ਖੇਤਰੀ ਪ੍ਰਤੀਨਿਧ
ਪਟਿਆਲਾ, 9 ਦਸੰਬਰ
ਸ਼ਹਿਰ ਦੇ ਨਵੇਂ ਐੱਸਐੱਸਪੀ ਵਰੁਣ ਸ਼ਰਮਾ ਵੱਲੋਂ ਕਈ ਹੋਰ ਥਾਣਾ ਮੁਖੀਆਂ ਦੇ ਤਬਾਦਲੇ ਅਤੇ ਤਾਇਨਾਤੀਆਂ ਕੀਤੀਆਂ ਗਈਆਂ ਹਨ ਜਿਸ ਦੌਰਾਨ ਇੰਸਪੈਕਟਰ ਪਰਦੀਪ ਸਿੰਘ ਬਾਜਵਾ ਸ਼ਾਹੀ ਸ਼ਹਿਰ ਵਿਚਲੇ ਅਹਿਮ ਮੰਨੇ ਜਾਂਦੇ ਥਾਣਾ ਤ੍ਰਿਪੜੀ ਦਾ ਐਸਐਚਓ ਲਾਇਆ ਗਿਆ ਹੈ। ਤ੍ਰਿਪੜੀ ਦੇ ਪਹਿਲੇ ਥਾਣਾ ਮੁਖੀ ਕਰਨਵੀਰ ਸੰਧੂ ਨੂੰ ਸ਼ਹਿਰ ਅਤੇ ਦਿਹਾਤੀ ਖੇਤਰ ‘ਤੇ ਆਧਾਰਤ ਥਾਣਾ ਬਖਸ਼ੀਵਾਲ਼ਾ ਦਾ ਐੱਸਐੱਚਓ ਲਾਇਆ ਗਿਆ ਹੈ। ਜਦਕਿ ਬਖਸ਼ੀਵਾਲਾ ਤੋਂ ਬਦਲੇ ਥਾਣੇਦਾਰ ਸੁਖਦੇਵ ਸਿੰਘ ਨੂੰ ਪੁਲੀਸ ਲਾਈਨ ਵਿਖੇ ਲਾ ਦਿੱਤਾ ਗਿਆ ਹੈ। ਇਸੇ ਤਰ੍ਹਾਂ ਇੰਸਪੈਕਟਰ ਗੁਰਪ੍ਰੀਤ ਸਿੰਘ ਭਿੰਡਰ ਨੂੰ ਥਾਣਾ ਸਦਰ ਨਾਭਾ ਤਾਇਨਾਤ ਕੀਤਾ ਗਿਆ ਹੈ।
ਇਸੇ ਤਰ੍ਹਾਂ ਸੁਰਿੰਦਰ ਕੁਮਾਰ ਨੂੰ ਖੇੜੀਗੰਡਿਆਂ ਥਾਣੇ ਦਾ ਮੁਖੀ ਲਾਇਆ ਗਿਆ ਹੈ। ਖੇੜੀਗੰਡਿਆਂ ਦੇ ਇੰਚਾਰਜ ਇੰਸਪੈਕਟਰ ਕਿਰਪਾਲ ਸਿੰਘ ਨੂੰ ਥਾਣਾ ਸ਼ੰਭੂ ਵਿਖੇ ਐਸ.ਐਚ.ਓ ਲਾਇਆ ਗਿਆ ਹੈ।
ਉਧਰ ਇੰੰਸਪੈਕਟਰ ਪ੍ਰਿਸਪ੍ਰੀਤ ਸਿੰਘ ਹੁਣ ਥਾਣਾ ਸਦਰ ਰਾਜਪੁਰਾ, ਥਾਣੇਦਾਰ ਮੋਹਣ ਸਿੰਘ ਥਾਣਾ ਭਾਦਸੋਂ ਅਤੇ ਥਾਣੇਦਾਰ ਗੁਰਸੇਵਕ ਸਿੰਘ ਥਾਣਾ ਸਦਰ ਸਮਾਣਾ ਦੇ ਐਸ.ਐਚ.ਓ ਹੋਣਗੇ।