ਯੂਪੀ: ਬਿਜਲੀ ਤੇ ਮਕਾਨ ਡਿੱਗਣ ਦੀਆਂ ਘਟਨਾਵਾਂ ਵਿੱਚ 4 ਬੱਚਿਆਂ ਸਣੇ 10 ਮੌਤਾਂ, 11 ਜ਼ਖ਼ਮੀ : The Tribune India

ਯੂਪੀ: ਬਿਜਲੀ ਤੇ ਮਕਾਨ ਡਿੱਗਣ ਦੀਆਂ ਘਟਨਾਵਾਂ ਵਿੱਚ 4 ਬੱਚਿਆਂ ਸਣੇ 10 ਮੌਤਾਂ, 11 ਜ਼ਖ਼ਮੀ

ਅਲੀਗੜ੍ਹ ਵਿੱਚ ਸ਼ਨਿਚਰਵਾਰ ਤੱਕ ਸਕੂਲ ਬੰਦ

ਯੂਪੀ: ਬਿਜਲੀ ਤੇ ਮਕਾਨ ਡਿੱਗਣ ਦੀਆਂ ਘਟਨਾਵਾਂ ਵਿੱਚ 4 ਬੱਚਿਆਂ ਸਣੇ 10 ਮੌਤਾਂ, 11 ਜ਼ਖ਼ਮੀ

ਉੱਤਰ ਪ੍ਰਦੇਸ਼ ਦੇ ਇਟਾਵਾ ਜ਼ਿਲ੍ਹੇ ਵਿੱਚ ਵੀਰਵਾਰ ਨੂੰ ਭਾਰੀ ਮੀਂਹ ਕਾਰਨ ਡਿੱਗੀ ਕੰਧ ਦੇ ਮਲਬੇ ਹੇਠੋਂ ਲੋਕਾਂ ਨੂੰ ਕੱਢਦਾ ਹੋਇਆ ਸਰਕਾਰੀ ਅਮਲਾ। -ਫੋਟੋ: ਪੀਟੀਆਈ

ਇਟਾਵਾ, 22 ਸਤੰਬਰ

ਉੱਤਰ ਪ੍ਰਦੇਸ਼ ਵਿੱਚ ਬਿਜਲੀ ਡਿੱਗਣ ਅਤੇ ਕੰਧ ਤੇ ਮਕਾਨ ਡਿੱਗਣ ਦੀਆਂ ਘਟਨਾਵਾਂ ’ਚ ਇਕੋ ਪਰਿਵਾਰ ਦੇ ਚਾਰ ਬੱਚਿਆਂ ਸਣੇ 10 ਵਿਅਕਤੀਆਂ ਦੀ ਮੌਤ ਹੋ ਗਈ ਤੇ 11 ਜਣੇ ਜ਼ਖ਼ਮੀ ਹੋ ਗਏ। ਇਨ੍ਹਾਂ ਵਿੱਚੋਂ ਸੱਤ ਮੌਤਾਂ ਸਿਰਫ਼ ਇਟਾਵਾ ਜ਼ਿਲ੍ਹੇ ਵਿੱਚ ਹੋਈਆਂ। ਭਾਰੀ ਮੀਂਹ ਕਾਰਨ ਫਿਰੋਜ਼ਾਬਾਦ ਵਿੱਚ ਜਨਜੀਵਨ ਪ੍ਰਭਾਵਿਤ ਹੋ ਗਿਆ ਅਤੇ ਅਲੀਗੜ੍ਹ ਵਿੱਚ ਤਾਂ ਸਕੂਲ ਸ਼ਨਿਚਰਵਾਰ ਤੱਕ ਲਈ ਬੰਦ ਕਰਨੇ ਪਏ।

ਪਹਿਲੀ ਘਟਨਾ ’ਚ ਸਿਵਲ ਲਾਈਨਜ਼ ਥਾਣੇ ਅਧੀਨ ਆਉਂਦੇ ਪਿੰਡ ਚੰਦਰਪੁਰਾ ’ਚ ਬੁੱਧਵਾਰ ਰਾਤ ਨੂੰ ਸੁੱਤੇ ਚਾਰ ਬੱਚਿਆਂ ’ਤੇ ਉਨ੍ਹਾਂ ਦੇ ਘਰ ਦੀ ਕੰਧ ਡਿੱਗ ਗਈ ਜਿਸ ਕਾਰਨ ਚਾਰਾਂ ਦੀ ਮੌਤ ਹੋ ਗਈ। ਘਟਨਾ ’ਚ ਉਨ੍ਹਾਂ ਬੱਚਿਆਂ ਦੀ ਦਾਦੀ ਚਾਂਦਨੀ ਦੇਵੀ (70) ਤੇ ਇਕ ਹੋਰ ਪੰਜ ਸਾਲਾ ਬੱਚਾ ਜ਼ਖ਼ਮੀ ਹੋ ਗਿਆ। ਮ੍ਰਿਤਕਾਂ ਦੀ ਪਛਾਣ ਸਿੰਕੂ (10), ਅਭੀ (8), ਸੋਨੂੰ (7) ਤੇ ਆਰਤੀ (5) ਵਜੋਂ ਹੋਈ ਹੈ।

