West Bengal cabinet: ਨਵੇਂ ਮੰਤਰੀਆਂ ਨੂੰ ਵਿਭਾਗ ਵੰਡੇ

ਗ੍ਰਹਿ ਵਿਭਾਗ ਵੱਲੋਂ ਜਾਰੀ ਨੋਟੀਫਿਕੇਸ਼ਨ ਅਨੁਸਾਰ ਬਿਧਾਨਨਗਰ ਤੋਂ ਭਾਜਪਾ ਵਿਧਾਇਕ ਡਾ. ਸ਼ਰਦਵਤ ਮੁਖਰਜੀ ਨੂੰ ਸਿਹਤ ਮੰਤਰੀ ਨਿਯੁਕਤ ਕੀਤਾ ਗਿਆ ਹੈ। ਮੁੱਖ ਮੰਤਰੀ ਸੁਵੇਂਦੂ ਅਧਿਕਾਰੀ ਕੋਲ ਗ੍ਰਹਿ ਵਿਭਾਗ ਦੇ ਨਾਲ-ਨਾਲ ਜ਼ਮੀਨ ਅਤੇ ਭੂਮੀ ਸੁਧਾਰ, ਸ਼ਰਨਾਰਥੀ ਰਾਹਤ ਅਤੇ ਪੁਨਰਵਾਸ, ਬਿਜਲੀ, ਸੂਚਨਾ ਅਤੇ ਸੱਭਿਆਚਾਰਕ ਮਾਮਲੇ ਅਤੇ ਪ੍ਰਸ਼ਾਸਨਿਕ ਸੁਧਾਰਾਂ ਵਰਗੇ ਅਹਿਮ ਵਿਭਾਗ ਰਹਿਣਗੇ।

ਸੂਰੀ ਤੋਂ ਵਿਧਾਇਕ ਜਗਨਨਾਥ ਚੱਟੋਪਾਧਿਆਏ ਨੂੰ ਉੱਚ ਸਿੱਖਿਆ, ਦੁੱਧ ਕੁਮਾਰ ਮੰਡਲ ਨੂੰ ਖੇਤੀਬਾੜੀ ਅਤੇ ਦੀਪਕ ਬਰਮਨ ਨੂੰ ਸਕੂਲ ਸਿੱਖਿਆ ਵਿਭਾਗ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ। ਸ਼ੰਕਰ ਘੋਸ਼ ਨੂੰ ਸੈਰ-ਸਪਾਟਾ ਅਤੇ ਸੰਸਦੀ ਮਾਮਲੇ, ਜਦਕਿ ਅਰਜੁਨ ਸਿੰਘ ਨੂੰ ਕਿਰਤ ਅਤੇ ਆਵਾਜਾਈ ਵਿਭਾਗ ਸੌਂਪੇ ਗਏ ਹਨ।

ਰਾਜ ਮੰਤਰੀ (ਸੁਤੰਤਰ ਚਾਰਜ) ਇੰਦਰਾਨਿਲ ਖਾਨ ਨੂੰ ਖੇਡਾਂ ਅਤੇ ਨੌਜਵਾਨ ਤੇ ਖਪਤਕਾਰ ਮਾਮਲੇ, ਜਦਕਿ ਮਾਲਤੀ ਰਾਵਾ ਰਾਏ ਨੂੰ ਮਹਿਲਾ ਅਤੇ ਬਾਲ ਵਿਕਾਸ ਵਿਭਾਗ ਦਿੱਤਾ ਗਿਆ ਹੈ।

1 ਜੂਨ ਨੂੰ ਹੋਏ ਮੰਤਰੀ ਮੰਡਲ ਦੇ ਵੱਡੇ ਵਿਸਥਾਰ ਦੌਰਾਨ 35 ਨਵੇਂ ਮੰਤਰੀਆਂ ਨੇ ਸਹੁੰ ਚੁੱਕੀ ਸੀ। ਇਸ ਨਾਲ ਮੰਤਰੀ ਮੰਡਲ ਦੀ ਕੁੱਲ ਗਿਣਤੀ 41 ਹੋ ਗਈ ਹੈ। ਨਵੇਂ ਮੰਤਰੀਆਂ ਨੂੰ ਸਿੱਖਿਆ, ਜੰਗਲਾਤ, ਸਿੰਜਾਈ, ਜਨ ਸਿਹਤ ਇੰਜਨੀਅਰਿੰਗ, ਮੱਛੀ ਪਾਲਣ ਅਤੇ ਪਸ਼ੂ ਪਾਲਣ ਸਮੇਤ ਵੱਖ-ਵੱਖ ਵਿਭਾਗਾਂ ਦੀਆਂ ਜ਼ਿੰਮੇਵਾਰੀਆਂ ਸੌਂਪੀਆਂ ਗਈਆਂ ਹਨ।