ਹੈਦਰਾਬਾਦ, 15 ਜੂਨ
ਭਾਰਤ ਬਾਇਓਟੈਕ ਨੇ ਅੱਜ ਕਿਹਾ ਕਿ ਕੇਂਦਰ ਸਰਕਾਰ ਨੂੰ 150 ਰੁਪਏ ਦੀ ਦਰ ਨਾਲ ਇਕ ਐਂਟੀ ਕੋਵਿਡ -19 ਟੀਕੇ ਕੋਵੈਕਸੀਨ ਦੀ ਸਪਲਾਈ ਲੰਬੇ ਸਮੇਂ ਤੱਕ ਜਾਰੀ ਰੱਖਣੀ ਮੁਸ਼ਕਲ ਹੈ। ਇਸ ਲਈ ਲਾਗਤ ਨੂੰ ਪੂਰਾ ਕਰਨ ਲਈ ਪ੍ਰਾਈਵੇਟ ਮਾਰਕੀਟ ਵਿਚ ਇਸ ਦੀ ਉੱਚ ਕੀਮਤ ਜ਼ਰੂਰੀ ਹੈ। ਕੰਪਨੀ ਨੇ ਕੋਵੈਕਸੀਨ ਦੀ ਉੱਚ ਦਰ ਨੂੰ ਭਾਰਤ ਵਿਚ ਪ੍ਰਾਈਵੇਟ ਸੈਕਟਰ ਨੂੰ ਉਪਲਬਧ ਹੋਰ ਕੋਵਿਡ-19 ਟੀਕਿਆਂ ਦੀ ਤੁਲਨਾ ਵਿਚ ਸਹੀ ਕਰਾਰ ਦਿੱਤਾ। ਭਾਰਤ ਬਾਇਓਟੈਕ ਇਸ ਸਮੇਂ ਕੇਂਦਰ ਸਰਕਾਰ ਨੂੰ 150 ਰੁਪਏ ਪ੍ਰਤੀ ਖੁਰਾਕ, ਰਾਜ ਸਰਕਾਰਾਂ ਨੂੰ 400 ਰੁਪਏ ਪ੍ਰਤੀ ਖੁਰਾਕ ਅਤੇ ਪ੍ਰਾਈਵੇਟ ਹਸਪਤਾਲਾਂ ਨੂੰ 1200 ਰੁਪਏ ਪ੍ਰਤੀ ਖੁਰਾਕ ਦੀ ਦਰ ’ਤੇ ਕੋਵੈਕਸੀਨ ਸਪਲਾਈ ਕਰ ਰਿਹਾ ਹੈ।