ਟ੍ਰਿਬਿਊਨ ਨਿਊਜ਼ ਸਰਵਿਸ
ਚੰਡੀਗੜ੍ਹ, 8 ਅਪਰੈਲ
ਸੂਬੇ ’ਚ ਕਰੋਨਾਵਾਇਰਸ ਕਰਕੇ 24 ਘੰਟਿਆਂ ਦੌਰਾਨ 56 ਜਣਿਆਂ ਦੀ ਮੌਤ ਹੋਣ ਨਾਲ ਮ੍ਰਿਤਕਾਂ ਦੀ ਗਿਣਤੀ ਵੱਧ ਕੇ 7334 ’ਤੇ ਪਹੁੰਚ ਗਈ ਹੈ। ਸਿਹਤ ਵਿਭਾਗ ਅਨੁਸਾਰ ਲੰਘੇ 24 ਘੰਟਿਆਂ ਦੌਰਾਨ ਕਰੋਨਾ ਦੇ 3119 ਨਵੇਂ ਕੇਸ ਸਾਹਮਣੇ ਆਏ ਹਨ ਜਦਕਿ 2480 ਨੂੰ ਠੀਕ ਹੋਣ ਮਗਰੋਂ ਛੁੱਟੀ ਦੇ ਦਿੱਤੀ ਹੈ। ਸੂਬੇ ’ਚ ਕਰੋਨਾ ਦੇ ਕੁੱਲ ਮਾਮਲੇ 2,63,090 ਹਨ ਜਿਨ੍ਹਾਂ ’ਚੋਂ 2,29,367 ਠੀਕ ਹੋ ਚੁੱਕੇ ਹਨ ਜਦਕਿ 26,389 ਐਕਟਿਵ ਕੇਸ ਹਨ। ਸਿਹਤ ਵਿਭਾਗ ਅਨੁਸਾਰ ਲੰਘੇ ਇਕ ਦਿਨ ਵਿੱਚ ਹੁਸ਼ਿਆਰਪੁਰ ’ਚ 12, ਜਲੰਧਰ ’ਚ 8, ਅੰਮ੍ਰਿਤਸਰ ’ਚ 7, ਪਟਿਆਲਾ ’ਚ 6, ਲੁਧਿਆਣਾ ’ਚ 4, ਕਪੂਰਥਲਾ ਅਤੇ ਸੰਗਰੂਰ ’ਚ 3-3, ਬਰਨਾਲਾ, ਬਠਿੰਡਾ, ਫਿਰੋਜ਼ਪੁਰ, ਮੁਹਾਲੀ ਅਤੇ ਤਰਨ ਤਾਰਨ ’ਚ 2-2, ਫਾਜ਼ਿਲਕਾ, ਫਰੀਦਕੋਟ, ਗੁਰਦਾਸਪੁਰ ’ਚ ਇਕ-ਇਕ ਮੌਤ ਹੋਈ ਹੈ।