Muktsar news: ਵਾਟਰ ਸਪਲਾਈ ਦਫ਼ਤਰ ਸੀਵਰੇਜ ਸਫ਼ਾਈ ਠੇਕੇਦਾਰ ਦਾ ਅੱਡਾ ਬਣਿਆ

ਰਿਹਾਇਸ਼ ਤੋਂ ਬਿਨ੍ਹਾਂ ਸਫ਼ਾਈ ਵਾਲੇ ਅੱਧੀ ਦਰਜਨ ਵੱਡੇ ਟਰੱਕ ਵੀ ਦਫਤਰ ਵਿੱਚ ਖੜ੍ਹਦੇ ਹਨ, ਜਿਸ ਕਾਰਨ ਰਸਤਾ ਬੰਦ ਹੋ ਜਾਂਦਾ ਹੈ। ਟਰੱਕਾਂ ਵਿੱਚੋਂ ਸੀਵਰੇਜ ਦਾ ਗੰਦ ਮੁਸ਼ਕ ਮਾਰਦਾ ਹੈ। ਟਰੱਕਾਂ ਦੀ ਰਿਪੇਅਰ ਵੀ ਦਫ਼ਤਰ ਵਿੱਚ ਹੀ ਕੀਤੀ ਜਾਂਦੀ ਹੈ ਜਿਸ ਕਰ ਕੇ ਕੰਮਕਾਰ ਵਾਸਤੇ ਆਉਣ ਵਾਲੇ ਖਪਤਕਾਰਾਂ, ਕਰਮਚਾਰੀਆਂ ਨੂੰ ਮੁਸ਼ਕਲ ਹੁੰਦੀ ਹੈ। ਫੁੱਟਪਾਥ ਬੰਦ ਕੀਤਾ ਗਿਆ ਹੈ।

ਜੇ ਈ ਨੂੰ ਹੋਰ ਕਮਰੇ ਵਾਸਤੇ ਕਿਹਾ ਹੈ: ਮਜ਼ਦੂਰ

ਸਰਕਾਰੀ ਦਫ਼ਤਰ ਦੇ ਜਿਸ ਕਮਰੇ ’ਚ 15 ਮਜ਼ਦੂਰ ਅਤੇ 5 ਟਰੱਕਾਂ ਦੇ ਡਰਾਈਵਰ ਰਹਿ ਰਹੇ ਹਨ ਉਹ ਗਿਣਤੀ ਦੇ ਹਿਸਾਬ ਨਾਲ ਬਹੁਤ ਛੋਟਾ ਹੈ। ਮਜ਼ਦੂਰ ਪਸ਼ੂਆਂ ਵਾਂਗ ਤੜੇ ਹੋਏ ਹਨ। ਗਰਮੀ ਵਿੱਚ ਮੁਸ਼ਕਲ ਹੋਰ ਵੀ ਵਧ ਜਾਂਦੀ ਹੈ। ਇਕ ਮਜ਼ਦੂਰ ਨੇ ਦੱਸਿਆ ਕਿ ਉਨ੍ਹਾਂ ਨੇ ਜੇ ਈ ਨੂੰ ਹੋਰ ਕਮਰੇ ਵਾਸਤੇ ਕਿਹਾ ਹੈ, ਜਿਨ੍ਹਾਂ ਪ੍ਰਬੰਧ ਕਰਨ ਦੀ ਗੱਲ ਆਖੀ ਹੈ। ਦੂਜੇ ਪਾਸੇ ਸੰਪਰਕ ਕਰਨ ’ਤੇ ਜੇ ਈ ਜਲੌਰ ਸਿੰਘ ਇਸ ਸਬੰਧੀ ਕੁੱਝ ਵੀ ਕਹਿਣ ਤੋਂ ਨਾਂਹ ਕਰ ਦਿੱਤੀ।

ਠੇਕੇਦਾਰ ਦੀ ਬੇਨਤੀ ’ਤੇ ਰਿਹਾਇਸ਼ ਦਿੱਤੀ: ਐਕਸੀਅਨ

ਕਾਰਜਕਾਰੀ ਇੰਜੀਨੀਅਰ ਕੇਵਲ ਗਰਗ ਨੇ ਦੱਸਿਆ ਕਿ ਸੀਵਰੇਜ ਦੀ ਸਫ਼ਾਈ ਲਈ ਵਿਭਾਗ ਵੱਲੋਂ 10 ਲੱਖ ਰੁਪਏ ਵਿੱਚ ਅਕਬਰ ਨਾਮ ਦੇ ਠੇਕੇਦਾਰ ਨੂੰ ਠੇਕਾ ਦਿੱਤਾ ਹੈ। ਠੇਕੇਦਾਰ ਦੀ ਬੇਨਤੀ ’ਤੇ ਉਸ ਦੇ ਸੁਪਰਵਾਈਜ਼ਰ ਅਤੇ ਲੇਬਰ ਵਾਸਤੇ ਉਸ ਨੂੰ ਕਮਰਾ ਦਿੱਤਾ ਹੈ। ਪਰ ਜੇ ਉਥੇ ਜ਼ਿਆਦਾ ਮਜ਼ਦੂਰ ਠਹਿਰੇ ਹਨ ਤਾਂ ਇਹ ਗਲਤ ਹੈ। ਇਸ ਦਾ ਜਲਦੀ ਕਰਾਂਗੇ।