ਨਿਗਮ ਨੇ ਨਾਜਾਇਜ਼ ਕਬਜ਼ੇ ਹਟਾਏ
ਨਗਰ ਨਿਗਮ ਨੇ ਅੱਜ ਸੈਕਟਰ 43 ਸਕੂਟਰ/ਮੋਟਰਸਾਈਕਲ ਮਾਰਕੀਟ ਅਤੇ ਸੈਕਟਰ 26 ਦੀ ਆਊਟਰ ਮੰਡੀ ਵਾਲ਼ੀ ਜ਼ਮੀਨ ’ਤੇ ਅਣ-ਅਧਿਕਾਰਤ ਕਬਜ਼ੇ ਹਟਾਉਣ ਲਈ ਵਿਸ਼ੇਸ਼ ਮੁਹਿੰਮ ਚਲਾਈ। ਸੈਕਟਰ 43 ਦੀ ਸਕੂਟਰ ਅਤੇ ਮੋਟਰਸਾਈਕਲ ਮੁਰੰਮਤ ਮਾਰਕੀਟ ਵਿੱਚ ਟੀਮ ਨੂੰ ਕਈ ਮੋਟਰਸਾਈਕਲ ਅਤੇ ਸਕੂਟਰ ਮਿਲੇ...
ਨਗਰ ਨਿਗਮ ਨੇ ਅੱਜ ਸੈਕਟਰ 43 ਸਕੂਟਰ/ਮੋਟਰਸਾਈਕਲ ਮਾਰਕੀਟ ਅਤੇ ਸੈਕਟਰ 26 ਦੀ ਆਊਟਰ ਮੰਡੀ ਵਾਲ਼ੀ ਜ਼ਮੀਨ ’ਤੇ ਅਣ-ਅਧਿਕਾਰਤ ਕਬਜ਼ੇ ਹਟਾਉਣ ਲਈ ਵਿਸ਼ੇਸ਼ ਮੁਹਿੰਮ ਚਲਾਈ।
ਸੈਕਟਰ 43 ਦੀ ਸਕੂਟਰ ਅਤੇ ਮੋਟਰਸਾਈਕਲ ਮੁਰੰਮਤ ਮਾਰਕੀਟ ਵਿੱਚ ਟੀਮ ਨੂੰ ਕਈ ਮੋਟਰਸਾਈਕਲ ਅਤੇ ਸਕੂਟਰ ਮਿਲੇ ਜੋ ਅਣ-ਅਧਿਕਾਰਤ ਤੌਰ ’ਤੇ ਨਿਗਮ ਦੀ ਜ਼ਮੀਨ ’ਤੇ ਖੜ੍ਹੇ ਸਨ। ਇਸ ਵਿਰੁੱਧ ਕਾਰਵਾਈ ਕਰਦੇ ਹੋਏ ਟੀਮ ਨੇ 10 ਮੋਟਰਸਾਈਕਲ ਜ਼ਬਤ ਕੀਤੇ।
ਸੈਕਟਰ 26 ਆਊਟਰ ਮੰਡੀ ਵਿੱਚ ਕਾਰਵਾਈ ਦੌਰਾਨ ਐਨਫੋਰਸਮੈਂਟ ਟੀਮ ਨੂੰ ਤਰਬੂਜ਼ ਵੇਚਣ ਵਾਲੇ ਟਰੱਕ ਅਤੇ ਨਗਰ ਨਿਗਮ ਦੀ ਜ਼ਮੀਨ ’ਤੇ ਬਿਨਾਂ ਇਜਾਜ਼ਤ ਦੇ ਰੇਹੜੀਆਂ ਚਲਾਉਣ ਵਾਲੇ ਵਿਕਰੇਤਾ ਮਿਲੇ। ਟੀਮ ਨੇ ਨਿਯਮਾਂ ਦੀ ਉਲੰਘਣਾ ਕਰਨ ਸਬੰਧੀ ਤਰਬੂਜ਼ਾਂ ਨਾਲ ਭਰੇ ਤਿੰਨ ਟਰੱਕ ਅਤੇ ਨੌਂ ਰੇਹੜੀਆਂ ਜ਼ਬਤ ਕੀਤੀਆਂ।
ਨਗਰ ਨਿਗਮ ਦੀ ਜ਼ਮੀਨ ਦੇ ਕਬਜ਼ੇ ਅਤੇ ਅਣਅਧਿਕਾਰਤ ਵਰਤੋਂ ਖ਼ਿਲਾਫ਼ ਮੁਹਿੰਮ ਦੌਰਾਨ ਉਲੰਘਣਾ ਕਰਨ ਵਾਲਿਆਂ ਨੂੰ 25 ਚਲਾਨ ਜਾਰੀ ਕੀਤੇ ਗਏ। ਇਹ ਕਾਰਵਾਈ ਸੁਚਾਰੂ ਆਵਾਜਾਈ ਨੂੰ ਯਕੀਨੀ ਬਣਾਉਣ, ਜਨਤਕ ਸਹੂਲਤ ਬਣਾਈ ਰੱਖਣ ਅਤੇ ਸਰਕਾਰੀ ਜ਼ਮੀਨ ’ਤੇ ਗੈਰ-ਕਾਨੂੰਨੀ ਕਬਜ਼ੇ ਨੂੰ ਰੋਕਣ ਲਈ ਕੀਤੀ ਗਈ।
