ਮੁੰਬਈ, 21 ਅਕਤੂਬਰ
ਬੌਲੀਵੁੱਡ ਸਟਾਰ ਸੰਜੇ ਦੱਤ ਨੇ ਬੁੱਧਵਾਰ ਨੂੰ ਐਲਾਨ ਕੀਤਾ ਕਿ ਉਹ ਕੈਂਸਰ ਖ਼ਿਲਾਫ਼ ਲੜਾਈ ਵਿਚੋਂ “ਜੇਤੂ” ਹੋ ਕੇ ਆਇਆ ਹੈ ਅਤੇ ਪ੍ਰਸ਼ੰਸਕਾਂ ਅਤੇ ਸ਼ੁਭਚਿੰਤਕਾਂ ਦਾ ਇਸ ਲਈ ਧੰਨਵਾਦ ਕੀਤਾ ਹੈ। 61 ਸਾਲਾ ਅਭਿਨੇਤਾ ਨੇ ਆਪਣੇ ਬੱਚਿਆਂ ਸ਼ਾਹਰਾਨ ਅਤੇ ਇਕਰਾ, ਜੋ ਅੱਜ 10 ਸਾਲ ਦੇ ਹੋ ਗਏ ਹਨ, ਦੇ ਜਨਮ ਦਿਨ ਮੌਕੇ ਟਵਿੱਟਰ ’ਤੇ ਬਿਆਨ ‘ਚ ਇਹ ਖਬਰ ਸਾਂਝੀ ਕੀਤੀ। ਉਸ ਨੇ ਕਿਹਾ, “ਪਿਛਲੇ ਕੁਝ ਹਫ਼ਤੇ ਮੇਰੇ ਅਤੇ ਮੇਰੇ ਪਰਿਵਾਰ ਲਈ ਬਹੁਤ ਮੁਸ਼ਕਲ ਭਰੇ ਸਨ ਪਰ ਜਿਵੇਂ ਉਹ ਕਹਿੰਦੇ ਹਨ ਰੱਬ ਆਪਣੇ ਸਭ ਤੋਂ ਸਖ਼ਤ ਜਾਨ ਫੌਜੀਆਂ ਨੂੰ ਸਭ ਤੋਂ ਮੁਸ਼ਕਿਲ ਲੜਾਈਆਂ ਦਿੰਦਾ ਹੈ। ਇਸ ਤਰ੍ਹਾਂ ਮੇਰੇ ਨਾਲ ਹੋਇਆ ਹੈ। ਅੱਜ ਮੇਰੇ ਬੱਚਿਆਂ ਦੇ ਜਨਮਦਿਨ ਮੌਕੇ ਮੈਂ ਜੇਤੂ ਹੋ ਕੇ ਆਇਆ ਹਾਂ।