ਦੂਜੀ ਘਟਨਾ ਏਕਦਿਲ ਥਾਣਾ ਖੇਤਰ ਅਧੀਨ ਪੈਂਦੇ ਪਿੰਡ ਕ੍ਰਿਪਾਲਪੁਰ ਵਿੱਚ ਵਾਪਰੀ। ਇੱਥੇ ਇਕ ਪੈਟਰੋਲ ਪੰਪ ਦੀ ਕੰਧ, ਨਾਲ ਲੱਗਦੀ ਇਕ ਝੋਪੜੀ ’ਤੇ ਡਿੱਗ ਗਈ। ਇਸ ਘਟਨਾ ’ਚ ਝੋਪੜੀ ’ਚ ਰਹਿੰਦੇ ਰਾਮ ਸਨੇਹੀ (65) ਤੇ ਉਸ ਦੀ ਪਤਨੀ ਰੇਸ਼ਮਾ ਦੇਵੀ (62) ਦੀ ਮੌਤ ਹੋ ਗਈ।

ਇਸੇ ਤਰ੍ਹਾਂ ਤੀਜੀ ਘਟਨਾ ਚਕਰਨਗਰ ਥਾਣੇ ਅਧੀਨ ਆਉਂਦੇ ਪਿੰਡ ਅੰਦਾਵਾ ਕੇ ਬੰਗਲਾਂ ’ਚ ਵਾਪਰੀ। ਇੱਥੇ ਮੀਂਹ ਕਾਰਨ ਇਕ ਮਕਾਨ ਢਹਿ ਗਿਆ, ਜਿਸ ਹੇਠ ਦੱਬ ਕੇ ਜਬਰ ਸਿੰਘ (35) ਦੀ ਮੌਤ ਹੋ ਗਈ।

ਇਸੇ ਦੌਰਾਨ ਫਿਰੋਜ਼ਾਬਾਦ ਦੇ ਬੰਸੀਨਗਰ ’ਚ ਇਕ ਮਕਾਨ ਡਿੱਗਣ ਕਾਰਨ ਸ਼ਿਵਮ (6) ਦੀ ਮੌਤ ਹੋ ਗਈ ਜਦਕਿ ਪਰਿਵਾਰ ਦੇ ਅੱਠ ਮੈਂਬਰ ਜ਼ਖ਼ਮੀ ਹੋ ਗਏ। ਇਸੇ ਤਰ੍ਹਾਂ ਜ਼ਿਲ੍ਹੇ ’ਚ ਈਕਾ ਪੁਲੀਸ ਥਾਣੇ ਅਧੀਨ ਕੰਧ ਡਿੱਗਣ ਕਾਰਨ ਈਸਾਕ ਅਲੀ (57) ਦੀ ਮੌਤ ਹੋ ਗਈ। ਬਲਰਾਮਪੁਰ ਜ਼ਿਲ੍ਹੇ ਵਿੱਚ ਬਰਗਾਦਵਾ ਸੈਫ ਪਿੰਡ ’ਚ ਬਿਜਲੀ ਡਿੱਗਣ ਕਾਰਨ ਅਸ਼ਰਫ (13) ਦੀ ਮੌਤ ਹੋ ਗਈ। -ਪੀਟੀਆਈ

