Vibe Punjab Di: ਸੁਖਬੀਰ ਬਾਦਲ ਵੱਲੋਂ ਵਿਦਿਆਰਥੀਆਂ ਨਾਲ ਰੂ-ਬ-ਰੂ ਪ੍ਰੋਗਰਾਮ ਸ਼ੁਰੂ

ਪ੍ਰੋਗਰਾਮ ਦੌਰਾਨ ਬੇਸ਼ਕ ਮੀਡੀਆ ਕਰਮੀ ਵੱਡੀ ਪੱਧਰ 'ਤੇ ਹਾਜ਼ਰ ਸਨ ਪਰ ਸੁਖਬੀਰ ਬਾਦਲ ਨੇ ਮੀਡੀਆ ਨਾਲ ਗੱਲਬਾਤ ਕਰਨ ਤੋਂ ਗੁਰੇਜ਼ ਕੀਤਾ ਅਤੇ ਸਿਰਫ਼ ਵਿਦਿਆਰਥੀਆ ਦੇ ਸੁਆਲਾਂ ਦੇ ਜਵਾਬ ਹੀ ਦਿੱਤੇ | ਵਿਦਿਆਰਥੀਆਂ ਨੇ ਸੁਖਬੀਰ ਸਿੰਘ ਬਾਦਲ ਨੂੰ ਵਿਦਿਆਰਥੀ ਚੋਣਾਂ, ਵਿਦਿਆਰਥੀ ਮਸਲਿਆਂ ਤੋਂ ਲੈ ਕੇ ਪੰਜਾਬ ਦੇ ਭਖਦੇ ਮਸਲਿਆਂ ਨਾਲ ਸਬੰਧਤ ਸਵਾਲ ਕੀਤੇ, ਜਿਸ ਦਾ ਅਕਾਲੀ ਆਗੂ ਨੇ ਆਪਣੇ ਹਿਸਾਬ ਨਾਲ ਜੁਆਬ ਦਿੱਤਾ| ਦੱਸਣਯੋਗ ਹੈ ਕਿ 2027 ਦੀਆਂ ਚੋਣਾਂ ਨੂੰ ਲੈ ਕੇ ਬੇਸ਼ੱਕ ਅਕਾਲੀ ਦਲ ਦਾ ਇਹ ਪਹਿਲਾ ਪ੍ਰੋਗਰਾਮ ਸੀ ਪਰ 2017 ਦੀਆਂ ਚੋਣਾਂ ਵੇਲੇ ਕੈਪਟਨ ਅਮਰਿੰਦਰ ਸਿੰਘ ਵਿਦਿਆਰਥੀਆਂ ਦੇ ਰੂ-ਬ-ਰੂ ਅਜਿਹੇ ਪ੍ਰੋਗਰਾਮ ਪਹਿਲਾਂ ਵੀ ਕਰ ਚੁੱਕੇ ਹਨ| ਸੁਖਬੀਰ ਬਾਦਲ ਦੇ ਇਸ ਪ੍ਰੋਗਰਾਮ ’ਚ ਹਿੱਸਾ ਲੈਣ ਵਾਲੇ ਵਿਦਿਆਰਥੀਆਂ ਦੀ ਉਮਰ ਤਕਰੀਬਨ 17 ਤੋਂ 22 ਸਾਲ ਵਿਚਾਲੇ ਵੇਖਣ ਨੂੰ ਮਿਲੀ ਪਰ ਉਨ੍ਹਾਂ ਦੀ ਸਿਆਸੀ ਸੂਝ-ਬੂਝ ਕਿਤੇ ਜ਼ਿਆਦਾ ਪਰਪੱਕ ਵੇਖਣ ਨੂੰ ਨਜ਼ਰ ਆਈ| ਪ੍ਰੋਗਰਾਮ ਵਾਸਤੇ ਅਕਾਲੀ ਦਲ ਨੇ ਪੁਖਤਾ ਇੰਤਜ਼ਾਮ ਕੀਤੇ ਸਨ, ਜਿਸ ਤਹਿਤ ਵਿਦਿਆਰਥੀਆਂ ਨੂੰ ਸੁਆਲ ਪੁੱਛਣ ਦਾ ਖੁੱਲਾ ਮੌਕਾ ਮਿਲਿਆ ਅਤੇ ਸੁਖਬੀਰ ਬਾਦਲ ਨੇ ਇਨ੍ਹਾਂ ਸੁਆਲਾਂ ਦੇ ਖੁੱਲ੍ਹ ਕੇ ਜੁਆਬ ਵੀ ਦਿੱਤੇ|