ਗੁਹਾਟੀ, 26 ਜੂਨ
ਇਥੋਂ ਦੇ ਲਗਜ਼ਰੀ ਹੋਟਲ ਰੈਡੀਸਨ ਬਲੂ ਦੀ ਮੈਨੇਜਮੈਂਟ ਨੇ 30 ਜੂਨ ਤਕ ਨਵੀਆਂ ਬੁਕਿੰਗਾਂ ’ਤੇ ਰੋਕ ਲਗਾ ਦਿੱਤੀ ਹੈ। ਜ਼ਿਕਰਯੋਗ ਹੈ ਕਿ ਇਸ ਹੋਟਲ ਵਿੱਚ ਸ਼ਿਵ ਸੈਨਾ ਆਗੂ ਤੇ ਬਾਗੀ ਵਿਧਾਇਕ ਏਕਨਾਥ ਸ਼ਿੰਦੇ ਪਾਰਟੀ ਦੇ ਹੋਰਨਾਂ ਵਿਧਾਇਕਾਂ ਨਾਲ 22 ਜੂਨ ਤੋਂ ਠਹਿਰੇ ਹੋਏ ਹਨ। ਇਸ ਪੰਜ ਸਿਤਾਰਾ ਹੋਟਲ ਦੀ ਵੈੱਬਸਾਈਟ ਨੇ ਨਵੇਂ ਕਮਰਿਆਂ ਦੀ ਬੁਕਿੰਗ ’ਤੇ 30 ਜੂਨ ਤਕ ਰੋਕ ਲਗਾ ਦਿੱਤੀ ਹੈ। ਇਸੇ ਦੌਰਾਨ ਹੋਟਲ ਦੇ ਵੈੱਬਸਾਈਟ ਰਾਹੀਂ ਪਹਿਲੀ ਜੁਲਾਈ ਤੋਂ ਬੁਕਿੰਗ ਕਰਵਾਈ ਜਾ ਸਕਦੀ ਹੈ। -ਪੀਟੀਆਈ