ਰਮੇਸ਼ ਭਾਰਦਵਾਜ
ਲਹਿਰਾਗਾਗਾ, 16 ਸਤੰਬਰ
ਨੇੜਲੇ ਪਿੰਡ ਲੇਹਲ ਕਲਾਂ ’ਚ ਸਟੇਟ ਬੈਂਕ ਆਫ਼ ਇੰਡੀਆ ’ਚ ਲੰਘੀ ਰਾਤ ਚੋਰਾਂ ਨੇ ਬੈਂਕ ਦੀਆਂ ਗਰੀਲਾਂ ਤੋੜ ਕੇ ਅਤੇ ਸ਼ੀਸ਼ੇ ਭੰਨ੍ਹਣ ਤੋਂ ਬਾਅਦ ਅੰਦਰ ’ਚ ਦਾਖਲ ਹੋਕੇ ਸੀਸੀਟੀਵੀ ਕੈਮਰਿਆਂ ਨੂੰ ਨੁਕਸਾਨ ਪਹੁੰਚਾਇਆ। ਚੋਰਾਂ ਨੇ ਸੇਫ਼ ਨੂੰ ਤੋੜਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਬੈਂਕ ’ਚੋਂ ਨਕਦੀ ਲੈ ਕੇ ਜਾਣ ’ਚ ਸਫ਼ਲ ਨਹੀਂ ਹੋ ਸਕੇ। ਉਹ ਬੈਂਕ ਦੇ ਕੰਪਿਉੂਟਰਾਂ ਦੀ ਭੰਨ੍ਹਤੋੜ ਕਰਕੇ ਸਕਿਉਰਿਟੀ ਗਾਰਡ ਦੀ 12 ਬੋਰ ਰਾਈਫਲ ਤੇ 20 ਕਾਰਤੂਸ ਲੈ ਕੇ ਫ਼ਰਾਰ ਹੋ ਗਏ। ਉਪ ਪੁਲੀਸ ਕਪਤਾਨ ਰੌਸ਼ਨ ਲਾਲ, ਐੱਸਐੱਚਓ ਸੁਰਿੰਦਰ ਭੱਲਾ ਦੀ ਅਗਵਾਈ ’ਚ ਪੁਲੀਸ ਮੌਕੇ ’ਤੇ ਪਹੁੰਚੀ । ਮੈਨੇਜਰ ਸੁਰਿੰਦਰ ਕੁਮਾਰ ਕਰਵਲ ਦੀ ਸ਼ਿਕਾਇਤ ’ਤੇ ਚੋਰਾਂ ਖ਼ਿਲਾਫ਼਼ ਕੇਸ ਦਰਜ ਕਰ ਲਿਆ ਗਿਆ ਹੈ।