'ਕਾਕਰੋਚ ਸਭ ਕੁਝ ਪਲਟ ਸਕਦੇ ਹਨ': ਪਾਕਿਸਤਾਨੀ ਮੰਤਰੀ ਨਕਵੀ ਦੀ ਨੌਜਵਾਨਾਂ ਬਾਰੇ ਟਿੱਪਣੀ ਚਰਚਾ ’ਚ

ਪਾਕਿਸਤਾਨ ਦੇ ਗ੍ਰਹਿ ਮੰਤਰੀ ਮੋਹਸਿਨ ਨਕਵੀ ਨੇ ਹਾਲ ਹੀ ਵਿਚ ਆਪਣੇ ਇਕ ਬਿਆਨ ਤੋਂ ਬਾਅਦ ਧਿਆਨ ਖਿੱਚਿਆ ਹੈ, ਕਿ ਜੇ ਦੇਸ਼ ਦੇ ਨੌਜਵਾਨ ਇੱਕ ਹੋ ਜਾਣ ਤਾਂ ਉਹ "ਸਭ ਕੁਝ ਪਲਟ" ਸਕਦੇ ਹਨ ਅਤੇ ਪਾਕਿਸਤਾਨ ਦੀ ਸ਼ਾਸਨ ਪ੍ਰਣਾਲੀ ਵਿੱਚ ਵਿਆਪਕ ਸੁਧਾਰਾਂ ਦੀ ਮੰਗ ਕਰਦੇ ਹੋਏ "ਕਾਕਰੋਚ" ਸ਼ਬਦ ਦੀ ਤੁਲਨਾ ਦੀ ਵਰਤੋਂ ਕੀਤੀ ਹੈ।

'ਜਿਓ ਨਿਊਜ਼' ਦੀ ਇੱਕ ਰਿਪੋਰਟ ਦੇ ਅਨੁਸਾਰ ਇਸਲਾਮਬਾਦ ਵਿੱਚ ਪਾਕਿਸਤਾਨ ਆਰਥਿਕ ਸੰਮੇਲਨ ਨੂੰ ਸੰਬੋਧਨ ਕਰਦਿਆਂ ਨਕਵੀ ਨੇ ਕਿਹਾ ਕਿ ਮੌਜੂਦਾ ਸਿਸਟਮ "ਢਹਿ ਚੁੱਕਾ ਹੈ" ਅਤੇ ਦੇਸ਼ ਦੀਆਂ ਵਧਦੀਆਂ ਚੁਣੌਤੀਆਂ ਨਾਲ ਨਜਿੱਠਣ ਦੇ ਸਮਰੱਥ ਨਹੀਂ ਰਿਹਾ ਹੈ।

ਉਨ੍ਹਾਂ ਕਿਹਾ, "ਜਿਸ ਸਿਸਟਮ ਹੇਠ ਅਸੀਂ ਰਹਿ ਰਹੇ ਹਾਂ ਉਹ ਢਹਿ ਚੁੱਕਾ ਹੈ। ਇਸ ਰਾਹੀਂ ਸਮੱਸਿਆਵਾਂ ਹੱਲ ਨਹੀਂ ਹੋ ਸਕਦੀਆਂ," ਅਤੇ ਚਿਤਾਵਨੀ ਦਿੱਤੀ ਕਿ ਬਿਨਾਂ ਝਾਂਚਾਗਤ ਸੁਧਾਰਾਂ ਦੇ, ਪਾਕਿਸਤਾਨ ਅੱਜ ਤੋਂ ਇੱਕ ਦਹਾਕੇ ਬਾਅਦ ਵੀ ਉਨ੍ਹਾਂ ਹੀ ਮੁੱਦਿਆਂ ਨਾਲ ਜੂਝ ਰਿਹਾ ਹੋਵੇਗਾ।

