fuel price hike: ਤੇਲ ਕੀਮਤਾਂ ’ਚ ਵਾਧੇ ਕਾਰਨ ਮਹਿੰਗਾਈ ਵਧੀ

ਕ੍ਰਿਸਿਲ ਨੇ ਕਿਹਾ, ‘‘ਇਸ ਦਾ ਅਸਰ ਪੂਰੇ ਅਰਥਚਾਰੇ ’ਚ ਢੋਆ-ਢੁਆਈ ਲਾਗਤ ’ਚ ਵਾਧੇ ਰਾਹੀਂ ਦਿਸੇਗਾ ਜਿਸ ਨਾਲ ਖਾਣ-ਪੀਣ ਦੀਆਂ ਚੀਜ਼ਾਂ ਅਤੇ ਹੋਰ ਵਸਤਾਂ ਦੀ ਮਹਿੰਗਾਈ ਦੋਵੇਂ ਵਧੇਗੀ।’’ ਰਿਪੋਰਟ ਮੁਤਾਬਕ ਈਂਧਣ ਕੀਮਤਾਂ ’ਚ ਵਾਧੇ ਦਾ ਸਿੱਧਾ ਅਸਰ ਮਹਿੰਗਾਈ ’ਤੇ ਪਵੇਗਾ। ਈਂਧਣ ਕੀਮਤਾਂ ’ਚ 7.5 ਰੁਪਏ ਪ੍ਰਤੀ ਲਿਟਰ ’ਚ ਵਾਧੇ ਨਾਲ ਪ੍ਰਚੂਨ ਮਹਿੰਗਾਈ ਦਰ ਤਕਰੀਬਨ 0.36 ਫੀਸਦ ਤੱਕ ਵਧ ਸਕਦੀ ਹੈ। ਜੇ ਈਂਧਣ ਕੀਮਤਾਂ 10 ਰੁਪਏ ਪ੍ਰਤੀ ਲਿਟਰ ਤੱਕ ਵਧ ਜਾਂਦੀਆਂ ਹਨ ਤਾਂ ਪ੍ਰਚੂਨ ਮਹਿੰਗਾਈ ਦਰ ’ਚ ਤਕਰੀਬਨ 0.48 ਫੀਸਦ ਤੱਕ ਵਧ ਸਕਦੀ ਹੈ। ਰਿਪੋਰਟ ’ਚ ਕਿਹਾ ਗਿਆ ਹੈ ਕਿ ਈਂਧਣ ਦੀਆਂ ਕੀਮਤਾਂ ਵਧਣ ਦਾ ਸਭ ਤੋਂ ਵੱਧ ਪ੍ਰਭਾਵ ਸੜਕੀ ਆਵਾਜਾਈ ’ਤੇ ਪਵੇਗਾ ਕਿਉਂਕਿ ਇਸ ਦੀ ਲਾਗਤ ਦਾ ਤਕਰੀਬਨ 42 ਫੀਸਦ ਹਿੱਸਾ ਈਂਧਣ ’ਤੇ ਨਿਰਭਰ ਹੈ। ਇਸ ਨਾਲ ਮਾਲ ਢੁਆਈ ਮਹਿੰਗੀ ਹੋ ਜਾਵੇਗੀ ਅਤੇ ਇਸ ਦਾ ਅਸਰ ਰੋਜ਼ਾਨਾ ਵਰਤੋਂ ਦੀਆਂ ਵਸਤਾਂ ਦੀਆਂ ਕੀਮਤਾਂ ’ਤੇ ਪਵੇਗਾ।

ਥੋਕ ਮੁੱਲ ਸੂਚਕ ਅੰਕ ਦੀ ਥਾਂ ਉਤਪਾਦਕ ਮੁੱਲ ਸੂਚਕ ਅੰਕ ਦੀ ਤਿਆਰੀ

ਨਵੀਂ ਦਿੱਲੀ: ਸਰਕਾਰ ਥੋਕ ਮੁੱਲ ਸੂਚਕ ਅੰਕ ਹੌਲੀ-ਹੌਲੀ ਖਤਮ ਕਰਕੇ ਉਤਪਾਦਨ, ਕੱਚਾ ਮਾਲ ਅਤੇ ਸੇਵਾਵਾਂ ਦੀਆਂ ਕੀਮਤਾਂ ਨੂੰ ਸ਼ਾਮਲ ਕਰਨ ਵਾਲਾ ਉਤਪਾਦਕ ਮੁੱਲ ਸੂਚਕ ਅੰਕ ਲਾਗੂ ਕਰੇਗੀ। ਵਣਜ ਤੇ ਉਦਯੋਗ ਮੰਤਰਾਲੇ ਦੇ ਪ੍ਰਮੁੱਖ ਆਰਥਿਕ ਸਲਾਹਕਾਰ ਪ੍ਰਵੀਨ ਮਹਿਤੋ ਨੇ ਕਿਹਾ ਕਿ ਉਦਯੋਗ ਅਤੇ ਅੰਤਰਿਕ ਵਪਾਰ ਵਿਕਾਸ ਵਿਭਾਗ 15 ਜੂਨ ਨੂੰ ਨਵੇਂ ਆਧਾਰ ਸਾਲ 2022-23 ਨਾਲ ਡਬਲਿਊ ਪੀ ਆਈ ਦੀ ਸੋਧੀ ਹੋਈ ਲੜੀ ਜਾਰੀ ਕਰੇਗਾ। ਇਹ ਆਧਾਰ ਸਾਲ 2011-12 ਵਾਲੀ ਮੌਜੂਦਾ ਲੜੀ ਦੀ ਥਾਂ ਲਵੇਗੀ।