ਬੰਗਲੌਰ, 28 ਨਵੰਬਰ
ਕਰਨਾਟਕ ’ਚ ਕਰੋਨਾ ਪੀੜਤ ਦੱਖਣੀ ਅਫ਼ਰੀਕਾਂ ਦੇ ਦੋ ਨਾਗਰਿਕਾਂ ’ਚ ਵਾਇਰਸ ਦਾ ਡੈਲਟਾ ਰੂਪ ਹੈ। ਅਧਿਕਾਰੀ ਨੇ ਦੱਸਿਆ ਕਿ ਦੋਵੇਂ ਦੱਖਣੀ ਅਫਰੀਕੀ ਨਾਗਰਿਕ ਵਾਇਰਸ ਦੇ ਡੈਲਟਾ ਰੂਪ ਤੋਂ ਪੀੜਤ ਹਨ। ਇਹ ਦੋਵੇਂ ਕ੍ਰਮਵਾਰ 11 ਅਤੇ 20 ਨਵੰਬਰ ਨੂੰ ਕਰੋਨਾ ਪਾਜ਼ੇਟਿਵ ਆਏ ਸਨ। ਇਸ ਨਾਲ ਇਨ੍ਹਾਂ ਵਿੱਚ ਕਰੋਨਾ ਦੇ ਨਵੇਂ ਰੂਪ ‘ਓਮੀਕਰੋਨ ਹੋਣ ਦਾ ਸ਼ੱਕ ਖਤਮ ਹੋ ਗਿਆ ਹੈ। ਅਧਿਕਾਰੀ ਮੁਤਾਬਕ 1 ਨਵੰਬਰ ਤੋਂ 26 ਨਵੰਬਰ ਦਰਮਿਆਨ 94 ਲੋਕ ਦੱਖਣੀ ਅਫਰੀਕਾ ਤੋਂ ਕਰਨਾਟਕ ਆਏ ਹਨ, ਜਿਨ੍ਹਾਂ ਵਿੱਚੋਂ ਦੋ ਨੂੰ ਕੋਵਿਡ-19 ਹੋਣ ਦੀ ਪੁਸ਼ਟੀ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਦੋਵਾਂ ਨੂੰ ਵੱਖ-ਵੱਖ ਥਾਵਾਂ ਵਿੱਚ ਰੱਖਿਆ ਗਿਆ ਹੈ ਅਤੇ ਅਧਿਕਾਰੀ ਉਨ੍ਹਾਂ ‘ਤੇ ਨਜ਼ਰ ਰੱਖ ਰਹੇ ਹਨ।