DT
PT
Subscribe To Print Edition About The Punjabi Tribune Code Of Ethics Download App Advertise with us Classifieds
Add Tribune As Your Trusted Source
search-icon-img
search-icon-img
Advertisement

PAU Vice Chancellor: ਡਾ. ਐੱਚ ਐੱਸ ਧਾਲੀਵਾਲ ਪੀ ਏ ਯੂ ਦੇ ਨਵੇਂ ਵੀ ਸੀ ਨਿਯੁਕਤ

ਮਾਨਸਾ ਵਿੱਚ ਜਨਮੇ ਡਾ. ਧਾਲੀਵਾਲ ਕੋਲ ਹੈ ਲੰਮਾ ਅਕਾਦਮਿਕ ਤੇ ਖੋਜ ਤਜ਼ਰਬਾ; ਗੋਲਡ ਮੈਡਲ ਨਾਲ ਹੋ ਚੁੱਕੇ ਨੇ ਸਨਮਾਨਿਤ

  • fb
  • twitter
  • whatsapp
  • whatsapp
Advertisement

ਡਾ. ਹਰਵਿੰਦਰ ਸਿੰਘ ਧਾਲੀਵਾਲ ਨੂੰ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ (ਪੀ ਏ ਯੂ) ਦਾ ਵਾਈਸ ਚਾਂਸਲਰ (ਵੀ ਸੀ) ਨਿਯੁਕਤ ਕੀਤਾ ਗਿਆ ਹੈ। ਇਹ ਫੈਸਲਾ ਪੀ ਏ ਯੂ ਦੇ ਬੋਰਡ ਆਫ਼ ਮੈਨੇਜਮੈਂਟ ਦੀ ਮੀਟਿੰਗ ਦੌਰਾਨ ਲਿਆ ਗਿਆ।

ਦਹਾਕਿਆਂ ਦੇ ਖੋਜ ਅਤੇ ਅਕਾਦਮਿਕ ਤਜ਼ਰਬੇ ਵਾਲੇ ਬਾਗਬਾਨੀ ਮਾਹਰ, ਡਾ. ਧਾਲੀਵਾਲ ਨੇ ਅਜਿਹੇ ਸਮੇਂ ਵਾਈਸ ਚਾਂਸਲਰ ਦਾ ਅਹੁਦਾ ਸੰਭਾਲਿਆ ਹੈ ਜਦੋਂ ਸੂਬਾ ਆਪਣੇ ਲੰਮੇ ਸਮੇਂ ਤੋਂ ਚੱਲੇ ਆ ਰਹੇ ਕਣਕ-ਝੋਨੇ ਦੇ ਫਸਲੀ ਚੱਕਰ ਤੋਂ ਬਾਹਰ ਨਿਕਲਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ।

Advertisement

ਪੰਜਾਬ ਵਿੱਚ ਧਰਤੀ ਹੇਠਲੇ ਪਾਣੀ ਦੇ ਡਿੱਗਦੇ ਪੱਧਰ ਅਤੇ ਖੇਤੀ ਮੁਨਾਫੇ ਵਿੱਚ ਆ ਰਹੀ ਗਿਰਾਵਟ ਦੀਆਂ ਚੁਣੌਤੀਆਂ ਦੇ ਮੱਦੇਨਜ਼ਰ, ਇਹ ਉਮੀਦ ਕੀਤੀ ਜਾ ਰਹੀ ਹੈ ਕਿ ਡਾ. ਧਾਲੀਵਾਲ ਦੀ ਬਾਗਬਾਨੀ ਵਿੱਚ ਮੁਹਾਰਤ ਫਸਲੀ ਵਿਭਿੰਨਤਾ ਨੂੰ ਨਵਾਂ ਹੁਲਾਰਾ ਦੇਵੇਗੀ, ਜਿਸ ਨਾਲ ਫਲਾਂ, ਸਬਜ਼ੀਆਂ ਅਤੇ ਹੋਰ ਉੱਚ-ਮੁੱਲ ਵਾਲੀਆਂ ਫਸਲਾਂ ਨੂੰ ਉਤਸ਼ਾਹਿਤ ਕੀਤਾ ਜਾਵੇਗਾ।

