ਹੋਟਲ ਮਾਲਕ ਨੂੰ ਇਨਸਾਫ਼ ਦਿਵਾਊਣ ਲਈ ਹਰਕਤ ’ਚ ਆਈਆਂ ਵਪਾਰਕ ਐਸੋਸੀਏਸ਼ਨਾਂ

ਹੋਟਲ ਮਾਲਕ ਨੂੰ ਇਨਸਾਫ਼ ਦਿਵਾਊਣ ਲਈ ਹਰਕਤ ’ਚ ਆਈਆਂ ਵਪਾਰਕ ਐਸੋਸੀਏਸ਼ਨਾਂ

ਪੰਜਾਬ ਏਕਤਾ ਟੈਕਸੀ ਆਪਰੇਟਰ ਯੂਨੀਅਨ ਦੇ ਮੈਂਬਰ ਪੁਲੀਸ ਖ਼ਿਲਾਫ਼ ਨਾਅਰੇਬਾਜ਼ੀ ਕਰਦੇ ਹੋਏ।

ਐਨ ਪੀ ਧਵਨ
ਪਠਾਨਕੋਟ, 27 ਅਕਤੂਬਰ
ਆਈਪੀਐਲ ਮੈਚ ਦੌਰਾਨ ਦੜਾ-ਸੱਟਾ ਲਗਾਊਣ ਦੇ ਦੋਸ਼ ਹੇਠ ਹੋਟਲ ਕਾਰੋਬਾਰੀ ਖਿਲਾਫ਼ ਕੇਸ ਦਰਜ ਕੀਤੇ ਜਾਣ ਦੇ ਮਾਮਲੇ ਨੂੰ ਲੈ ਕੇ ਹੋਟਲ ਐਸੋਸੀਏਸ਼ਨ ਜ਼ਿਲ੍ਹਾ ਪਠਾਨਕੋਟ ਅਤੇ ਵਪਾਰ ਮੰਡਲ ਦਾ ਵਫਦ ਵਿਧਾਇਕ ਅਮਿਤ ਵਿਜ ਨੂੰ ਮਿਲਿਆ। ਵਫਦ ਨੇ ਹੋਟਲ ਮਾਲਕ ਨੂੰ ਇਨਸਾਫ ਦਿਵਾਉਣ ਦੀ ਮੰਗ ਕੀਤੀ। ਵਿਧਾਇਕ ਨੂੰ ਮਿਲੇ ਵਫ਼ਦ ਵਿੱਚ ਹੋਟਲ ਐਸੋਸੀਏਸ਼ਨ ਦੇ ਪ੍ਰਧਾਨ ਨਿਤਿਨ ਲਾਡੀ, ਵਪਾਰ ਮੰਡਲ ਦੇ ਕੌਮੀ ਸਕੱਤਰ ਐਲਆਰ ਸੋਢੀ, ਪ੍ਰਧਾਨ ਨਰੇਸ਼ ਅਰੋੜਾ, ਉਪ ਪ੍ਰਧਾਨ ਰਾਕੇਸ਼ ਔਲ, ਸੁਭਾਸ਼ ਮਹਾਜਨ ਤੇ ਦਵਿੰਦਰ ਮਿੰਟੂ ਸ਼ਾਮਲ ਸਨ।

ਸਮੂਹ ਆਗੂਆਂ ਨੇ ਵਿਧਾਇਕ ਨੂੰ ਦੱਸਿਆ ਕਿ ਉਕਤ ਹੋਟਲ ਮਾਲਕ ’ਤੇ ਪੁਲੀਸ ਨੇ ਗਲਤ ਕੇਸ ਦਰਜ ਕੀਤਾ ਹੈ। ਊਨ੍ਹਾਂ ਮਾਮਲੇ ਦੀ ਨਿਰਪੱਖ ਜਾਂਚ ਕਰਵਾਊਣ ਦੀ ਮੰਗ ਕੀਤੀ। ਵਿਧਾਇਕ ਨੇ ਵਫ਼ਦ ਨੂੰ ਭਰੋਸਾ ਦਿੰਦਿਆਂ ਕਿਹਾ ਕਿ ਉਹ ਇਸ ਮਾਮਲੇ ਦੀ ਨਿਰਪੱਖ ਜਾਂਚ ਕਰਨ ਲਈ ਪੁਲੀਸ ਨੂੰ ਕਹਿਣਗੇ।

