Congress And APP ਆਗੂ ਵਿਚਾਲੇ ਖੜਕੀ

ਨਗਰ ਕੌਂਸਲ ਸੁਨਾਮ ਦੀਆਂ ਚੋਣਾਂ ਦੌਰਾਨ ਅੱਜ ਉਸ ਸਮੇਂ ਸਥਿਤੀ ਤਣਾਅਪੂਰਨ ਬਣ ਗਈ ਜਦੋਂ ਸੀਨੀਅਰ ਕਾਂਗਰਸੀ ਆਗੂ ਰਾਜਿੰਦਰ ਦੀਪਾ ਅਤੇ ਕੈਬਨਿਟ ਮੰਤਰੀ ਅਮਨ ਅਰੋੜਾ ਦੇ ਓ ਐੱਸ ਡੀ ਅੰਮ੍ਰਿਤਪਾਲ ਸਿੰਘ ਵਿਚਕਾਰ ਤਕਰਾਰਬਾਜ਼ੀ ਹੋ ਗਈ। ਹਾਲਤ ਹੱਥੋਪਾਈ ਤੱਕ ਜਾ ਪਹੁੰਚੀ। ਮਿਲੀ ਜਾਣਕਾਰੀ ਅਨੁਸਾਰ ਜਦੋਂ ਕਾਂਗਰਸੀ ਆਗੂ ਰਾਜਿੰਦਰ ਦੀਪਾ ਪਰਿਵਾਰ ਸਣੇ ਸਥਾਨਕ ਕੌਂਸਲ ਦਫਤਰ ਵਿੱਚ ਵਾਰਡ ਨੰਬਰ-1 ਵਿਚ ਵੋਟ ਪਾ ਕੇ ਆ ਰਹੇ ਸਨ ਤਾਂ ਉਨ੍ਹਾਂ ਦੇ ਪੀ ਏ ਅਸ਼ਵਨੀ ਕੁਮਾਰ ਦੀ ਓ ਐੰਸ ਡੀ ਅੰਮ੍ਰਿਤਪਾਲ ਸਿੰਘ ਨਾਲ ਪੋਲਿੰਗ ਬੂਥ ਵਿਚ ਮੌਜੂਦਗੀ ਨੂੰ ਲੈ ਕੇ ਤੂੰ ਤੂੰ ਮੈਂ ਮੈਂ ਹੋਣ ਲੱਗੀ। ਰਾਜਿੰਦਰ ਦੀਪਾ ਨੇ ਦਖਲ ਦਿੰਦਿਆ ਓ ਐਸ ਡੀ ਨੂੰ ਕਿਹਾ ਕਿ ਤੁਹਾਡੀ ਇਸ ਪੋਲਿੰਗ ਬੂਥ ’ਤੇ ਵੋਟ ਨਹੀਂ, ਇਸ ਲਈ ਇੱਥੇ ਆਉਣ ਦਾ ਕੋਈ ਅਧਿਕਾਰ ਨਹੀਂ। ਮਾਮਲਾ ਇੰਨਾ ਵੱਧ ਗਿਆ ਕਿ ਦੋਵੇਂ ਧਿਰਾਂ ਹੱਥੋਪਾਈ ਤੱਕ ਜਾ ਪਹੁੰਚੀਆਂ। ਮਗਰੋਂ ਲੋਕਾਂ ਨੇ ਮਾਮਲਾ ਸ਼ਾਂਤ ਕਰਨ ਦੀ ਕੋਸ਼ਿਸ਼ ਕੀਤੀ। ਮਗਰੋਂ ਡੀ ਐੱਸ ਪੀ ਪੁਲੀਸ ਪਾਰਟੀ ਸਣੇ ਮੌਕੇ ’ਤੇ ਪਹੁੰਚੇ ਅਤੇ ਪੋਲਿੰਗ ਬੂਥ ’ਤੇ ਸਖ਼ਤੀ ਕੀਤੀ ਗਈ।