ਪਰਮਜੀਤ ਸਿੰਘ
ਫ਼ਾਜ਼ਿਲਕਾ, 14 ਜੁਲਾਈ
ਫ਼ਾਜ਼ਿਲਕਾ ਜ਼ਿਲ੍ਹੇ ‘ਚ ਕਰੋਨਾਵਾਇਰਸ ਕਾਰਨ ਪਹਿਲੀ ਮੌਤ ਹੋ ਗਈ। ਮ੍ਰਿਤਕ ਫ਼ਾਜ਼ਿਲਕਾ ਜ਼ਿਲ੍ਹੇ ਦੇ ਪਿੰਡ ਰੱਤਾਖੇੜਾ ਦਾ ਸੀ। ਸਿਵਲ ਸਰਜਨ ਫ਼ਾਜ਼ਿਲਕਾ ਡਾ. ਸੀਐੱਮ ਕਟਾਰੀਆ ਨੇ ਦੱਸਿਆ ਕਿ 11 ਜੁਲਾਈ ਨੂੰ ਪਿੰਡ ਰਤਾ ਖੇੜਾ ਦਾ 50 ਵਰ੍ਹਿਆਂ ਦਾ ਵਿਅਕਤੀ ਬਠਿੰਡਾ ਦੇ ਹਸਪਤਾਲ ‘ਚ ਸ਼ੂਗਰ, ਅਧਰੰਗ, ਹਾਈ ਬੀਪੀ ਦੀ ਸ਼ਿਕਾਇਤ ਲੈ ਕੇ ਦਾਖ਼ਲ ਹੋਇਆ ਸੀ, ਜਿੱਥੇ ਉਸ ਨੂੰ ਕਰੋਨਾ ਟੈਸਟ ਲਈ ਫ਼ਰੀਦਕੋਟ ਭੇਜ ਕੇ ਟੈਸਟ ਕਰਵਾਇਆ ਗਿਆ ਪਰ ਰਾਤ ਨੂੰ ਉਸ ਨੇ ਦਮ ਤੋੜ ਦਿੱਤਾ ਅਤੇ ਮੌਤ ਤੋਂ ਬਾਅਦ ਉਸ ਦੀ ਕਰੋਨਾ ਦੀ ਰਿਪੋਰਟ ਪਾਜ਼ੀਟਿਵ ਆਈ ਹੈ।