ਲਕਸ਼ਦੀਪ ਨੇੜੇ ਇਰਾਨੀ ਕਿਸ਼ਤੀ ’ਚੋਂ Rs 3000 crore drugs seized

ਅਧਿਕਾਰੀਆਂ ਨੇ ਕਿਹਾ ਕਿ ਸੂਹੀਆ ਜਾਣਕਾਰੀ ਦੇ ਆਧਾਰ ’ਤੇ ਭਾਰਤੀ ਸਾਹਿਲੀ ਰਾਖਿਆਂ ਨੇ ਸਮੁੰਦਰ ਤੇ ਹਵਾ ਵਿੱਚ ਨਿਗਰਾਨੀ ਕੀਤੀ ਤੇ ਸ਼ੱਕੀ ਕਿਸ਼ਤੀ ਦਾ ਪਿੱਛਾ ਕੀਤਾ। ਮਗਰੋਂ ਲਕਸ਼ਦੀਪ ਦੇ ਪੱਛਮ ਵਿੱਚ ਕਿਸ਼ਤੀ ਦਾ ਰਾਹ ਡੱਕ ਲਿਆ। ਬਰਾਮਦ ਕੀਤੇ ਨਸ਼ਿਆਂ ਵਿੱਚ ਉੱਚ ਦਰਜੇ ਦੀ ਮੈਥਮਫੈਟਾਮਾਈਨ ਤੇ ਹੈਰੋਇਨ ਸ਼ਾਮਲ ਹੈ। ਸਾਂਝੀ ਪੁੱਛ ਪੜਤਾਲ ਤੇ ਅਗਲੇਰੀ ਕਾਨੂੰਨੀ ਕਾਰਵਾਈ ਲਈ ਸਬੰਧਤ ਕਿਸ਼ਤੀ, ਅਮਲੇ ਦੇ ਮੈਂਬਰਾਂ ਤੇ ਬਰਾਮਦ ਨਸ਼ੇ ਨੂੰ ਸਖ਼ਤ ਸੁਰੱਖਿਆ ਪਹਿਰੇ ਹੇਠ ਮੁੰਬਈ ਲਿਆਂਦਾ ਗਿਆ।

ਗੁਜਰਾਤ ਐਂਟੀ-ਟੈਰਰਿਸਟ ਸਕੁਐਡ ਦੇ ਡੀ ਆਈ ਜੀ ਸੁਨੀਲ ਜੋਸ਼ੀ ਨੇ ਇਥੇ ਪ੍ਰੈੱਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਜਾਣਕਾਰੀ ਮਿਲੀ ਸੀ ਕਿ ਸਮੁੰਦਰ ਰਸਤੇ ਇਰਾਨ ਤੋਂ ਭਾਰਤ ਵਿੱਚ ਨਸ਼ਿਆਂ ਦੀ ਖੇਪ ਦੀ ਸਮਗਲਿੰਗ ਕੀਤੀ ਜਾ ਰਹੀ ਹੈ। ਸ਼ੁਰੂਆਤੀ ਜਾਂਚ ਮੁਤਾਬਕ ਸਮੁੰਦਰ ਵਿੱਚ ਡਲਿਵਰੀ ਲੈਣ ਮਗਰੋਂ ਇਹ ਨਸ਼ਾ ਤਾਮਿਲ ਨਾਡੂ ਵਿੱਚ ਉਤਰਨਾ ਸੀ। ਸ਼ੱਕੀ ਇਰਾਨੀ ਕਿਸ਼ਤੀ ਦੀ ਪਛਾਣ ‘ਆਜ਼ਾਦ’ ਵਜੋਂ ਹੋਈ ਹੈ। ਏ ਟੀ ਐੱਸ ਮੁਤਾਬਕ ਇਸ ਨੇ ਇਰਾਨ ਦੀ ਕੋਨਾਰਕ ਬੰਦਰਗਾਹ ਨੇੜਿਓ ਸਫ਼ਰ ਸ਼ੁਰੂ ਕੀਤਾ ਸੀ। ਹਿਰਾਸਤ ’ਚ ਲਏ ਅਮਲਾ ਮੈਂਬਰਾਂ ਦੀ ਪਛਾਣ ਮੁਹੰਮਦ ਯਾਕੁਬ ਬਲੋਚੀ, ਸ਼ਕੀਰੁੱਲਾ, ਫ਼ਰੀਦੁੱਲਾ, ਅਹਿਮਦ ਖ਼ਾਨ ਤੇ ਵਹੀਦੁੱਲਾ ਖ਼ਾਨ ਵਜੋਂ ਦੱਸੀ ਗਈ ਹੈ। ਨਸ਼ਿਆਂ ਦੀ ਖੇਪ ਕੌਮਾਂਤਰੀ ਨਸ਼ਾ ਤਸਕਰ ਹਾਜੀ ਸਲੀਮ ਦੀ ਦੱਸੀ ਜਾਂਦੀ ਹੈ।