ਨਵੀਂ ਦਿੱਲੀ, 12 ਅਪਰੈਲ
ਕਾਂਗਰਸ ਦੇ ਸੀਨੀਅਰ ਆਗੂ ਪੀ ਚਿਦੰਬਰਮ ਨੇ ਸੋਮਵਾਰ ਨੂੰ ਦੋਸ਼ ਲਾਇਆ ਕਿ ਕੇਂਦਰ ਸਰਕਾਰ ਕੋਵਿਡ ਟੀਕੇ ਦੀ ਸਪਲਾਈ ਅਤੇ ਵੰਡ ਪ੍ਰਬੰਧਨ ਦੀ ਆਪਣੀ ‘ਨਾਕਾਮੀ ਲੁਕਾਉਣ’ ਦੀ ਕੋਸ਼ਿਸ਼ ਕਰ ਰਹੀ ਹੈ। ਉਨ੍ਹਾਂ ਟਵੀਟ ਕੀਤਾ, ‘‘ ਇਕ ਦਿਨ ਸਰਕਾਰ ਟੀਕਾਕਰਨ ਮੁਹਿੰਮ ਨੂੰ ਇਕ ਤਿਉਹਾਰ ਕਹਿੰਦੀ ਹੈ। ਦੂਜੇ ਦਿਨ, ਇਸ ਨੂੰ ‘ਦੂਜੀ ਜੰਗ’ ਆਖਦੀ ਹੈ। ਇਹ ਕੀ ਹੈ? ਸਾਬਕਾ ਗ੍ਰਹਿ ਮੰਤਰੀ ਨੇ ਕਿਹਾ, ‘‘ ਚੇਤੇ ਕਰੋ, ਜਿਸ ਦਿਨ ਪ੍ਰਧਾਨ ਮੰਤਰੀ ਨੇ ਪਹਿਲੇ ਦਿਨ ਲੌਕਡਾਊਨ ਦਾ ਐਲਾਨ ਕੀਤਾ ਸੀ। ਉਸੇ ਦਿਨ ਉਨ੍ਹਾਂ ਦਾਅਵਾ ਕੀਤਾ ਸੀ ਕਿ ਮਹਾਭਾਰਤ ਦੀ ਜੰਗ 19 ਦਿਨਾਂ ਵਿੱਚ ਜਿੱਤੀ ਗਈ ਸੀ ਅਤੇ ਕਰੋਨਾ ਸੰਕਟ ਖ਼ਿਲਾਫ਼ ਜੰਗ 21 ਦਿਨਾਂ ਵਿੱਚ ਜਿੱਤੀ ਜਾਵੇਗੀ। ਉਸ ਜੰਗ ਦਾ ਕੀ ਹੋਇਆ? ’’ ਚਿਦੰਬਰਮ ਨੇ ਦੋਸ਼ ਲਾਇਆ , ‘‘ ਖਾਲੀ ਦਾਅਵੇ, ਬਿਆਨਬਾਜ਼ੀ ਅਤੇ ਵੱੱਡੀਆਂ ਵੱਡੀਆਂ ਗੱਲਾਂ ਨਾਲ ਵਾਇਰਸ ਖਿਲਾਫ਼ ਸਫਲਤਾ ਨਹੀਂ ਮਿਲੇਗੀ। ਸਰਕਾਰ ਟੀਕੇ ਦੀ ਸਪਲਾਈ ਅਤੇ ਵੰਡ ਪ੍ਰਬੰਧਨ ਸਬੰਧੀ ਆਪਣੀ ਨਾਕਾਮੀ ਲੁਕਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। -ਏਜੰਸੀ