ਇਸੇ ਦੌਰਾਨ ਪੰਜਾਬ ਏਕਤਾ ਟੈਕਸੀ ਆਪਰੇਟਰ ਯੂਨੀਅਨ ਨੇ ਪ੍ਰਧਾਨ ਸੁਰਿੰਦਰ ਸਹਿਗਲ ਅਤੇ ਜ਼ਿਲ੍ਹਾ ਸਕੱਤਰ ਹਰਭਜਨ ਸਿੰਘ ਦੀ ਅਗਵਾਈ ਹੇਠ ਰੋਸ ਪ੍ਰਦਰਸ਼ਨ ਕੀਤਾ। ਸ੍ਰੀ ਸਹਿਗਲ ਨੇ ਕਿਹਾ ਕਿ ਦੜਾ-ਸੱਟਾ ਖੇਡਣ ਵਾਲੇ ਵਿਅਕਤੀਆਂ ਨੂੰ ਕਾਬੂ ਕਰਨ ਸਮੇਂ ਹੋਟਲ ਮਾਲਕ ਨੇ ਪੁਲੀਸ ਨੂੰ ਪੂਰਾ ਸਹਿਯੋਗ ਦਿੱਤਾ ਪਰ ਬਾਅਦ ਵਿੱਚ ਪੁਲੀਸ ਨੇ ਜਾਣਬੁੱਝ ਕੇ ਮਾਲਕ ਨੂੰ ਮੁੜ ਥਾਣੇ ਸੱਦ ਕੇ ਉਸ ਉਪਰ ਵੀ ਕੇਸ ਦਰਜ ਕਰ ਦਿੱਤਾ। ਉਨ੍ਹਾਂ ਮੰਗ ਕੀਤੀ ਕਿ ਹੋਟਲ ਮਾਲਕ ਉਪਰ ਦਰਜ ਕੇਸ ਰੱਦ ਕੀਤਾ ਜਾਵੇ।

ਸਭ ਤੋਂ ਵੱਧ ਪੜ੍ਹੀਆਂ ਖ਼ਬਰਾਂ

ਜ਼ਰੂਰ ਪੜ੍ਹੋ

ਕਿਸਾਨ ਅੰਦੋਲਨ ਦੇ ਬਦਲਦੇ ਰੰਗ

ਕਿਸਾਨ ਅੰਦੋਲਨ ਦੇ ਬਦਲਦੇ ਰੰਗ

ਲਵ ਜਹਾਦ ਅਤੇ ਪਿੱਤਰਸੱਤਾ ਦਾ ਜੋੜ

ਲਵ ਜਹਾਦ ਅਤੇ ਪਿੱਤਰਸੱਤਾ ਦਾ ਜੋੜ

ਕਿਸੇ ਨੂੰ ਪਿਆਰ, ਕਿਸੇ ਨੂੰ ਲਾਹਣਤ

ਕਿਸੇ ਨੂੰ ਪਿਆਰ, ਕਿਸੇ ਨੂੰ ਲਾਹਣਤ

ਇਹ ਸਰ ਕਿੰਨੇ ਕੁ ਡੂੰਘੇ ਨੇ...

ਇਹ ਸਰ ਕਿੰਨੇ ਕੁ ਡੂੰਘੇ ਨੇ...

ਮੁੱਖ ਖ਼ਬਰਾਂ

ਸ਼ਹਿਰ

View All