ਕਰਨ ਭੀਖੀ
ਭੀਖੀ, 7 ਅਕਤੂਬਰ
ਨੇੜਲੇ ਪਿੰਡ ਸਮਾਓਂ ਦੇ ਵਾਰਡ ਨੰਬਰ 8 ਮੁਪਾਲ ਪੱਤੀ ਵਾਸੀ ਨੌਜਵਾਨ ਕਿਸਾਨ ਮਹਾ ਸਿੰਘ (29) ਨੇ ਬੀਤੀ ਰਾਤ ਜ਼ਹਿਰੀਲੀ ਵਸਤੂ ਨਿਗਲ ਕੇ ਖ਼ੁਦਕੁਸ਼ੀ ਕਰ ਲਈ। ਸਰਪੰਚ ਪਰਮਜੀਤ ਕੌਰ ਮੁਤਾਬਕ ਮਹਾ ਸਿੰਘ ਸਿਰ ਸਰਕਾਰੀ ਤੇ ਗੈਰਸਰਕਾਰੀ ਸੱਤ ਲੱਖ ਰੁਪਏ ਦਾ ਕਰਜ਼ਾ ਸੀ। ਉਹ ਮਾਪਿਆਂ ਇਕਲੌਤਾ ਪੁੱਤਰ ਤੇ ਚਾਰ ਭੈਣਾਂ ਭਰਾ ਸੀ। ਉਸ ਦੇ ਪਰਿਵਾਰ ਵਿੱਚ ਪਤਨੀ, ਸੱਤ ਸਾਲਾ ਧੀ ਅਤੇ ਪੰਜ ਸਾਲ ਦਾ ਪੁੱਤਰ ਹੈ। ਪੰਜਾਬ ਕਿਸਾਨ ਯੂਨੀਅਨ ਜ਼ਿਲ੍ਹਾ ਆਗੂ ਭੋਲਾ ਸਿੰਘ ਨੇ ਰਾਜ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਮ੍ਰਿਤਕ ਦੇ ਪਰਿਵਾਰ ਦਾ ਸਾਰਾ ਕਰਜ਼ਾ ਮੁਆਫ ਕੀਤਾ ਜਾਵੇ। ਭੀਖੀ ਪੁਲੀਸ ਨੇ 174 ਦੀ ਕਾਰਵਾਈ ਪਿੱਛੋਂ ਲਾਸ਼ ਵਾਰਸਾਂ ਹਵਾਲੇ ਕਰ ਦਿੱਤੀ ਹੈ।