ਮਹਿਲਾ ਦੇ ਚਾਰ ਪੁੱਤਾਂ ਦੀ ਮੌਤ ਦੇ ਦਾਅਵੇ ਮਗਰੋਂ Action ’ਚ ਆਈ Police

ਪੁਲੀਸ ਨੇ ਕਈ ਹੋਰ ਨੌਜਵਾਨਾਂ ਨੂੰ ਇਲਾਜ ਲਈ ਨਸ਼ਾ ਛੁਡਾਊ ਕੇਂਦਰਾਂ ’ਚ ਰੈਫਰ ਕੀਤਾ ਹੈ ਜਿਨ੍ਹਾਂ ਵਿੱਚ ਇਕ ਹੋਰ ਔਰਤ ਦਾ ਪੁੱਤਰ ਵੀ ਸ਼ਾਮਲ ਹੈ ਜਿਸ ਦਾ ਇਕ ਹੋਰ ਪੁੱਤਰ ਅਤੇ ਪਤੀ ਅੱਠ ਕੁ ਸਾਲ ਪਹਿਲਾਂ ਨਸ਼ਿਆਂ ਦੀ ਭੇਟ ਚੜ੍ਹ ਗਏ ਸਨ। ਮਹਿਲਾ ਨੇ ਦਾਅਵਾ ਕੀਤਾ ਕਿ ਉਸ ਨੇ ਪੁੱਤਰ ਦੇ ਇਲਾਜ ਲਈ 14 ਲੱਖ ਰੁਪਏ ਖ਼ਰਚੇ ਸਨ ਪਰ ਫਿਰ ਵੀ ਕੁਝ ਨਹੀਂ ਹੋਇਆ।

ਪੁਲੀਸ ਨੇ ਜਿਵੇਂ ਹੀ ਕਾਰਵਾਈ ਆਰੰਭੀ ਤਾਂ ਮਨਜੀਤ ਕੌਰ ਭੁੱਬਾਂ ਮਾਰ ਕੇ ਰੋ ਪਈ ਅਤੇ ਉਸ ਨੇ ਮਹਿਲਾ ਪੁਲੀਸ ਕਰਮੀ ਨੂੰ ਗਲਵੱਕੜੀ ’ਚ ਲੈ ਲਿਆ। ‘ਆਪ’ ਦੇ ਜਨਰਲ ਸਕੱਤਰ ਬਲਤੇਜ ਪੰਨੂ ਨੇ ਸਪੱਸ਼ਟੀਕਰਨ ਜਾਰੀ ਕਰਦਿਆਂ ਮਨਜੀਤ ਕੌਰ ਦੇ ਦਾਅਵਿਆਂ ਨੂੰ ਨਕਾਰਿਆ। ਉਨ੍ਹਾਂ ਕਿਹਾ, ‘‘ਮਹਿਲਾ ਦਾ ਇਕ ਪੁੱਤਰ ਕਰੀਬ ਅੱਠ ਸਾਲ ਪਹਿਲਾਂ ਨਸ਼ੇ ਦੀ ਕਥਿਤ ਓਵਰਡੋਜ਼ ਕਾਰਨ ਮਾਰਿਆ ਗਿਆ ਸੀ ਜਦਕਿ ਦੂਜਾ ਪੁੱਤਰ ਕਰੀਬ ਸੱਤ ਸਾਲ ਪਹਿਲਾਂ ਅੱਗ ਲੱਗਣ ਨਾਲ ਮਰ ਗਿਆ ਸੀ। ਤੀਜਾ ਪੁੱਤਰ ਸੱਤ ਸਾਲ ਪਹਿਲਾਂ ਜੇਲ੍ਹ ’ਚ ਮਰ ਗਿਆ ਸੀ ਜੋ ਐੱਨ ਡੀ ਪੀ ਐੱਸ ਐਕਟ ਸਮੇਤ ਦੋ ਕੇਸਾਂ ’ਚ ਬੰਦ ਸੀ। ਚੌਥਾ ਪੁੱਤਰ ਦੋ ਸਾਲ ਪਹਿਲਾਂ ਸ਼ਰਾਬ ਦੇ ਨਸ਼ੇ ਕਾਰਨ ਗੁਰਦੇ ਫੇਲ੍ਹ ਹੋਣ ਕਾਰਨ ਮਰ ਗਿਆ ਸੀ।’’ ਕਪੂਰਥਲਾ ਦੇ ਐੱਸ ਐੱਸ ਪੀ ਗੌਰਵ ਤੂਰਾ ਨੇ ਕਿਹਾ ਕਿ ਐੱਨ ਡੀ ਪੀ ਐੱਸ ਐਕਟ ਤਹਿਤ 1300 ਤੋਂ ਵਧ ਐੱਫ ਆਈ ਆਰਜ਼ ਦਰਜ ਕਰ ਕੇ 1637 ਨਸ਼ੇੜੀਆਂ ਅਤੇ ਸਪਲਾਇਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ 900 ਤੋਂ ਵੱਧ ਵਿਅਕਤੀਆਂ ਨੂੰ ਨਸ਼ਾ ਛੁਡਾਊ ਕੇਂਦਰਾਂ ’ਚ ਦਾਖ਼ਲ ਕਰਵਾਇਆ ਗਿਆ ਹੈ।