ਕਾਰ ਨਹਿਰ ਵਿੱਚ ਡਿੱਗੀ; ਭਾਲ ਜਾਰੀ

ਡੱਬਵਾਲੀ-ਮਲੋਟ ਕੌਮੀ ਸ਼ਾਹਰਾਹ-9 ਉੱਪਰ ਬੀਤੀ ਰਾਤ ਰਾਜਸਥਾਨ ਨਹਿਰ ਵਿੱਚ ਕਾਰ ਡਿੱਗ ਗਈ। ਕਾਰ ਸਵਾਰ ਵਿਅਕਤੀ ਦੀ ਸ਼ਨਾਖਤ 40 ਸਾਲਾ ਹਰਦੀਪ ਸਿੰਘ ਪੁੱਤਰ ਸਿੰਘ ਦੇਸਾ ਸਿੰਘ ਵਾਸੀ ਲੰਬੀ ਵਜੋਂ ਹੋਈ ਹੈ। ਘਟਨਾ ਦੀ ਸੂਚਨਾ ਮਿਲਣ ਤੋਂ ਬਾਅਦ ਲੰਬੀ ਪੁਲੀਸ ਸਰਗਰਮ ਹੋ...

patar prerak

ਲੰਬੀ, 05:35 AM Feb 04, 2026 IST

ਡੱਬਵਾਲੀ-ਮਲੋਟ ਕੌਮੀ ਸ਼ਾਹਰਾਹ-9 ਉੱਪਰ ਬੀਤੀ ਰਾਤ ਰਾਜਸਥਾਨ ਨਹਿਰ ਵਿੱਚ ਕਾਰ ਡਿੱਗ ਗਈ। ਕਾਰ ਸਵਾਰ ਵਿਅਕਤੀ ਦੀ ਸ਼ਨਾਖਤ 40 ਸਾਲਾ ਹਰਦੀਪ ਸਿੰਘ ਪੁੱਤਰ ਸਿੰਘ ਦੇਸਾ ਸਿੰਘ ਵਾਸੀ ਲੰਬੀ ਵਜੋਂ ਹੋਈ ਹੈ।

ਘਟਨਾ ਦੀ ਸੂਚਨਾ ਮਿਲਣ ਤੋਂ ਬਾਅਦ ਲੰਬੀ ਪੁਲੀਸ ਸਰਗਰਮ ਹੋ ਗਈ। ਐੱਨ ਡੀ ਆਰ ਐੱਫ ਦੀਆਂ ਟੀਮਾਂ ਜ਼ਰੀਏ ਨਹਿਰ ਵਿੱਚੋਂ ਕਾਰ ਦੀ ਭਾਲ ਕੀਤੀ ਜਾ ਰਹੀ ਹੈ। ਹਰਦੀਪ ਸਿੰਘ ਦੇ ਪਰਿਵਾਰਕ ਮੈਂਬਰ ਅਤੇ ਪਿੰਡ ਵਾਸੀ ਵੀ ਨਹਿਰ ਕੰਢੇ ਕਾਰ ਦੀ ਭਾਲ ਵਿਚ ਜੁਟੇ ਹੋਏ ਹਨ। ਘਟਨਾ ਦੇ ਅਸਲ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ।

ਥਾਣਾ ਲੰਬੀ ਦੇ ਮੁਖੀ ਜਸਵੀਰ ਸਿੰਘ ਨੇ ਦੱਸਿਆ ਕਿ ਕਾਰ ਵਿੱਚ ਸਵਾਰ ਵਿਅਕਤੀ ਹਰਦੀਪ ਸਿੰਘ ਬਠਿੰਡਾ ਵਿੱਚ ਮਹਿੰਦਰਾ ਫਾਇਨਾਂਸ ਕੰਪਨੀ ਵਿੱਚ ਮੁਲਾਜ਼ਮ ਹੈ। ਥਾਣਾ ਮੁਖੀ ਨੇ ਦੱਸਿਆ ਕਿ ਅਜੇ ਤੱਕ ਪੁਲਿਸ ਕੋਲ ਕੋਈ ਸ਼ਿਕਾਇਤ ਨਹੀਂ ਪੁੱਜੀ ਹੈ ਅਤੇ ਨਹਿਰ ਵਿੱਚੋਂ ਵਿਅਕਤੀ ਅਤੇ ਕਾਰ ਨੂੰ ਲੱਭਣ ਸਬੰਧੀ ਕੋਸ਼ਿਸ਼ਾਂ ਤੇਜ਼ੀ ਨਾਲ ਜਾਰੀ ਹਨ।