ਠਾਣੇ ਜ਼ਿਲ੍ਹੇ ਵਿੱਚ ਇਮਾਰਤ ਦਾ ਹਿੱਸਾ ਡਿੱਗਣ ਕਾਰਨ ਚਾਰ ਮੌਤਾਂ

ਠਾਣੇ: ਮਹਾਰਾਸ਼ਟਰ ਦੇ ਠਾਣੇ ਜ਼ਿਲ੍ਹੇ ਵਿੱਚ ਪੈਂਦੇ ਉਲਹਾਸਨਗਰ ਕਸਬੇ ’ਚ ਅੱਜ ਪੰਜ ਮੰਜ਼ਿਲਾ ਇਮਾਰਤ ਦਾ ਇਕ ਹਿੱਸਾ ਡਿੱਗਣ ਕਾਰਨ ਚਾਰ ਵਿਅਕਤੀਆਂ ਦੀ ਮੌਤ ਹੋ ਗਈ। ਉਲਹਾਸਨਗਰ ਦੀ ਤਹਿਸੀਲਦਾਰ ਕੋਮਲ ਠਾਕੁਰ ਨੇ ਕਿਹਾ ਕਿ ਕਈ ਵਿਅਕਤੀਆਂ ਦੇ ਮਲਬੇ ਹੇਠ ਦੱਬੇ ਹੋਣ ਦਾ ਖ਼ਦਸ਼ਾ ਹੈ। ਅਧਿਕਾਰੀ ਨੇ ਕਿਹਾ ਕਿ ਸਵੇਰੇ ਕਰੀਬ 11.30 ਵਜੇ ਉਲਹਾਸਨਗਰ ਕੈਂਪ 5 ਵਿੱਚ ਸਥਿਤ ਇਸ ਇਮਾਰਤ ਦੀ ਤੀਜੀ ਮੰਜ਼ਿਲ ਦੀ ਇਕ ਸਲੈਬ ਢਹਿ ਗਈ। ਉਨ੍ਹਾਂ ਕਿਹਾ ਕਿ ਇਸ ਇਮਾਰਤ ਵਿੱਚ 30 ਫਲੈਟ ਹਨ, ਜੋ ਗੈਰਕਾਨੂੰਨੀ ਹਨ, ਨੂੰ ਪਹਿਲਾਂ ਹੀ ਨੋਟਿਸ ਜਾਰੀ ਕੀਤੇ ਜਾ ਚੁੱਕੇ ਸਨ। ਪੰਜ ਪਰਿਵਾਰ ਅਜੇ ਵੀ ਇਸ ਇਮਾਰਤ ’ਚ ਰਹਿ ਰਹੇ ਹਨ। ਮ੍ਰਿਤਕਾਂ ਦੀ ਪਛਾਣ ਸਾਗਰ ਓਛਾਨੀ (19), ਪ੍ਰਿਯਾ ਧਨਵਾਨੀ (24), ਰੇਣੂ ਢੋਲੰਦਾਸ ਧਨਵਾਨੀ (54) ਤੇ ਢੋਲੰਦਾਸ ਧਨਵਾਨੀ (58) ਵਜੋਂ ਹੋਈ ਹੈ।

ਸਭ ਤੋਂ ਵੱਧ ਪੜ੍ਹੀਆਂ ਖ਼ਬਰਾਂ

ਜ਼ਰੂਰ ਪੜ੍ਹੋ

ਵਧਦੀਆਂ ਕੀਮਤਾਂ ਅਤੇ ਅਰਥਚਾਰੇ ਦੀ ਖੜੋਤ

ਵਧਦੀਆਂ ਕੀਮਤਾਂ ਅਤੇ ਅਰਥਚਾਰੇ ਦੀ ਖੜੋਤ

ਕਰਤਾਰਪੁਰ ਸਾਹਿਬ ਦੇ ਦਰਸ਼ਨ-ਦੀਦਾਰੇ

ਕਰਤਾਰਪੁਰ ਸਾਹਿਬ ਦੇ ਦਰਸ਼ਨ-ਦੀਦਾਰੇ

ਲੜਖੜਾ ਰਹੀ ਕੈਨੇਡਾ ਦੀ ਰੀਅਲ ਅਸਟੇਟ

ਲੜਖੜਾ ਰਹੀ ਕੈਨੇਡਾ ਦੀ ਰੀਅਲ ਅਸਟੇਟ

ਬੇਹਿਸਾਬ ਲਾਲਚ ਦੇ ਘੁੱਟ

ਬੇਹਿਸਾਬ ਲਾਲਚ ਦੇ ਘੁੱਟ

ਭਾਰਤੀ ਅਰਥਚਾਰਾ ਸਵਾਲਾਂ ਦੇ ਘੇਰੇ ’ਚ

ਭਾਰਤੀ ਅਰਥਚਾਰਾ ਸਵਾਲਾਂ ਦੇ ਘੇਰੇ ’ਚ

ਮੁੱਖ ਖ਼ਬਰਾਂ

ਹਿਮਾਚਲ ਕਾਂਗਰਸ ਦੇ ਹੱਥ

ਹਿਮਾਚਲ ਕਾਂਗਰਸ ਦੇ ਹੱਥ

* ਹਿਮਾਚਲ ’ਚ ‘ਰਿਵਾਜ ਨਹੀਂ ਰਾਜ ਬਦਲਿਆ’ * ਕਾਂਗਰਸ ਨੂੰ ਮਿਲਿਆ ਸਪੱਸ਼ਟ ...

ਗੁਜਰਾਤ ’ਚ ਭਾਜਪਾ ਨੇ ਇਤਿਹਾਸ ਸਿਰਜਿਆ

ਗੁਜਰਾਤ ’ਚ ਭਾਜਪਾ ਨੇ ਇਤਿਹਾਸ ਸਿਰਜਿਆ

* ਲਗਾਤਾਰ ਸੱਤਵੀਂ ਵਾਰ ਅਸੈਂਬਲੀ ਚੋਣ ਜਿੱਤੀ * ਪੰਜ ਸੀਟਾਂ ਜਿੱਤਣ ਵਾਲੀ...

ਕੁਆਰਟਰ ਫਾਈਨਲ ਮੁਕਾਬਲੇ ਅੱਜ ਤੋਂ

ਕੁਆਰਟਰ ਫਾਈਨਲ ਮੁਕਾਬਲੇ ਅੱਜ ਤੋਂ

ਬ੍ਰਾਜ਼ੀਲ ਤੇ ਕ੍ਰੋਏਸ਼ੀਆ ਹੋਣਗੇ ਆਹਮੋ-ਸਾਹਮਣੇ

ਸ਼ਹਿਰ

View All