ਪਰਿਵਾਰ ਨੇ ਅਸਥੀਆਂ ਚੋਰੀ ਹੋਣ ਦੇ ਦੋਸ਼ ਲਾਏ

ਇੱਥੇ ਇੱਕ ਪਰਿਵਾਰ ਨੇ ਸਨੌਰੀ ਅੱਡਾ ਨੇੜੇ ਘਲੋੜੀ ਗੇਟ ਦੀਆਂ ਮੜ੍ਹੀਆਂ ਵਿੱਚੋਂ ਇੱਕ ਬਿਰਧ ਦੀਆਂ ਅਸਥੀਆਂ (ਫੁੱਲ) ਚੋਰੀ ਹੋਣ ਦੇ ਦੋਸ਼ ਲਾਏ ਹਨ। ਪਰਿਵਾਰ ਨੇ ਪ੍ਰਬੰਧਕਾਂ ’ਤੇ ਦੋਸ਼ ਲਾਇਆ ਕਿ ਕੋਈ ਪ੍ਰਬੰਧ ਨਾ ਹੋਣ ਕਾਰਨ ਤਾਂਤਰਿਕ ਕਿਸਮ ਦੇ ਬੰਦੇ ਅਸਥੀਆਂ...

Pattar Parerak

ਪਟਿਆਲਾ, 05:37 AM Jan 08, 2026 IST

ਇੱਥੇ ਇੱਕ ਪਰਿਵਾਰ ਨੇ ਸਨੌਰੀ ਅੱਡਾ ਨੇੜੇ ਘਲੋੜੀ ਗੇਟ ਦੀਆਂ ਮੜ੍ਹੀਆਂ ਵਿੱਚੋਂ ਇੱਕ ਬਿਰਧ ਦੀਆਂ ਅਸਥੀਆਂ (ਫੁੱਲ) ਚੋਰੀ ਹੋਣ ਦੇ ਦੋਸ਼ ਲਾਏ ਹਨ। ਪਰਿਵਾਰ ਨੇ ਪ੍ਰਬੰਧਕਾਂ ’ਤੇ ਦੋਸ਼ ਲਾਇਆ ਕਿ ਕੋਈ ਪ੍ਰਬੰਧ ਨਾ ਹੋਣ ਕਾਰਨ ਤਾਂਤਰਿਕ ਕਿਸਮ ਦੇ ਬੰਦੇ ਅਸਥੀਆਂ ਚੋਰੀ ਕਰਕੇ ਲੈ ਜਾਂਦੇ ਹਨ। ਇਸ ਤੋਂ ਪਹਿਲਾਂ ਵੀ ਇਕ ਪਰਿਵਾਰ ਨੇ ਦੋਸ਼ ਲਗਾਇਆ ਸੀ ਕਿ ਇੱਥੋਂ ਇਕ ਤਾਂਤਰਿਕ ਨੇ ਅਸਥੀਆਂ ਚੋਰੀ ਕਰ ਲਈਆਂ ਹਨ। ਸ਼ਕਤੀ ਕੁਮਾਰ ਤੇ ਰਾਧਾ ਸੰਜੇ ਕਾਲੋਨੀ ਨੇ ਦੱਸਿਆ ਕਿ ਤਿੰਨ ਦਿਨ ਪਹਿਲਾਂ ਉਨ੍ਹਾਂ ਪਰਿਵਾਰ ਦੇ ਬਜ਼ੁਰਗ ਦਾ ਸਸਕਾਰ ਕੀਤਾ ਸੀ ਅਤੇ ਅੱਜ ਫੁੱਲ ਚੁਗਣ ਆਏ ਸੀ ਪਰ ਅਸਥੀਆਂ ਗਾਇਬ ਸਨ। ਜਾਂਚ ਕਰਨ ’ਤੇ ਪਤਾ ਲੱਗਿਆ ਕਿ ਇੱਥੋਂ ਦੇ ਸੀ ਸੀ ਟੀ ਵੀ ਖਰਾਬ ਹਨ। ਪਰਿਵਾਰ ਨੇ ਪੁਲੀਸ ਨੂੰ ਘਟਨਾ ਤੋਂ ਜਾਣੂ ਕਰਵਾਇਆ। ਮੜ੍ਹੀਆਂ ਦਾ ਪ੍ਰਬੰਧ ਸੰਭਾਲ ਰਹੇ ਕੁੰਦਨ ਗੋਗੀਆ (ਮੇਅਰ) ਨੇ ਕਿਹਾ ਕਿ ਇਸ ਮਾਮਲੇ ਦੀ ਜਾਂਚ ਕਰਾਉਣਗੇ।