ਪਟਿਆਲਾ: ਸਰਕਾਰ ਵੱਲੋਂ ਤਰੱਕੀ ਦੇ ਕੇ ਇੰਸਪੈਕਟਰ ਬਣਾਏ ਗਏ 111 ਸਬ ਇੰਸਪੈਕਟਰਾਂ ਵਿੱਚੋਂ ਪਟਿਆਲਾ ਜ਼ਿਲ੍ਹੇ ਨਾਲ ਸਬੰਧਤ ਦਸ ਨੂੰ ਸੰਖੇਪ ਸਗਾਗਮ ’ਚ ਐਸ.ਐਸ.ਪੀ ਡਾ. ਸੰਦੀਪ ਗਰਗ ਅਤੇ ਐੱਸਪੀ ਸਿਟੀ ਵਰੁਣ ਸ਼ਰਮਾ ਨੇ ਇੰਸਪੈਕਟਰ ਦੇ ਸਟਾਰ ਲਾਏ। ਇਸ ਮੌਕੇ ਡੀ.ਐਸ.ਪੀ (ਐਚ) ਗੁਰਦੇਵ ਧਾਲ਼ੀਵਾਲ਼ ਤੇ ਹੋਰ ਅਧਿਕਾਰੀ ਵੀ ਮੌਜੂਦ ਸਨ। ਇੰਸਪੈਕਟਰ ਦੇ ਸਟਾਰ ਲਵਾਓਣ ਵਾਲ਼ਿਆਂ ’ਚ ਹਰਜਿੰਦਰ ਢਿੱਲੋਂ, ਸੁਖਵਿੰਦਰ ਗਿੱਲ, ਪਰਦੀਪ ਬਾਜਵਾ ਤੇ ਜਸਪ੍ਰੀਤ ਸਿੰਘ ਤਰਤੀਬਵਾਰ ਅਨਾਜ ਮੰਡੀ, ਕੋਤਵਾਲੀ ਨਾਭਾ, ਜੁਲਕਾਂ ਅਤੇ ਸਨੌਰ ਵਿਖੇ ਐੱਸਐੱਚਓ ਹਨ। ਇੰਸਪੈਟਰ ਬਣੇ ਸਾਹਿਬ ਸਿੰਘ, ਮਾਲਵਿੰਦਰ ਸਿੰਘ, ਸੁਖਵਿੰਦਰ ਕੌਰ ਤੇ ਸੁਭਮ ਬਾਲਾ ਆਦਿ ਨੂੰ ਵੀ ਜ਼ਿਲ੍ਹਾ ਪੁਲੀਸ ਮੁਖੀ ਨੇ ਸਟਾਰ ਲਾਏ। -ਖੇਤਰੀ ਪ੍ਰਤੀਨਿਧ
