Water Logging Issue: ਮੀਂਹ ਤੋਂ ਦੋ ਦਿਨ ਬਾਅਦ ਵੀ Guru Gobind Singh Park ’ਚੋਂ ਪਾਣੀ ਨਾ ਨਿਕਲਿਆ

ਸ਼ਹਿਰ ਦਾ ਇੱਕੋ-ਇੱਕ ਗੁਰੂ ਗੋਬਿੰਦ ਸਿੰਘ ਪਾਰਕ ਮੀਂਹ ਮਗਰੋਂ ਕਈ ਦਿਨ ਵਰਤੋਂ ਯੋਗ ਨਹੀਂ ਰਹਿੰਦਾ। ਇਸ ਕਾਰਨ ਸੈਰ ਕਰਨ ਵਾਲੇ ਲੋਕਾਂ ਨੂੰ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਸ ਵਾਰ ਮੀਂਹ ਪੈਣ ਦੇ ਦੋ ਦਿਨਾਂ ਬਾਅਦ ਵੀ ਪਾਰਕ ਵਿੱਚ ਪਾਣੀ ਖੜ੍ਹਾ ਹੈ। ਜੇ ਹੁਣ ਮੀਂਹ ਨਾ ਵੀ ਪਿਆ, ਤਾਂ ਵੀ ਕਰੀਬ ਇੱਕ ਹਫ਼ਤਾ ਇੱਥੇ ਚਿੱਕੜ ਬਣਿਆ ਰਹੇਗਾ।

ਪਾਣੀ ਖੜ੍ਹਨ ਕਾਰਨ ਮੱਛਰਾਂ ਅਤੇ ਮੱਖੀਆਂ ਦੀ ਭਰਮਾਰ ਹੈ ਤੇ ਗੰਦੇ ਪਾਣੀ ਕਾਰਨ ਬਦਬੂ ਫੈਲ ਰਹੀ ਹੈ। ਸੈਰ ਕਰਨ ਵਾਲੇ ਲੋਕਾਂ ਕੋਲ ਕੋਈ ਹੋਰ ਬਦਲ ਨਾ ਹੋਣ ਕਾਰਨ ਉਹ ਕਾਫ਼ੀ ਤੰਗ ਹਨ। ਇਸ ਦੌਰਾਨ ਵਾਤਾਵਰਨ ਪ੍ਰੇਮੀ ਅੰਮ੍ਰਿਤਪਾਲ ਸਿੰਘ ਅਤੇ ਡਾ. ਸੀਮਾ ਗੋਇਲ ਨੇ ਸੁਝਾਅ ਦਿੱਤਾ ਕਿ ਪਾਰਕ ਵਿੱਚ ਖੜ੍ਹੇ ਪਾਣੀ ਨੂੰ ਭੂ-ਜਲ ਰੀਚਾਰਜ ਸਿਸਟਮ ਰਾਹੀਂ ਧਰਤੀ ਵਿੱਚ ਪਹੁੰਚਾਇਆ ਜਾ ਸਕਦਾ ਹੈ।

ਇਸ ਨਾਲ ਧਰਤੀ ਹੇਠਲਾ ਜਲ ਭੰਡਾਰ ਰੀਚਾਰਜ ਹੋਵੇਗਾ ਅਤੇ ਗੰਦਗੀ ਵੀ ਨਹੀਂ ਫੈਲੇਗੀ। ਉਨ੍ਹਾਂ ਕਿਹਾ ਕਿ ਪਾਣੀ ਨੂੰ ਸੀਵਰੇਜ ਵਿੱਚ ਪਾਉਣਾ ਵੀ ਇਸ ਦੀ ਬੇਕਦਰੀ ਹੈ। ਉਨ੍ਹਾਂ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਪਾਰਕਾਂ ਅਤੇ ਸਰਕਾਰੀ ਇਮਾਰਤਾਂ ਵਿੱਚ ਭੂ-ਜਲ ਰੀਚਾਰਜ ਸਿਸਟਮ ਲਾਜ਼ਮੀ ਲਾਏ ਜਾਣ।