ਕੱਚੀ ਖੰਡ ਦੇ ਬਰਾਮਦ ਕੋਟੇ ਦੀ ਵੰਡ ਲਈ ਅਰਜ਼ੀਆਂ ਮੰਗੀਆਂ

ਵਣਜ ਮੰਤਰਾਲੇ ਨੇ ਅੱਜ 2,02,550 ਟਨ ਕੱਚੀ ਖੰਡ ਦੀ ਬਰਾਮਦ ਲਈ ਰਿਆਇਤੀ ਡਿਊਟੀ ਕੋਟੇ ਦੀ ਵੰਡ ਵਾਸਤੇ ਯੋਗ ਮਿੱਲ ਮਾਲਕਾਂ ਅਤੇ ਰਿਫਾਈਨਰਾਂ ਤੋਂ ਅਰਜ਼ੀਆਂ ਮੰਗੀਆਂ ਹਨ। ਵਿਦੇਸ਼ੀ ਵਪਾਰ ਡਾਇਰੈਕਟੋਰੇਟ ਜਨਰਲ (ਡੀ ਜੀ ਐੱਫ ਟੀ) ਨੇ ਨੋਟੀਫਿਕੇਸ਼ਨ ਵਿੱਚ ਕਿਹਾ ਹੈ ਕਿ...

PTI

ਨਵੀਂ ਦਿੱਲੀ, 02:56 AM Sep 02, 2026 IST

ਸੰਕੇਤਕ ਤਸਵੀਰ।

ਵਣਜ ਮੰਤਰਾਲੇ ਨੇ ਅੱਜ 2,02,550 ਟਨ ਕੱਚੀ ਖੰਡ ਦੀ ਬਰਾਮਦ ਲਈ ਰਿਆਇਤੀ ਡਿਊਟੀ ਕੋਟੇ ਦੀ ਵੰਡ ਵਾਸਤੇ ਯੋਗ ਮਿੱਲ ਮਾਲਕਾਂ ਅਤੇ ਰਿਫਾਈਨਰਾਂ ਤੋਂ ਅਰਜ਼ੀਆਂ ਮੰਗੀਆਂ ਹਨ। ਵਿਦੇਸ਼ੀ ਵਪਾਰ ਡਾਇਰੈਕਟੋਰੇਟ ਜਨਰਲ (ਡੀ ਜੀ ਐੱਫ ਟੀ) ਨੇ ਨੋਟੀਫਿਕੇਸ਼ਨ ਵਿੱਚ ਕਿਹਾ ਹੈ ਕਿ ਅਰਜ਼ੀ ਦੇਣ ਲਈ ਵਿੰਡੋ ਸੱਤ ਦਿਨਾਂ ਵਾਸਤੇ ਖੁੱਲ੍ਹੀ ਰਹੇਗੀ। ਨੋਟੀਫਿਕੇਸ਼ਨ ਵਿੱਚ ਕਿਹਾ ਗਿਆ ਹੈ, ‘‘ਬਾਕੀ ਬਚੀ 2,02,550 ਟਨ ਦੀ ਮਾਤਰਾ ਦੀ ਵੰਡ ਲਈ ਨਿਰਧਾਰਤ ਤਰੀਕੇ ਅਤੇ ਫਾਰਮੈਟ ਵਿੱਚ ਯੋਗ ਮਿੱਲ ਮਾਲਕਾਂ ਅਤੇ ਰਿਫਾਈਨਰਾਂ ਤੋਂ ਅਰਜ਼ੀਆਂ ਮੰਗੀਆਂ ਜਾਂਦੀਆਂ ਹਨ।’’

ਡੀ ਜੀ ਐੱਫ ਟੀ ਨੂੰ ਪਹਿਲਾਂ 10,00,000 ਟਨ ਵਿੱਚੋਂ 7,97,450 ਟਨ ਕੱਚੀ ਖੰਡ ਦੇ ਕੋਟੇ ਦੀ ਵੰਡ ਵਾਸਤੇ ਅਰਜ਼ੀਆਂ ਪ੍ਰਾਪਤ ਹੋਈਆਂ ਸਨ। ਇਸ ਵਿੱਚ ਕਿਹਾ ਗਿਆ ਹੈ, ‘‘ਟੈਰਿਫ ਰੇਟ ਕੋਟਾ (ਟੀ ਆਰ ਕਿਊ) ਸਕੀਮ ਤਹਿਤ 2,02,550 ਟਨ ਦੀ ਬਾਕੀ ਮਾਤਰਾ ਵੰਡ ਲਈ ਉਪਲਬਧ ਹੈ।’’ ਹੁਣ, ਇਸ ਬਾਕੀ ਬਚੀ ਮਾਤਰਾ ਲਈ ਅਰਜ਼ੀਆਂ ਮੰਗੀਆਂ ਗਈਆਂ ਹਨ।

Tags :