ਪੰਜਾਬ ’ਚ ਡੇਢ ਦਰਜਨ ਆਈ ਪੀ ਐੱਸ ਅਤੇ ਪੀ ਪੀ ਐੱਸ ਅਧਿਕਾਰੀ ਤਬਦੀਲ

ਪੰਜਾਬ ਪੁਲੀਸ ’ਚ ਡੀ ਆਈ ਜੀ, ਦੋ ਏ ਆਈ ਜੀ, 15 ਐੱਸ ਪੀ ਅਤੇ 61 ਡੀ ਐੱਸ ਪੀਜ਼ ਦੇ ਤਬਾਦਲੇ ਕੀਤੇ ਹਨ। ਜਾਰੀ ਹੁਕਮਾਂ ਅਨੁਸਾਰ ਪਰਮਬੀਰ ਸਿੰਘ ਪਰਮਾਰ ਨੂੰ ਏ ਆਈ ਜੀ (ਕਾਨੂੰਨ ਅਤੇ ਵਿਵਸਥਾ) ਨਿਯੁਕਤ ਕੀਤਾ ਗਿਆ ਹੈ, ਜਦੋਂ ਕਿ ਕੰਵਲਦੀਪ ਸਿੰਘ ਨੂੰ ਏ ਆਈ ਜੀ, ਬਿਊਰੋ ਆਫ਼ ਇਨਵੈਸਟੀਗੇਸ਼ਨ ਨਿਯੁਕਤ ਕੀਤਾ ਗਿਆ ਹੈ।

ਜਾਰੀ ਹੁਕਮਾਂ ਅਨੁਸਾਰ ਜਸਕਰਨਜੀਤ ਸਿੰਘ ਨੂੰ ਡੀ ਸੀ ਪੀ ਲੁਧਿਆਣਾ ਦਿਹਾਤੀ, ਜਸ਼ਨਦੀਪ ਸਿੰਘ ਗਿੱਲ ਨੂੰ ਏ ਡੀ ਸੀ ਪੀ (ਚਾਰ) ਲੁਧਿਆਣਾ, ਅਜੈ ਰਾਜ ਸਿੰਘ ਨੂੰ ਸਹਾਇਕ ਕਮਾਂਡੈਂਟ ਆਈਆਰਬੀ ਪਟਿਆਲਾ, ਰਾਜਨ ਸ਼ਰਮਾ ਨੂੰ ਐੱਸਪੀ ਜਾਂਚ ਲੁਧਿਆਣਾ ਦਿਹਾਤੀ, ਤਰੁਨ ਰਤਨ ਨੂੰ ਐੱਸ ਪੀ ਜਾਂਚ ਫਾਜ਼ਿਲਕਾ, ਸਤਵੀਰ ਸਿੰਘ ਨੂੰ ਕਮਾਂਡੈਂਟ, ਆਈ ਆਰ ਬੀ ਕਪੂਰਥਲਾ, ਗੁਰਪ੍ਰਤਾਪ ਸਿੰਘ ਸਹੋਤਾ ਨੂੰ ਏ ਡੀ ਸੀ ਪੀ (ਪੀ ਬੀ ਆਈ) ਅੰਮ੍ਰਿਤਸਰ, ਹਰਕਮਲ ਕੌਰ ਨੂੰ ਐੱਸ ਪੀ ਹੈੱਡਕੁਆਰਟਰ ਮੁਕਤਸਰ, ਸੰਦੀਪ ਕੌਰ ਨੂੰ ਐੱਸ ਪੀ ਜਾਂਚ ਬਟਾਲਾ, ਮਨਪ੍ਰੀਤ ਨੂੰ ਐੱਸ ਪੀ ਅਪਰੇਸ਼ਨ ਹੁਸ਼ਿਆਰਪੁਰ, ਹਰਪਿੰਦਰ ਕੌਰ ਗਿੱਲ ਨੂੰ ਐੱਸ ਪੀ ਹੈੱਡਕੁਆਰਟਰ ਖੰਨਾ, ਸੁਖਨਿੰਦਰ ਸਿੰਘ ਨੂੰ ਐੱਸ ਪੀ ਹੈੱਡਕੁਆਰਟਰ ਤਰਨ ਤਾਰਨ, ਰੁਪਿੰਦਰਦੀਪ ਕੌਰ ਨੂੰ ਐੱਸ ਪੀ (ਬੀ ਓ ਆਈ) ਪੰਜਾਬ, ਦਮਨਵੀਰ ਸਿੰਘ ਨੂੰ ਐੱਸ ਪੀ ਹੈੱਡਕੁਆਰਟਰ (ਏਐੱਨਟੀਐੱਫ) ਮੁਹਾਲੀ ਅਤੇ ਧਰਮਵੀਰ ਸਿੰਘ ਨੂੰ ਐੱਸ ਪੀ ਹੈੱਡਕੁਆਰਟਰ ਫ਼ਿਰੋਜ਼ਪੁਰ ਤਾਇਨਾਤ ਕੀਤਾ ਗਿਆ ਹੈ।

ਡੱਬੀ-- ਦੋ ਆਈ ਏ ਐੱਸ ਅਤੇ 57 ਪੀ ਸੀ ਐੱਸ ਅਧਿਕਾਰੀ ਬਦਲੇ

ਪੰਜਾਬ ਸਰਕਾਰ ਨੇ ਅੱਜ ਦੋ ਆਈ ਏ ਐੱਸ ਅਧਿਕਾਰੀਆਂ ਸਮੇਤ 59 ਪੀ ਸੀ ਐੱਸ ਅਧਿਕਾਰੀਆਂ ਦੇ ਵੀ ਤਬਾਦਲੇ ਕੀਤੇ ਹਨ। ਆਈ ਏ ਐੱਸ ਅਧਿਕਾਰੀ ਹਰਜਿੰਦਰ ਸਿੰਘ ਨੂੰ ਵਧੀਕ ਡਿਪਟੀ ਕਮਿਸ਼ਨਰ (ਪੇਂਡੂ ਵਿਕਾਸ) ਬਰਨਾਲਾ ਤਾਇਨਾਤ ਕੀਤਾ ਗਿਆ ਹੈ ਜਦੋਂ ਕਿ ਜਸਪਿੰਦਰ ਸਿੰਘ ਨੂੰ ਨਗਰ ਨਿਗਮ ਦੇ ਕਮਿਸ਼ਨਰ ਵਜੋਂ ਤਾਇਨਾਤ ਕਰਨ ਲਈ ਉਨ੍ਹਾਂ ਦੀਆਂ ਸੇਵਾਵਾਂ ਸਥਾਨਕ ਸਰਕਾਰ ਵਿਭਾਗ ਦੇ ਸਪੁਰਦ ਕੀਤੀਆਂ ਹਨ। ਸਰਕਾਰ ਨੇ 57 ਪੀ ਸੀ ਐੈੱਸ ਅਧਿਕਾਰੀਆਂ ਦੇ ਤਬਾਦਲੇ ਵੀ ਕੀਤੇ ਹਨ।