ਚੰਡੀਗੜ੍ਹ (ਟਨਸ): ਪੰਜਾਬ ਵਿੱਚ ਕਰੋਨਾਵਾਇਰਸ ਦੇ ਕੇਸਾਂ ਦੀ ਗਿਣਤੀ ਮੁੜ ਵੱਧਣੀ ਸ਼ੁਰੂ ਹੋ ਗਈ ਹੈ। ਸਾਲ 2022 ਦੇ ਪਹਿਲੇ ਦਿਨ 332 ਨਵੇਂ ਕੇਸ ਸਾਹਮਣੇ ਆਏ ਹਨ। ਸਿਹਤ ਵਿਭਾਗ ਅਨੁਸਾਰ 24 ਘੰਟਿਆਂ ਵਿੱਚ ਕਰੋਨਾ ਕਾਰਨ ਕੋਈ ਮੌਤ ਨਹੀਂ ਹੋਈ ਹੈ। ਅੱਜ ਪਟਿਆਲਾ ਸ਼ਹਿਰ ਵਿੱਚ ਸਭ ਤੋਂ ਵੱਧ 98 ਕੇਸ ਪਾਜ਼ੇਟਿਵ ਪਾਏ ਗਏ ਹਨ। ਇਸ ਤੋਂ ਬਾਅਦ ਪਠਾਨਕੋਟ ਵਿੱਚ 53, ਲੁਧਿਆਣਾ ਵਿੱਚ 37, ਜਲੰਧਰ ’ਚ 36, ਬਠਿੰਡਾ ਅਤੇ ਮੁਹਾਲੀ ’ਤ 31-31, ਅੰਮ੍ਰਿਤਸਰ ’ਚ 9, ਕਪੂਰਥਲਾ ’ਚ 8, ਫਤਿਹਗੜ੍ਹ ਸਾਹਿਬ ’ਚ 7, ਗੁਰਦਾਸਪੁਰ ’ਚ 6, ਫਾਜ਼ਿਲਕਾ, ਫਿਰੋਜ਼ਪੁਰ, ਹੁਸ਼ਿਆਰਪੁਰ, ਤਰਨਤਾਰਨ ’ਚ 3-3 ਕੇਸ ਸਾਹਮਣੇ ਆਏ ਹਨ।