ਮਹਿੰਦਰ ਸਿੰਘ ਰੱਤੀਆਂ
ਮੋਗਾ, 18 ਸਤੰਬਰ
ਬੇਕਾਬੂ ਟਰਾਲੇ ਨੇ ਲੰਘੀ ਰਾਤ ਹਰੀਕੇ ਹੈੱਡ ਉੱਤੇ ਪੁਲੀਸ ਚੌਕੀ ਤਹਿਸ਼ ਨਹਿਸ ਕਰ ਦਿੱਤੀ। ਸੰਤਰੀ ਸਿਪਾਹੀ ਨੇ ਭੱਜਕੇ ਜਾਨ ਬਚਾਈ ਅਤੇ ਪੱਖੇ, ਮੋਟਰਸਾਈਕਲ ਤੋਂ ਇਲਾਵਾ ਮਸ਼ੀਨਗੰਨ ਵੀ ਨੁਕਸਾਨੀ ਗਈ। ਥਾਣਾ ਮੱਖੂ (ਫ਼ਿਰੋਜ਼ਪੁਰ) ਟਰਾਲਾ ਚਾਲਕ ਨੂੰ ਹਿਰਾਸਤ ’ਚ ਲੈ ਲਿਆ ਗਿਆ ਹੈ। ਹਰੀਕੇ ਹੈੱਡ ਸਥਿਤ ਪੀਏਪੀ 75 ਬਟਾਲੀਅਨ ਦੀ ਨਿਗਰਾਨੀ ਹੇਠ ਪੱਕੀ ਪੁਲੀਸ ਚੌਕੀ (ਨਾਕਾ) ਉੱਤੇ ਲੰਘੀ ਰਾਤ ਤਾਇਨਾਤ ਪੀਏਪੀ ਸਿਪਾਹੀ ਪਰਗਟ ਸਿੰਘ ਸੰਤਰੀ ਦੀ ਡਿਊਟੀ ਕਰ ਰਿਹਾ ਸੀ। ਇਸ ਦੌਰਾਨ ਟਰਾਲਾ ਬੇਕਾਬੂ ਹੋ ਗਿਆ ਅਤੇ ਪੁਲੀਸ ਚੌਕੀ ਉੱਤੇ ਚੜ੍ਹ ਗਿਆ। ਇਸ ਕਾਰਨ ਸਾਰਾ ਸਾਮਾਨ ਪੱਖੇ ਪੱਖੇ, ਮੋਟਰਸਾਈਕਲ ਤੋਂ ਇਲਾਵਾ ਮਸ਼ੀਨ ਗੰਨ (ਐੱਸਐੱਲਆਰ ਰਾਈਫ਼ਲ)ਵੀ ਨੁਕਸਾਨੀ ਗਈ। ਸਿਪਾਹੀ ਪਰਗਟ ਸਿੰਘ ਨੇ ਭੱਜ ਕੇ ਜਾਨ ਬਚਾਈ। ਥਾਣਾ ਮੱਖੂ (ਫ਼ਿਰੋਜ਼ਪੁਰ) ਪੁਲੀਸ ਨੇ ਟਰਾਲਾ ਚਾਲਕ ਜਗਰੂਪ ਸਿੰਘ ਪਿੰਡ ਮੰਧੀਰ (ਸ੍ਰੀ ਮੁਕਤਸਰ ਸਾਹਿਬ) ਨੂੰ ਹਿਰਾਸਤ ’ਚ ਲੈ ਲਿਆ ਗਿਆ ਹੈ।