ਰਮੇਸ਼ ਭਾਰਦਵਾਜ
ਲਹਿਰਾਗਾਗਾ, 3 ਜੁਲਾਈ
ਇਥੋਂ ਨੇੜਲੇ ਪਿੰਡ ਭੁਟਾਲ ਕਲਾ ’ਚ ਪਾਵਰਕੌਮ ਦੇ 66ਕੇਵੀ ਬਿਜਲੀ ਗਰਿੱਡ ਵਿਚ ਧਮਾਕਾ ਹੋਣ ਕਾਰਨ ਗਰਿੱਡ ’ਤੇ ਤਾਈਨਾਤ ਕਰਮਚਾਰੀ ਝੁਲਸਿਆ ਗਿਆ। ਇਸ ਗਰਿੱਡ ਵਿੱਚ ਅਮਨਦੀਪ ਸਿੰਘ ਪਿੰਡ ਭਾਈ ਕੀ ਪਿਸ਼ੌਰ ਗਰਿੱਡ ’ਤੇ ਸੀ।
ਉਹ ਹਰਪ੍ਰੀਤ ਸਿੰਘ ਦੇ ਬਿਮਾਰ ਹੋਣ ਕਰਕੇ ਡਿਊਟੀ ’ਤੇ ਆਇਆ ਸੀ। ਇਸ ਦੌਰਾਨ ਗਰਿੱਡ ਦੇ ਫੀਡਰ ਦੇ ਬਕਸੇ ਨਾਲ ਜ਼ੋਰਦਾਰ ਧਮਾਕਾ ਹੋਣ ਸਾਰ ਭਿਆਨਕ ਅੱਗ ਲੱਗ ਗਈ। ਇਸ ਕਾਰਨ ਅਮਨਦੀਪ ਸਿੰਘ ਭਾਈ ਕੀ ਪਿਸ਼ੌਰ ਝੁਲਸਿਆ ਗਿਆ। ਜਿਸ ਨੂੰ ਇਲਾਜ ਲਈ ਤੁਰੰਤ ਇਲਾਜ ਲਈ ਟੋਹਾਣਾ ਹਰਿਆਣਾ ਦੇ ਹਸਪਤਾਲ ਚ ਵਿਖੇ ਲਿਜਾਇਆ ਗਿਆ। ਐੱਸਡੀਓ ਸੁਰੇਸ਼ ਕੁਮਾਰ ਗਰਗ ਨੇ ਦੱਸਿਆ ਇਹ ਧਮਾਕਾ ਅਚਾਨਕ ਹੋ ਗਿਆ ਹੈ, ਜਿਸ ਕਾਰਨ ਕਰਮਚਾਰੀ ਝੁਲਸਿਆ ਗਿਆ।