ਨਕਵੀ ਦੀਆਂ ਇਹ ਟਿੱਪਣੀਆਂ ਪਾਕਿਸਤਾਨ ਦੇ ਡੂੰਘੇ ਹੁੰਦੇ ਆਥਿਕ ਸੰਕਟ, ਵਧਦੀ ਬੇਰੁਜ਼ਗਾਰੀ, ਸਿਆਸੀ ਵੰਡ ਅਤੇ ਬਲੋਚਿਸਤਾਨ, ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਕਸ਼ਮੀਰ ਅਤੇ ਖੈਬਰ ਪਖਤੂਨਖਵਾ ਵਿੱਚ ਸੁਰੱਖਿਆ ਚੁਣੌਤੀਆਂ ਦੇ ਵਿਚਕਾਰ ਆਈਆਂ ਹਨ। ਇਹ ਭਾਰਤ ਵਿੱਚ CJP-ਦੀ ਅਗਵਾਈ ਵਾਲੇ ਪ੍ਰਦਰਸ਼ਨਾਂ ਤੋਂ ਬਾਅਦ ਵੀ ਆਈਆਂ ਹਨ ਜੋ ਸਿੱਖਿਆ ਮੰਤਰੀ ਧਰਮਿੰਦਰ ਪ੍ਰਧਾਨ ਦੇ ਅਸਤੀਫ਼ੇ 'ਤੇ ਜਾ ਕੇ ਸਮਾਪਤ ਹੋਏ ਸਨ।

ਸੁਧਾਰਾਂ ਦੀ ਜ਼ਰੂਰਤ ਬਾਰੇ ਬੋਲਣ ਤੋਂ ਬਾਅਦ, ਨਕਵੀ ਨੇ ਪਾਕਿਸਤਾਨ ਦੇ ਨਿਰਾਸ਼ ਨੌਜਵਾਨਾਂ ਦਾ ਹਵਾਲਾ ਦਿੱਤਾ, ਜਿਸ ਵਿੱਚ ਇੱਕ ਪ੍ਰਭਾਵਸ਼ਾਲੀ ਉਦਾਰਹਣ ਦੀ ਵਰਤੋਂ ਕੀਤੀ ਗਈ ਜਿਸ ਨੇ ਜਲਦੀ ਹੀ ਧਿਆਨ ਖਿੱਚ ਲਿਆ।

ਸਮਾ ਟੀਵੀ ਦੇ ਹਵਾਲੇ ਨਾਲ ਇੱਕ ਰਿਪੋਰਟ ਵਿੱਚ ਕਿਹਾ ਗਿਆ ਹੈ, "ਹੁਣ, ਭਾਵੇਂ ਤੁਸੀਂ ਉਸ ਨੌਜਵਾਨ ਨੂੰ ਨੌਜਵਾਨ ਕਹੋ, ਕਾਕਰੋਚ ਕਹੋ, ਜਾਂ ਕੁਝ ਹੋਰ ਕਹੋ... ਜੇ ਇਹ ਕਾਕਰੋਚ ਇਕੱਠੇ ਹੋ ਗਏ, ਤਾਂ ਉਹ ਸਭ ਕੁਝ ਪਲਟ ਸਕਦੇ ਹਨ।"

ਦਿਨ ਵਿੱਚ ਬਾਅਦ ’ਚ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ, ਨਕਵੀ ਨੇ ਕਿਹਾ ਕਿ ਪਾਕਿਸਤਾਨ ਦੀਆਂ ਸਮੱਸਿਆਵਾਂ ਨੂੰ ਇਕੱਲੀ ਫ਼ੌਜੀ ਲੀਡਰਸ਼ਿਪ ਦੁਆਰਾ ਹੱਲ ਨਹੀਂ ਕੀਤਾ ਜਾ ਸਕਦਾ, ਅਤੇ ਜੋੜਿਆ ਕਿ ਵਿਆਪਕ ਪ੍ਰਣਾਲੀਗਤ ਸੁਧਾਰਾਂ ਤੋਂ ਬਿਨਾਂ ਆਰਮੀ ਚੀਫ ਫੀਲਡ ਮਾਰਸ਼ਲ ਆਸਿਮ ਮੁਨੀਰ ਦੀਆਂ ਕੋਸ਼ਿਸ਼ਾਂ ਵੀ ਕਾਫ਼ੀ ਨਹੀਂ ਹੋਣਗੀਆਂ।