Mansa ਸ਼ਹਿਰ ਦੀਆਂ ਸਮੱਸਿਆਵਾਂ ਸਬੰਧੀ ਇਕੱਠ

ਇਕੱਠ ਨੁੂੰ ਸੰਬੋਧਨ ਕਰਦਿਆਂ ਮੋਤੀ ਰਾਮ ਫੱਤਾ, ਕੌਸਲਰ ਅਰਪਿਤ ਚੌਧਰੀ, ਈਸ਼ਵਰ ਗੋਇਲ, ਰਮੇਸ਼ ਟੋਨੀ, ਚੰਦਰ ਕਾਂਤ ਕੂਕੀ ਅਤੇ ਗਗਨਦੀਪ ਸ਼ਰਮਾਂ ਨੇ ਕਿਹਾ ਕਿ ਮਾਨਸਾ ਵਿੱਚ ਨਸ਼ੇ ਦੀ ਭਰਮਾਰ ਹੈ। ਵਪਾਰੀਆਂ ਅਤੇ ਕਾਰੋਬਾਰੀਆਂ ਨੂੰ ਗੈਂਗਸਟਰ ਡਰਾ-ਧਮਕਾ ਰਹੇ ਹਨ। ਗਲੀਆਂ, ਨਾਲੀਆਂ ਅਤੇ ਪੀਣ ਵਾਲੇ ਪਾਣੀ ਦੀ ਸਮੱਸਿਆ ਤੋਂ ਇਲਾਵਾ ਕਿਸੇ ਪਾਸੇ ਕੋਈ ਸੁਣਵਾਈ ਨਹੀਂ ਹੋ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਕਰੀਬ 35 ਸਾਲਾਂ ਤੋਂ ਮਾਨਸਾ ਦੇ ਦਿਨ-ਬ-ਦਿਨ ਸਮੱਸਿਆਵਾਂ ’ਚ ਘਿਰ ਰਿਹਾ ਹੈ ਅਤੇ ਮੁੱਢਲੀਆਂ ਸਹੂਲਤਾਂ ਦੇ ਮਸਲੇ ਵੀ ਹੱਲ ਨਹੀਂ ਹੋ ਰਹੇ।

ਮੁਨੀਸ਼ ਬੱਬੀ ਦਾਨੇਵਾਲੀਆ ਨੇ ਕਿਹਾ ਕਿ ਮਾਨਸਾ ਅੰਦਰ ਬਣ ਰਹੀਆਂ ਸੜਕਾਂ ਭ੍ਰਿਸ਼ਟਾਚਾਰ ਦੀ ਭੇਟ ਚੜ੍ਹ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਨਸ਼ਾ ਨੂੰ ਖ਼ਤਮ ਕਰਨ ਤਾਂ ਦੂਰ, ਉਸ ਨੂੰ ਕੰਟਰੋਲ ਵੀ ਨਹੀਂ ਕੀਤਾ ਜਾ ਰਿਹਾ। ਉਨ੍ਹਾਂ ਕਿਹਾ ਕਿ ਸੂਬੇ ਅੰਦਰ ਗੈਂਗਸਟਰਵਾਦ ਵੱਧਣ ਨਾਲ ਵਪਾਰੀ ਡਰੇ ਹੋਏ ਹਨ, ਇਸ ਸਹਿਮ ਵਿਚੋਂ ਪੂਰੇ ਸੂਬੇ ਅਤੇ ਮੁਸ਼ਕਲਾਂ ਵਿੱਚ ਘਿਰੇ ਮਾਨਸਾ ਜ਼ਿਲ੍ਹੇ ਨੂੰ ਕੱਢਣ ਦੀ ਲੋੜ ਹੈ। ਇਸ ਮੌਕੇ ਭਾਜਪਾ ਪ੍ਰਧਾਨ ਗੋਮਾ ਰਾਮ ਪੂਨੀਆ, ਵਿਕਰਮ ਟੈਕਸਲਾ,ਮਨਜੀਤ ਸਦਉੜਾ, ਮਨੋਜ ਕੁਮਾਰ, ਬਿੰਦਰਪਾਲ ਗਰਗ,ਬਲਵਿੰਦਰ ਬਾਂਸਲ, ਕੌਸਲਰ ਸੁਖਚੈਨ ਸਿੰਘ, ਪ੍ਰਵੀਨ ਟੋਨੀ, ਕਮਲੇਸ਼ ਰਾਣੀ, ਬੱਬੂ ਜੈਨ, ਸੁਰੇਸ਼ ਕੁਮਾਰ, ਵਿਜੈ ਕੁਮਾਰ, ਮੁਰਾਰੀ ਲਾਲ ਵੀ ਮੌਜੂਦ ਸਨ।

ਮਾਨਸਾ ’ਚ ਅਣਸੋਧੇ ਪਾਣੀ ਦੀ ਸਪਲਾਈ ਦਾ ਮਾਮਲਾ ਭਖਿਆ