ਖੇਤਰੀ ਪ੍ਰਤੀਨਿਧ
ਪਟਿਆਲਾ, 2 ਦਸੰਬਰ
ਜ਼ਿਲ੍ਹੇ ’ਚ ਅੱਜ ਕਰੋਨਾਵਾਇਰਸ ਨਾਲ ਦੋ ਹੋਰ ਮੌਤਾਂ ਹੋ ਗਈਆਂ ਜਦੋਂਕਿ 49 ਨਵੇਂ ਕੇਸ ਸਾਹਮਣੇ ਆਏ। ਮਰਨ ਵਾਲਿਆਂ ’ਚੋਂ ਇੱਕ ਪਟਿਆਲਾ ਸ਼ਹਿਰ ਦੀ ਕ੍ਰਿਸ਼ਨਾ ਕਲੋਨੀ ਦੀ ਰਹਿਣ ਵਾਲੀ 62 ਸਾਲਾ ਮਹਿਲਾ ਹੈ, ਜੋ ਕਿ ਸ਼ੂਗਰ ਤੇ ਬਲੱਡ ਪ੍ਰੈਸ਼ਰ ਦੀ ਮਰੀਜ਼ ਹੋਣ ਕਾਰਨ ਰਾਜਿੰਦਰਾ ਹਸਪਤਾਲ ਵਿੱਚ ਦਾਖਲ ਸੀ। ਦੂਸਰਾ 75 ਸਾਲਾ ਬਜ਼ੁਰਗ ਪਿੰਡ ਸ਼ੰਭੂ ਕਲਾਂ ਦਾ ਰਹਿਣ ਵਾਲਾ ਸੀ ਜੋ ਸਾਹ ਦੀ ਦਿੱਕਤ ਕਾਰਨ ਪੀਜੀਆਈ ਚੰਡੀਗੜ੍ਹ ’ਚ ਦਾਖ਼ਲ ਸੀ। ਸਿਵਲ ਸਰਜਨ ਡਾ. ਹਰੀਸ਼ ਮਲਹੋਤਰਾ ਨੇ ਦੱਸਿਆ ਕਿ ਪਾਜ਼ੇਟਿਵ ਆਏ 49 ਕੇਸਾਂ ਵਿੱਚੋਂ 36 ਪਟਿਆਲਾ ਸ਼ਹਿਰ, ਰਾਜਪੁਰਾ ਤੋਂ ਦੋ, ਸਮਾਣਾ ਤੋਂ ਤਿੰਨ, ਬਲਾਕ ਕਾਲੋਮਾਜਰਾ ਤੋਂ ਇਕ, ਬਲਾਕ ਹਰਪਾਲਪੁਰ ਛੇ, ਬਲਾਕ ਸ਼ੁਤਰਾਣਾ ਤੋਂ ਇਕ ਕੇਸ ਸਾਹਮਣੇ ਆਇਆ।