ਲੋਕਾਂ ਦੀ ਰਾਖੀ ਖਾਤਰ ਨਹੀਂ ਝਿਜਕੇਗਾ ਨਵਾਂ ਭਾਰਤ: ਮੋਦੀ
ਪ੍ਰਧਾਨ ਮੰਤਰੀ ਨੇ ਕਰਨਾਟਕ ਅਤੇ ਗੋਆ ਵਿੱਚ ਸਮਾਗਮਾਂ ’ਚ ਹਿੱਸਾ ਲਿਆ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਕਰਨਾਟਕ ਦੇ ਉਡੂਪੀ ਦੇ ਕਿ੍ਰਸ਼ਨਾ ਮੰਦਰ ਵਿਚ ਪਰਯਾਏ ਪੁਤੀਜੇ ਮੱਠ ਦੇ ਸਵਾਮੀ ਸ੍ਰੀ ਸੁਗੁਨੇਂਦਰ ਤੀਰਥ ਸਵਾਮੀਜੀ (ਖੱਬੇ) ਨਾਲ। -ਫੋਟੋ: ਪੀਟੀਆਈ
Advertisement
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਹੈ ਕਿ ਨਵਾਂ ਭਾਰਤ ਹੁਣ ਆਪਣੇ ਲੋਕਾਂ ਦੀ ਰਾਖੀ ਕਰਨ ’ਚ ਨਾ ਝਿਜਕੇਗਾ ਅਤੇ ਨਾ ਹੀ ਕਿਸੇ ਅੱਗੇ ਝੁਕੇਗਾ। ਵਿਕਸਤ ਭਾਰਤ ਦੇ ਰਾਹ ’ਤੇ ਅੱਗੇ ਵਧਣ ਲਈ ਲੋਕਾਂ ਵਿਚਾਲੇ ਏਕਤਾ ਜ਼ਰੂਰੀ ਹੈ। ਪ੍ਰਧਾਨ ਮੰਤਰੀ ਨੇ ਕਰਨਾਟਕ ’ਚ ਮੰਦਰਾਂ ਦੇ ਸ਼ਹਿਰ ਉਡੂਪੀ ’ਚ ਇਕੱਠ ਨੂੰ ਸੰਬੋਧਨ ਕਰਦਿਆਂ ਅਤੇ ਗੋਆ ’ਚ ਭਗਵਾਨ ਰਾਮ ਦੀ 77 ਫੁੱਟ ਉੱਚੀ ਮੂਰਤੀ ਦਾ ਉਦਘਾਟਨ ਕਰਨ ਮਗਰੋਂ ਇਹ ਗੱਲਾਂ ਆਖੀਆਂ।
ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਭਾਰਤ ਸੱਭਿਆਚਾਰਕ ਜਾਗ੍ਰਿਤੀ ਦਾ ਗਵਾਹ ਬਣ ਰਿਹਾ ਹੈ ਅਤੇ ਧਰਮ ਦੀ ਰਾਖੀ ਲਈ ਡਟ ਕੇ ਖੜ੍ਹਨ ਦੇ ਨਾਲ ਸਾਰਿਆਂ ਨੂੰ ਨਾਲ ਲੈ ਕੇ ਚੱਲਣ ਲਈ ਕੌਮੀ ਸੁਰੱਖਿਆ ਦੀ ਭਾਵਨਾ ਜ਼ਰੂਰੀ ਹੈ। ‘ਪਿਛਲੀਆਂ ਸਰਕਾਰਾਂ ਦਹਿਸ਼ਤੀ ਹਮਲੇ ਮਗਰੋਂ ਚੁੱਪ ਬੈਠ ਜਾਂਦੀਆਂ ਸਨ ਪਰ ਹੁਣ ਨਵਾਂ ਭਾਰਤ ਨਾ ਝੁਕੇਗਾ ਅਤੇ ਨਾ ਹੀ ਆਪਣੇ ਲੋਕਾਂ ਦੀ ਰੱਖਿਆ ਤੋਂ ਝਿਜਕੇਗਾ।’ ਉਡੂਪੀ ’ਚ ਸ੍ਰੀ ਕ੍ਰਿਸ਼ਨ ਮੱਠ ਵੱਲੋਂ ਕਰਵਾਏ ਪ੍ਰੋਗਰਾਮ ’ਚ ਮੋਦੀ ਨੇ ਸ਼ਿਰਕਤ ਕੀਤੀ ਜਿਸ ’ਚ ਇਕ ਲੱਖ ਲੋਕਾਂ ਨੇ ਸ੍ਰੀਮਦ ਭਗਵਦ ਗੀਤਾ ਦੇ ਸ਼ਲੋਕ ਪੜ੍ਹੇ। ਉਨ੍ਹਾਂ ਕਿਹਾ ਕਿ ਲਾਲ ਕਿਲੇ ਤੋਂ ਭਗਵਾਨ ਕ੍ਰਿਸ਼ਨ ਦੇ ਦਿਆਲਤਾ ਸੁਨੇਹੇ ਦਾ ਪ੍ਰਚਾਰ ਕੀਤਾ ਅਤੇ ਮਿਸ਼ਨ ਸੁਦਰਸ਼ਨ ਚੱਕਰ ਵੀ ਐਲਾਨਿਆ। ਮੋਦੀ ਨੇ ਕਿਹਾ ਕਿ ਅਯੁੱਧਿਆ ਦਾ ਰਾਮ ਮੰਦਰ ਉਡੂਪੀ ਲਈ ਅਹਿਮ ਹੈ ਕਿਉਂਕਿ ਉਥੇ ਦਵੈਤ ਦਰਸ਼ਨ ਦੇ ਮਾਧਵ ਸੰਪਰਦਾ ਦੇ ਬਾਨੀ ਸ੍ਰੀ ਮਾਧਵਚਾਰਿਆ ਨੂੰ ਸਮਰਪਿਤ ਵਿਸ਼ੇਸ਼ ਗੇਟ ਉਸਾਰਿਆ ਗਿਆ ਹੈ। ਪ੍ਰਧਾਨ ਮੰਤਰੀ ਨੇ ਇਤਿਹਾਸਕ ਕਨਕ ਮੰਡਪ ਦਾ ਦੌਰਾ ਕਰਕੇ ਕੀਰਥਾਂਕਰ ਕਨਕਦਾਸ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕੀਤੇ।
Advertisement
Advertisement
Copyright @2025 Punjabi Tribune
Designed and developed by : 