ਬਠਿੰਡਾ ਲੇਸਿਕ ਲੇਜ਼ਰ ਸੈਂਟਰ ਵਿੱਚ ਨਵੀਂ ਸਮਾਰਟ ਸਾਈਟ ਨੋਵਾ ਤਕਨੀਕ ਦੀ ਸ਼ੁਰੂਆਤ

ਨਵੀਂ ਮਸ਼ੀਨ ਦਾ ਉਦਘਾਟਨ ਸਤੀਆ ਇੰਡਸਟਰੀਜ਼ ਲਿਮਟਿਡ ਦੇ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ ਡਾ. ਅਜੈ ਸਤੀਆ ਨੇ ਕੀਤਾ। ਉਨ੍ਹਾਂ ਕਿਹਾ ਕਿ ਸਿਹਤ ਖੇਤਰ ਵਿੱਚ ਆਧੁਨਿਕ ਤਕਨੀਕਾਂ ਦੀ ਸ਼ਮੂਲੀਅਤ ਨਾਲ ਮਰੀਜ਼ਾਂ ਨੂੰ ਬਿਹਤਰ ਇਲਾਜ ਸਹੂਲਤਾਂ ਮਿਲਦੀਆਂ ਹਨ ਅਤੇ ਖੇਤਰੀ ਸਿਹਤ ਸੇਵਾਵਾਂ ਨੂੰ ਵੀ ਮਜ਼ਬੂਤੀ ਮਿਲਦੀ ਹੈ। ਸਮਾਗਮ ਦੌਰਾਨ ਵੱਖ-ਵੱਖ ਖੇਤਰਾਂ ਨਾਲ ਸਬੰਧਤ ਪਤਵੰਤਿਆਂ ਨੇ ਹਾਜ਼ਰੀ ਭਰੀ।

ਬਠਿੰਡਾ ਲੇਸਿਕ ਲੇਜ਼ਰ ਸੈਂਟਰ ਦੇ ਡਾ. ਯੁਵਰਾਜ ਮਾਰਕਨ ਨੇ ਕਿਹਾ ਕਿ ਸੈਂਟਰ ਵੱਲੋਂ ਮਰੀਜ਼ਾਂ ਨੂੰ ਨਵੀਨਤਮ ਤਕਨੀਕ ਆਧਾਰਿਤ ਇਲਾਜ ਮੁਹੱਈਆ ਕਰਵਾਉਣ ਲਈ ਲਗਾਤਾਰ ਯਤਨ ਕੀਤੇ ਜਾ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਸਮਾਰਟ ਸਾਈਟ ਨੋਵਾ ਅੱਖਾਂ ਦੇ ਨੰਬਰ ਹਟਾਉਣ ਲਈ ਉਪਲਬਧ ਲੇਜ਼ਰ ਇਲਾਜ ਦੇ ਵਿਕਲਪਾਂ ਵਿੱਚ ਅਹਿਮ ਵਾਧਾ ਹੈ।

ਉਨ੍ਹਾਂ ਮੁਤਾਬਕ ਇਹ ਤਕਨੀਕ ਘੱਟ ਸਮੇਂ ਵਿੱਚ ਅਤੇ ਵੱਧ ਸ਼ੁੱਧਤਾ ਨਾਲ ਇਲਾਜ ਮੁਹੱਈਆ ਕਰਵਾਉਣ ਵਿੱਚ ਸਹਾਇਕ ਸਾਬਤ ਹੋ ਸਕਦੀ ਹੈ। ਸੰਸਥਾ ਅਨੁਸਾਰ ਇਹ ਫਲੈਪਲੈੱਸ ਲੇਜ਼ਰ ਤਕਨੀਕ ਅੱਖਾਂ ਦੇ ਨੰਬਰ ਦੂਰ ਕਰਨ ਦੇ ਖੇਤਰ ਵਿੱਚ ਨਵਾਂ ਕਦਮ ਹੈ, ਜਿਸ ਨਾਲ ਮਰੀਜ਼ਾਂ ਨੂੰ ਆਧੁਨਿਕ ਇਲਾਜ ਦੀ ਸਹੂਲਤ ਸਥਾਨਕ ਪੱਧਰ ’ਤੇ ਉਪਲਬਧ ਹੋਵੇਗੀ।