MLC Election Results: ਮਹਾਰਾਸ਼ਟਰ ਵਿਧਾਨ ਪਰਿਸ਼ਦ ਚੋਣਾਂ: ਨਾਸਿਕ ਵਿੱਚ ਬਾਗ਼ੀ ਉਮੀਦਵਾਰ ਜੇਤੂ; ਨਾਂਦੇੜ ਤੇ ਔਰੰਗਾਬਾਦ ਵਿੱਚ ਭਾਜਪਾ ਅੱਗੇ

ਇਸ ਦੌਰਾਨ ਨਾਂਦੇੜ, ਔਰੰਗਾਬਾਦ-ਜਾਲਨਾ ਅਤੇ ਉਸਮਾਨਾਬਾਦ-ਲਾਤੂਰ-ਬੀੜ ਹਲਕਿਆਂ ਵਿੱਚ ਭਾਜਪਾ ਉਮੀਦਵਾਰਾਂ ਨੇ ਜਿੱਤ ਹਾਸਲ ਕੀਤੀ। ਨਾਂਦੇੜ ਵਿੱਚ ਅਮਰਨਾਥ ਰਾਜੂਰਕਰ ਨੇ ਸ਼ਿਵ ਸੈਨਾ (ਯੂ ਬੀ ਟੀ) ਦੇ ਕਰੁਸ਼ਨਾ ਪਾਟਿਲ ਅਸਤੀਕਰ ਨੂੰ 255 ਵੋਟਾਂ ਨਾਲ ਹਰਾਇਆ। ਰਾਜੁੂਰਕਰ ਨੂੰ 339 ਅਤੇ ਅਸ਼ਤੀਕਰ ਨੂੰ 84 ਵੋਟਾਂ ਮਿਲੀਆਂ।

ਔਰੰਗਾਬਾਦ-ਜਾਲਨਾ ਹਲਕੇ ਵਿੱਚ ਸੁਹਾਸ ਸ਼੍ਰੀਸੰਤ ਨੇ 455 ਪਹਿਲੇ ਦਰਜੇ ਦੀਆਂ ਵੋਟਾਂ ਨਾਲ ਜਿੱਤ ਦਰਜ ਕੀਤੀ, ਜਦਕਿ ਉਸਮਾਨਾਬਾਦ-ਲਾਤੂਰ-ਬੀੜ ਹਲਕੇ ਤੋਂ ਬਾਸਵਰਾਜ ਪਾਟਿਲ ਨੇ 844 ਵੋਟਾਂ ਨਾਲ ਕਾਂਗਰਸ ਦੇ ਮਹੇਸ਼ ਦੇਸ਼ਮੁੱਖ ਨੂੰ ਹਰਾਇਆ।

ਸ਼ਿਵਸੈਨਾ ਉਮੀਦਵਾਰ ਸਈਦ ਖ਼ਾਨ ਨੇ ਪਰਭਣੀ-ਹਿੰਗੋਲੀ ਦੇ ਆਪਣੇ ਵਿਰੋਧੀ ਨਵਾਂਦਰ ਨੂੰ 83 ਵੋਟਾਂ ਨਾਲ ਹਰਾਇਆ ਉਨ੍ਹਾਂ ਨੂੰ 242 ਵੋਟਾਂ ਮਿਲੀਆਂ। ਚੋਣ ਨਤੀਜਿਆਂ ਨੂੰ ਮਹਾਰਾਸ਼ਟਰ ਦੀ ਸਿਆਸਤ ਲਈ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ। ਚੋਣਾਂ ਲਈ 17 ਸੀਟਾਂ ਨੋਟੀਫਾਈ ਕੀਤੀਆਂ ਗਈਆਂ ਸਨ, ਜਿਨ੍ਹਾਂ ਵਿਚ ਇਕ ਉਪਚੋਣ ਵੀ ਸ਼ਾਮਲ ਸੀ ਪਰ ਸਿਰਫ 11 ਸੀਟਾਂ ’ਤੇ ਵੋਟਿੰਗ ਹੋਈ ਕਿਉਂਕਿ ਮਹਾਯੁਤੀ ਗੱਠਜੋੜ ਨੇ ਛੇ ਸੀਟਾਂ ਪਹਿਲਾਂ ਹੀ ਬਿਨਾਂ ਕਿਸੇ ਵਿਰੋਧ ਦੇ ਜਿਤ ਲਈਆਂ ਸਨ। ਵਿਰੋਧੀ ਮਹਾ ਵਿਕਾਸ ਅਘਾੜੀ (ਐੱਮ ਵੀ ਏ) ਨੇ ਦੋਸ਼ ਲਗਾਇਆ ਹੈ ਕਿ ਸੱਤਾਧਾਰੀ ਗਠਜੋੜ ਨੇ ਪੈਸੇ ਅਤੇ ਦਬਾਅ ਦੀ ਵਰਤੋਂ ਕਰਕੇ ਵਿਰੋਧੀ ਉਮੀਦਵਾਰਾਂ ਨੂੰ ਨਾਮ ਵਾਪਸ ਲੈਣ ਲਈ ਮਜਬੂਰ ਕੀਤਾ।