Advertisement

ਮਾਨਸਾ ਵਿੱਚ ਜਨਮੇ ਡਾ. ਧਾਲੀਵਾਲ ਨੇ 1984 ਵਿੱਚ ਪੀ ਏ ਯੂ ਤੋਂ ਬੀ ਐੱਸ ਸੀ ਐਗਰੀਕਲਚਰ (ਆਨਰਜ਼), 1986 ਵਿੱਚ ਐੱਮ ਐੱਸ ਸੀ (ਪੋਮੋਲੋਜੀ) ਅਤੇ 1991 ਵਿੱਚ ਪੀ ਐੱਚ ਡੀ (ਪੋਮੋਲੋਜੀ) ਦੀ ਡਿਗਰੀ ਹਾਸਲ ਕੀਤੀ। ਉਨ੍ਹਾਂ ਨੂੰ ਐੱਮ ਐੱਸ ਸੀ (ਪੋਮੋਲੋਜੀ) ਵਿੱਚੋਂ ਪਹਿਲਾ ਸਥਾਨ ਹਾਸਲ ਕਰਨ 'ਤੇ ਸਰਦਾਰ ਬਹਾਦਰ ਲਾਲ ਸਿੰਘ ਗੋਲਡ ਮੈਡਲ ਨਾਲ ਸਨਮਾਨਿਤ ਕੀਤਾ ਗਿਆ ਸੀ।

ਪੀ ਏ ਯੂ ਵਿੱਚ ਉਨ੍ਹਾਂ ਨੇ ਡੀਨ-ਕਾਲਜ ਆਫ਼ ਐਗਰੀਕਲਚਰ, ਵਧੀਕ ਡਾਇਰੈਕਟਰ ਆਫ਼ ਰਿਸਰਚ (ਬਾਗਬਾਨੀ) ਅਤੇ ਡਾਇਰੈਕਟਰ ਆਫ਼ ਐਕਸਟੈਂਸ਼ਨ ਐਜੂਕੇਸ਼ਨ ਵਜੋਂ ਸੇਵਾਵਾਂ ਨਿਭਾਈਆਂ ਹਨ। ਬਾਗਬਾਨੀ ਦੇ ਖੇਤਰ ਵਿੱਚ ਉਨ੍ਹਾਂ ਦੀ ਸ਼ਾਨਦਾਰ ਖੋਜ, ਅਧਿਆਪਨ ਅਤੇ ਪਸਾਰ ਕਾਰਜਾਂ ਲਈ ਉਨ੍ਹਾਂ ਨੂੰ ਸਾਲ 2011 ਵਿੱਚ 'ਸ੍ਰੀਮਤੀ ਹਰਪਾਲ ਕੌਰ ਮੈਮੋਰੀਅਲ ਅਵਾਰਡ' ਅਤੇ ਸਾਲ 2013 ਲਈ 'ਪੰਜਾਬ ਸਰਕਾਰ ਪ੍ਰਮਾਣ ਪੱਤਰ' ਨਾਲ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ।

ਪੀ ਏ ਯੂ ਟੀਚਰਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਡਾ. ਐੱਚ ਐੱਸ ਕਿੰਗਰਾ ਨੇ ਇਸ ਨਿਯੁਕਤੀ ਦਾ ਸਵਾਗਤ ਕਰਦਿਆਂ ਇਸ ਨੂੰ ਬੋਰਡ ਆਫ਼ ਮੈਨੇਜਮੈਂਟ ਵੱਲੋਂ ਲਿਆ ਗਿਆ "ਸਭ ਤੋਂ ਵਧੀਆ ਸੰਭਵ ਫੈਸਲਾ" ਦੱਸਿਆ। ਉਨ੍ਹਾਂ ਕਿਹਾ ਕਿ ਅਜਿਹੇ ਸਮੇਂ ਜਦੋਂ ਪੰਜਾਬ ਦੀ ਖੇਤੀ ਨੂੰ ਵਿਭਿੰਨਤਾ ਅਤੇ ਨਵੀਨਤਾ ਦੀ ਲੋੜ ਹੈ, ਪੀ ਏ ਯੂ ਦੀ ਅਗਵਾਈ ਕਰਨ ਲਈ ਇੱਕ ਉੱਘੇ ਬਾਗਬਾਨੀ ਵਿਗਿਆਨੀ ਡਾ. ਧਾਲੀਵਾਲ ਤੋਂ ਵਧੀਆ ਕੋਈ ਹੋਰ ਬਦਲ ਨਹੀਂ ਹੋ ਸਕਦਾ ਸੀ।

ਜ਼ਿਕਰਯੋਗ ਹੈ ਕਿ ਡਾ. ਧਾਲੀਵਾਲ ਤੋਂ ਪਹਿਲਾਂ ਰਹੇ ਵੀ ਸੀ ਡਾ. ਐੱਸ ਐੱਸ ਗੋਸਲ ਦਾ ਕਾਰਜਕਾਲ 18 ਅਗਸਤ ਨੂੰ ਖਤਮ ਹੋ ਗਿਆ ਸੀ।

Advertisement
×