ਕੇਰਲ ਦੇ ਪੈਂਗੋਡੇ ਫੌਜੀ ਕੈਂਪ ਵਿੱਚ ਘੁਸਪੈਠ

ਕੇਰਲ ਦੀ ਰਾਜਧਾਨੀ ਤਿਰੁਵਨੰਤਪੁਰਮ ਸਥਿਤ ਪੈਂਗੋਡੇ ਫੌਜੀ ਕੈਂਪ ਵਿੱਚ ਇੱਕ ਮਾਨਸਿਕ ਤੌਰ ’ਤੇ ਬਿਮਾਰ ਵਿਅਕਤੀ ਦਾਖ਼ਲ ਹੋ ਗਿਆ। ਇਹ ਸੂਚਨਾ ਪੁਲੀਸ ਨੇ ਦਿੱਤੀ ਹੈ। ਜਾਣਕਾਰੀ ਅਨੁਸਾਰ ਪੱਛਮੀ ਬੰਗਾਲ ਦੇ ਰਹਿਣ ਵਾਲੇ 20 ਸਾਲਾ ਨੌਜਵਾਨ ਨੂੰ ਸ਼ੁੱਕਰਵਾਰ ਰਾਤ ਫੌਜੀਆਂ ਨੇ ਕੈਂਪ...

PTI

ਤਿਰੁਵਨੰਤਪੁਰ, 03:18 PM Nov 29, 2025 IST

ਸੰਕੇਤਕ ਤਸਵੀਰ।

ਕੇਰਲ ਦੀ ਰਾਜਧਾਨੀ ਤਿਰੁਵਨੰਤਪੁਰਮ ਸਥਿਤ ਪੈਂਗੋਡੇ ਫੌਜੀ ਕੈਂਪ ਵਿੱਚ ਇੱਕ ਮਾਨਸਿਕ ਤੌਰ ’ਤੇ ਬਿਮਾਰ ਵਿਅਕਤੀ ਦਾਖ਼ਲ ਹੋ ਗਿਆ। ਇਹ ਸੂਚਨਾ ਪੁਲੀਸ ਨੇ ਦਿੱਤੀ ਹੈ। ਜਾਣਕਾਰੀ ਅਨੁਸਾਰ ਪੱਛਮੀ ਬੰਗਾਲ ਦੇ ਰਹਿਣ ਵਾਲੇ 20 ਸਾਲਾ ਨੌਜਵਾਨ ਨੂੰ ਸ਼ੁੱਕਰਵਾਰ ਰਾਤ ਫੌਜੀਆਂ ਨੇ ਕੈਂਪ ਅੰਦਰੋਂ ਫੜਿਆ ਹੈ। ਰੱਖਿਆ ਵਿਭਾਗ ਦੇ ਸੂਤਰ ਦਾ ਕਹਿਣਾ ਹੈ ਕਿ ਇਹ ਸਪਸ਼ਟ ਨਹੀਂ ਹੋ ਸਕਿਆ ਕਿ ਉਹ ਕੈਂਪ ਵਿੱਚ ਕਿਵੇਂ ਦਾਖ਼ਲ ਹੋਇਆ ਪਰ ਉਹ ਮੁੱਖ ਗੇਟ ਰਾਹੀਂ ਅੰਦਰ ਨਹੀਂ ਆਇਆ। ਸੂਤਰ ਅਨੁਸਾਰ ਫੌਜ ਦੇ ਖੁਫ਼ੀਆ ਵਿਭਾਗ ਨੇ ਉਸ ਕੋਲੋਂ ਪੁੱਛ-ਪੜਤਾਲ ਕੀਤੀ ਹੈ ਅਤੇ ਉਸ ਨੂੰ ਪੁਲੀਸ ਹਵਾਲੇ ਕਰ ਦਿੱਤਾ ਹੈ। ਸੂਤਰ ਦਾ ਕਹਿਣਾ ਹੈ ਕਿ ਉਹ ਮਾਨਸਿਕ ਤੌਰ ’ਤੇ ਬਿਮਾਰ ਜਾਪਦਾ ਹੈ। ਪੂਜਾਪੁਰਾ ਥਾਣੇ ਦੇ ਇੱਕ ਅਫਸਰ ਨੇ ਆਖਿਆ ਕਿ ਨੌਜਵਾਨ ਮਾਨਸਿਕ ਤੌਰ ’ਤੇ ਬਿਮਾਰ ਹੈ ਅਤੇ ਪੱਛਮੀ ਬੰਗਾਲ ਦਾ ਵਸਨੀਕ ਹੋਣ ਤੋਂ ਇਲਾਵਾ ਉਹ ਕੁਝ ਨਹੀਂ ਦੱਸ ਰਿਹਾ। ਉਨ੍ਹਾਂ ਆਖਿਆ ਕਿ ਪੁਲੀਸ ਇਹ ਪਤਾ ਕਰ ਰਹੀ ਹੈ ਉਹ ਕੇਰਲ ਕਿਵੇਂ ਪੁੱਜਿਆ ਤੇ ਫੌਜੀ ਕੈਂਪ ’ਚ ਦਾਖ਼ਲ ਕਿਵੇਂ ਹੋਇਆ। ਫਿਲਹਾਲ ਉਹ ਪੁਲੀਸ ਦੀ ਹਿਰਾਸਤ ਵਿੱਚ ਹੈ।