਟ, 5 ਅਗਸਤ
ਦੋ ਦਿਨ ਪਹਿਲਾਂ ਕਰੋਨਾ ਪਾਜ਼ਟਿਵ ਆਏ ਦੋ ਮਰੀਜ਼ ਅਚਾਨਕ ਰੂਪੋਸ਼ ਹੋ ਗਏ ਹਨ। ਸੂਚਨਾ ਅਨੁਸਾਰ ਚਰਨਜੀਤ ਕੌਰ ਅਤੇ ਬਿਮਲੇਸ਼ ਕੁਮਾਰ ਦੀ ਪਹਿਲੀ ਅਗਸਤ ਨੂੰ ਕਰੋਨਾ ਦੀ ਰਿਪੋਰਟ ਪਾਜ਼ੇਟਿਵ ਆਈ ਸੀ, ਜਦੋਂ ਸਿਹਤ ਵਿਭਾਗ ਦੇ ਡਾਕਟਰ ਇਨ੍ਹਾਂ ਮਰੀਜ਼ਾਂ ਨੂੰ ਇਲਾਜ ਲਈ ਘਰੋਂ ਲੈਣ ਗਏ ਤਾਂ ਇਹ ਘਰੇ ਨਹੀਂ ਮਿਲੇ। ਪਤਾ ਲੱਗਾ ਹੈ ਕਿ ਚਰਨਜੀਤ ਕੌਰ ਵਿਦੇਸ਼ ਉਡਾਰੀ ਮਾਰ ਗਈ, ਜਦੋਂ ਕਿ ਬਿਮਲੇਸ਼ ਕੁਮਾਰ ਰੂਪੋਸ਼ ਹੋ ਗਿਆ ਹੈ। ਸਿਹਤ ਵਿਭਾਗ ਦੀ ਸ਼ਿਕਾਇਤ ’ਤੇ ਪੁਲੀਸ ਨੇ ਇਨ੍ਹਾਂ ਦੋਵਾਂ ਖ਼ਿਲਾਫ਼ ਫੌਜਦਾਰੀ ਮਾਮਲਾ ਦਰਜ ਕਰ ਲਿਆ ਹੈ।