ਕਿਸਾਨਾਂ ਦੇ ਹਿੱਤ ਸੁਰੱਖਿਅਤ ਬਣਾਉਣ ਲਈ ਵਚਨਬੱਧ: DK Shivakumar

ਕਾਬਿਲੇਗੌਰ ਹੈ ਕਿ ਸ਼ਿਵਕੁਮਾਰ ਤੇ ਵਿਜੈ ਨੇ ਸੋਮਵਾਰ ਨੂੰ ਮੁਲਾਕਾਤ ਕਰ ਕੇ ਕਾਵੇਰੀ ਮੁੱਦੇ ’ਤੇ ਵਿਚਾਰ ਚਰਚਾ ਕਰਨੀ ਸੀ, ਪਰ ਸ਼ਿਵਕੁਮਾਰ ਨੇ ਸੂਬੇ ਵਿੱਚ ਹੋ ਰਹੇ ਵਿਰੋਧ ਪ੍ਰਦਰਸ਼ਨਾਂ ਦੇ ਹਵਾਲੇ ਨਾਲ ਆਪਣੇ ਹਮਰੁਤਬਾ ਨੂੰ ਇਹ ਫੇਰੀ ਅੱਗੇ ਪਾਉਣ ਦੀ ਅਪੀਲ ਕੀਤੀ ਤਾਂ ਕਿ ਗੱਲਬਾਤ ਵਧੇਰੇ ਸਦਭਾਵਨਾ ਭਰੇ ਮਾਹੌਲ ਵਿੱਚ ਹੋ ਸਕੇ। ਕੰਨੜ ਪੱਖੀ ਜਥੇਬੰਦੀਆਂ ਨੇ ਕਾਵੇਰੀ ਜਲ ਪ੍ਰਬੰਧਨ ਅਥਾਰਿਟੀ ਵੱਲੋਂ ਜਾਰੀ ਹੁਕਮਾਂ ਖ਼ਿਲਾਫ਼ 13 ਅਗਸਤ ਨੂੰ ਕਰਨਾਟਕ ਬੰਦ ਦਾ ਸੱਦਾ ਦਿੱਤਾ ਹੈ। ਅਥਾਰਿਟੀ ਨੇ ਤਾਮਿਲ ਨਾਡੂ ਨੂੰ 15 ਦਿਨਾਂ ਅੰਦਰ 3500 ਕਿਊਸਕ ਪਾਣੀ ਛੱਡਣ ਸਬੰਧੀ ਕਾਵੇਰੀ ਵਾਟਰ ਰੈਗੂਲੇਸ਼ਨ ਕਮੇਟੀ ਦੇ ਹੁਕਮਾਂ ਨੂੰ ਬਰਕਰਾਰ ਰੱਖਿਆ ਸੀ। ਮੁੱਖ ਮੰਤਰੀ ਨੇ ਕਿਹਾ ਕਿ ਹਾਲ ਦੀ ਘੜੀ ਪ੍ਰਦਰਸ਼ਨਾਂ ਦੀ ਲੋੜ ਨਹੀਂ ਕਿਉਂਕਿ ਮੀਂਹ ਪੈਣ ਨਾਲ ਹਾਲਾਤ ਬਦਲੇ ਹਨ ਅਤੇ ਸਾਰੀਆਂ ਸਿਆਸੀ ਪਾਰਟੀਆਂ ਦਾ ਮੰਨਣਾ ਹੈ ਕਿ ਸੂਬਾਈ ਬੰਦ ਨਾਲ ਕਿਸੇ ਨੂੰ ਕੋਈ ਫ਼ਾਇਦਾ ਨਹੀਂ ਹੋਣਾ।

ਮੇੇਕੇਦਾਤੂ ਡੈਮ ਨਾਲ ਕਾਵੇਰੀ ਦਾ ਪਾਣੀ ਰੁਕੇਗਾ: ਅੰਬੂਮਣੀ

ਚੇਨੱਈ: ਪੀ ਐੱਮ ਕੇ ਪ੍ਰਧਾਨ ਅੰਬੂਮਣੀ ਰਾਮਦੌਸ ਨੇ ਕਿਹਾ ਕਿ ਜੇ ਤਜਵੀਜ਼ਤ ਮੇਕੇਦਾਤੂ ਡੈਮ ਬਣ ਗਿਆ ਹੁੰਦਾ ਤਾਂ ਤਾਮਿਲ ਨਾਡੂ ਨੂੰ ਕਰਨਾਟਕ ਦੇ ਕਬੀਨੀ ਜਲ ਭੰਡਾਰ ਤੋਂ ਮੌਜੂਦਾ ਪ੍ਰਵਾਹ ਵੀ ਨਾ ਮਿਲਦਾ। ਉਨ੍ਹਾਂ ਤਾਮਿਲ ਨਾਡੂ ਸਰਕਾਰ ਨੂੰ ਅਪੀਲ ਕੀਤੀ ਕਿ ਉਹ ਇਸ ਪ੍ਰਾਜੈਕਟ ਨੂੰ ਅਮਲੀ ਰੂਪ ਦੇਣ ਦੀਆਂ ਕਰਨਾਟਕ ਦੀਆਂ ਕੋਸ਼ਿਸ਼ਾਂ ਦਾ ਜ਼ੋਰਦਾਰ ਢੰਗ ਨਾਲ ਵਿਰੋਧ ਕਰੇ। ਉਨ੍ਹਾਂ ਸਾਰੀਆਂ ਸਿਆਸੀ ਪਾਰਟੀਆਂ ਤੇ ਕਿਸਾਨ ਜਥੇਬੰਦੀਆਂ ਨੂੰ ਇਕਜੁੱਟ ਹੋ ਕੇ ਕਾਰਵਾਈ ਕਰਨ ਦਾ ਸੱਦਾ ਦਿੱਤਾ। -ਪੀਟੀਆਈ