ਮਨੀ ਲਾਂਡਰਿੰਗ ਕੇਸ: Jacqueline Fernandez ਅਤੇ ਸੁਕੇਸ਼ ਖ਼ਿਲਾਫ਼ ਦੋਸ਼ ਆਇਦ

ਦਿੱਲੀ ਪੁਲੀਸ ਦੇ ਵਿਸ਼ੇਸ਼ ਸੈੱਲ ਦੁਆਰਾ ਦਰਜ ਇੱਕ ਵੱਖਰੇ ਮਾਮਲੇ ਵਿੱਚ, ਅਦਾਲਤ ਨੇ ਚੰਦਰਸ਼ੇਖਰ ਅਤੇ 20 ਹੋਰਾਂ ਵਿਰੁੱਧ ਸਖ਼ਤ ਮਕੋਕਾ ਧਾਰਾਵਾਂ ਸਮੇਤ ਵੱਖ-ਵੱਖ ਅਪਰਾਧਾਂ ਲਈ ਦੋਸ਼ ਆਇਦ ਕੀਤੇ ਹਨ। ਚੰਦਰਸ਼ੇਖਰ, ਜੈਕਲਿਨ ਅਤੇ ਕਈ ਹੋਰਨਾਂ ਨੂੰ ਦੁਪਹਿਰ ਸਮੇਂ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ। ਵਧੀਕ ਸੈਸ਼ਨ ਜੱਜ ਪ੍ਰਸ਼ਾਂਤ ਸ਼ਰਮਾ ਦੀ ਅਦਾਲਤ ਵਿੱਚ ਮੁਲਜ਼ਮਾਂ ਨੇ ਆਪਣੇ ਆਪ ਨੂੰ ਬੇਕਸੂਰ ਦੱਸਿਆ। ਦੋ ਵੱਖੋ-ਵੱਖਰੇ ਹੁਕਮਾਂ ਵਿੱਚ ਅਦਾਲਤ ਨੇ 30 ਮਈ ਨੂੰ ਦੋ ਕੇਸਾਂ ਵਿੱਚ ਦੋਸ਼ ਆਇਦ ਕਰਨ ਦਾ ਹੁਕਮ ਦਿੰਦਿਆਂ ਕਿਹਾ ਸੀ ਕਿ ਪਹਿਲੀ ਨਜ਼ਰ ਵਿੱਚ ਮੁਲਜ਼ਮਾਂ ਖਿਲਾਫ਼ ਕਾਫ਼ੀ ਸਬੂਤ ਹਨ। ਈ ਡੀ ਕੇਸ ਵਿੱਚ ਜੱਜ ਨੇ ਕਿਹਾ ਸੀ ਕਿ ਮੁਲਜ਼ਮਾਂ ਖਿਲਾਫ਼ ਮਨੀ ਲਾਂਡਰਿੰਗ ਐਕਟ ਦੀ ਧਾਰਾ 3 ਤਹਿਤ ਦੋਸ਼ ਤੈਅ ਕਰਨੇ ਚਾਹੀਦੇ ਹਨ ਜੋ ਪੀ ਐੱਮ ਐੱਲ ਏ ਐਕਟ ਦੀ ਧਾਰਾ 4 ਤਹਿਤ ਸ਼ਜਾਯੋਗ ਹਨ।

ਵਿਸ਼ੇਸ਼ ਸੈੱਲ ਅਤੇ ਬਾਅਦ ਵਿੱਚ ਆਰਥਿਕ ਅਪਰਾਧ ਸ਼ਾਖਾ ਵੱਲੋਂ ਕੀਤੀ ਜਾਂਚ ਮਾਮਲੇ ਵਿੱਚ ਜੱਜ ਨੇ ਚੰਦਰਸ਼ੇਖਰ ਖ਼ਿਲਾਫ਼ ਸਰਕਾਰੀ ਅਫਸਰ ਬਣ ਕੇ ਵਸੂਲੀ ਕਰਨ, ਧੋਖਾਧੜੀ, ਧਮਕੀ, ਅਪਰਾਧਕ ਸਾਜ਼ਿਸ਼ ਦੇ ਨਾਲ ਨਾਲ ਆਈ ਟੀ ਐਕਟ ਦੇ ਨੇਮਾਂ ਅਤੇ ਮਕੋਕਾ ਦੀਆਂ ਧਾਰਾਵਾਂ ਤਹਿਤ ਇਕ ਸੰਗਠਿਤ ਅਪਰਾਧ ਕਰਨ ਅਤੇ ਇਕ ਸੰਗਠਿਤ ਅਪਰਾਧਕ ਗਰੋਹ ਵੱਲੋਂ ਬੇਹਿਸਾਬੀ ਜਾਇਦਾਦ ਰੱਖਣ ਦੇ ਦੋਸ਼ ਆਇਦ ਕਰਨ ਦਾ ਹੁਕਮ ਦਿੱਤਾ ਸੀ। ਇਸ ਦੇ ਨਾਲ ਹੀ ਜੱਜ ਨੇ ਚੰਦਰਸ਼ੇਖਰ ਦੀ ਪਤਨੀ, ਲੀਨਾ ਪੌਲੋਸ, 17 ਹੋਰਾਂ ਖਿਲਾਫ਼ ਦੋਸ਼ ਆਇਦ ਕਰਨ ਦੀ ਹਦਾਇਤ ਕੀਤੀ ਸੀ। ਦਿੱਲੀ ਪੁਲੀਸ ਨੇ ਚੰਦਰਸ਼ੇਖਰ ਨੂੰ 2017 ਵਿੱਚ ਗ੍ਰਿਫ਼ਤਾਰ ਕੀਤਾ ਸੀ।