ਨਿੱਜੀ ਪੱਤਰ ਪ੍ਰੇਰਕ
ਫ਼ਰੀਦਕੋਟ, 4 ਮਈ
ਦਿੱਲੀ ਪੁਲੀਸ ਨੇ ਫ਼ਰੀਦਕੋਟ ਦੀ ਇੱਕ ਕਥਿਤ ਸਮਾਜ ਸੇਵੀ ਸੰਸਥਾ ਵੱਲੋਂ ਆਕਸੀਜਨ ਗੈਸ ਬਲੈਕ ਵਿੱਚ ਵੇਚਣ ਦੇ ਧੰਦੇ ਦਾ ਪਰਦਾਫਾਸ਼ ਕੀਤਾ ਹੈ। ਪੁਲੀਸ ਨੇ ਇਸ ਮਾਮਲੇ ਵਿੱਚ ਦੋ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕਰਕੇ ਸਮਾਜ ਸੇਵੀ ਸੰਸਥਾ ਵੱਲੋਂ ਚਲਾਈ ਜਾ ਰਹੀ ਇੱਕ ਐਂਬੂਲੈਂਸ ਵੀ ਕਬਜ਼ੇ ਵਿੱਚ ਲਿਆ ਹੈ। ਪੱਛਮ ਵਿਹਾਰ ਪੁਲੀਸ ਨਵੀਂ ਦਿੱਲੀ ਨੇ ਦਰਜ ਕੀਤੇ ਪਰਚੇ ਵਿੱਚ ਖੁਲਾਸਾ ਕੀਤਾ ਹੈ ਕਿ ਫ਼ਰੀਦਕੋਟ ਦੀ ਇੱਕ ਸੰਸਥਾ ਆਪਣੀ ਐਂਬੂਲੈਂਸ ਉੱਪਰ ਕਥਿਤ ਤੌਰ ’ਤੇ 20-20 ਕਿ.ਗ੍ਰ ਦੇ ਆਕਸੀਜਨ ਸਿਲੰਡਰ ਪੰਜਾਬ ਵਿੱਚੋਂ ਲਿਜਾ ਕੇ ਦਿੱਲੀ ਵਿੱਚ ਮੂੰਹ ਮੰਗੀ ਰਕਮ ’ਤੇ ਵੇਚ ਰਹੀ ਹੈ। ਪੁਲੀਸ ਨੇ ਐਂਬੂਲੈਂਸ ਵਿੱਚੋਂ 53300/- ਰੁਪਏ ਵੀ ਬਰਾਮਦ ਕਰਨ ਦਾ ਦਾਅਵਾ ਕੀਤਾ ਹੈ।